The Delhi government has admitted that community transmission has taken place in Delhi

કોરોના વાયરસના વધતા કેસ વચ્ચે દિલ્હી સરકારે સ્વીકાર્યુ છે કે દિલ્હીમાં કૉમ્યુનિટી ટ્રાન્સમિશન થઇ ચુક્યું છે. મંગળવારે સ્વાસ્થ્ય મંત્રાલય મંત્રી સત્યેન્દ્ર જૈને કહ્યુ કે દિલ્હીમાં લગભગ 50 ટકા કેસ એવા આવી રહ્યા છે, જેમના સ્ત્રોત વિશે માહિતી નથી મળી રહી કે તેમને સંક્રમણ ક્યાંથી થયું. તેમણે કહ્યુ કે જ્યારે તમને કેટલાક લોકો એવા મળે કે જેમને સંક્રમણના સોર્સ વિશે માહિતી નથી મળી રહી હોય તો તેને કોમ્યુનિટી સ્પ્રેડ કહેવામાં આવે છે.

દિલ્હીમાં કૉમ્યુનિટી સ્પ્રેડ થઇ ચુક્યું છે

ઘણા બધા લોકો એવા છે કે જેમના સોર્સ વિશે માહિતી મળી રહી નથી કે તેમને આ બીમારી ક્યાંથી મળી છે. પરંતુ તેની જાહેરાતને લઇને તેમનું કહેવું છે કે આ વાત ત્યારે જ માનવામાં આવશે જ્યારે કેન્દ્ર સરકાર પણ સ્વીકારી લે છે કે દિલ્હીમાં કૉમ્યુનિટી સ્પ્રેડ થઇ ચુક્યું છે. એલજીએ દિલ્હીવાસીઓ માટે જ બેડ રહેશેના કેજરીવાલના નિર્ણયને ફગાવી દીધો છે. દિલ્હીમાં જે પ્રકારે કેસો વધી રહ્યાં છે એ જોતાં સરકારે એવું સ્વીકારી લીધું છે કે કેસો મુંબઈને પાછળ ધકેલી દેશે. મુંબઈમાં હાલમાં 80 હજારથી વધુ કેસો છે.

સ્વાસ્થ્ય મંત્રીએ કહ્યુ, ‘epidomologyની અંદર 4 સ્ટેજ હોય છે. ત્રીજો સ્ટેજ હોય છે કોમ્યુનિટી સ્પ્રેડ. કોમ્યુનિટી સ્પ્રેડ તેને કહેવાય છે જ્યારે કોઇ વ્યક્તિને ઇન્ફેક્શન ક્યાંથી લાગ્યું છે તેના વિશે માહિતી મળી ન શકે અને એવા એક કેસ નથી એવા ઘણા બધા કેસ છે. લગભગ અડધા કેસ એવા આવી રહ્યા છે જેમને ખબર જ નથી કે તેમને ઇન્ફેક્શન ક્યાંથી લાગ્યું છે.’

કેન્દ્ર સરકાર માનશે ત્યારે જ તેને સત્તાવાર માનવામાં આવશે.

તેમણે કહ્યુ કે ‘સોમવારે એમ્સના ડાયરેક્ટર રણદીપ ગુલેરિયાએ પણ કોમ્યૂનિટી ટ્રાન્સમિશન વિશે જણાવ્યું હતું પરંતુ કેન્દ્ર સરકાર સત્તાવાર તેનો સ્વીકાર નથી કરી રહી. કેન્દ્ર સરકાર માનશે ત્યારે જ તેને સત્તાવાર માનવામાં આવશે.’ મંગળવારે ઉપ-મુખ્યમંત્રી મનીષ સિસોદિયાની અધ્યક્ષતામાં ડિઝાસ્ટર મેનેજમેન્ટ ઓથોરિટી સાથે યોજાનારી મીટિંગમાં કૉમ્યુનિટી સ્પ્રેડ વિશે ચર્ચા કરવામાં આવી છે. મીટિંગમાં સમીક્ષા કરવામાં આવશે કે દિલ્હીમાં કોમ્યુનિટી સ્પ્રેડ થયો છે કે નહીં. આ મીટિંગમાં જો કોમ્યુનિટી ટ્રાન્સમિશનના થયું હોવાનું માનવામાં આવે તો સરકારની વ્યૂહરચના શું છે, તેના પર તેમણે કહ્યુ કે, ‘સરકાર માનશે તો પૂછશો ને. જો તમે બીમાર છો તો તેનાથી કોઇ ફર્ક નથી પડતો જો તમને તેઓ બીમાર જાહેર કરે કે હાં તમે બીમાર છો ત્યારે ખબર પડશે.’

આ પણ વાંચો:-  વડોદરામાં નાયબ મામલતદારનો કોરોના રિપોર્ટ પોઝિટિવ આવતા કર્મચારીઓમાં ફફડાટ

તેમણે કહ્યુ કે સરકાર હજુ સુધી પરિસ્થિતિથી લડવા માટે તૈયાર છે પરંતુ દિલ્હી હોસ્પિટલને લઇને જે તેમના ઓર્ડર છે, ત્યારબાદથી સમસ્યા સર્જાઇ છે. તેમણે કહ્યુ, ‘જો મીટિંગમાં જાહેર કરવામાં આવે ત્યાર બાદ તેનો પ્રોટોકોલ જણાવવામાં આવશે. કોમ્યુનિટી સ્પ્રેડમાં મુખ્ય રીતે સારવાર પર ધ્યાન આપવામાં આવે છે. હાલ માની લો એક દર્દી કોરોના પોઝિટિવ છે તેના કોન્ટેક્ટમાં 50 લોકો 100 લોકો હોય છે હવે 50 અથવા 100 લોકોમાંથી બીમાર તો બે જ છે હવે એ બે પર ધ્યાન આપજો તેની સારવાર કરાવજો.’

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.