Corona’s serious condition also made people unaware, crowds gathered in Ahmedabad

ગુજરાતમાં કોરોનાનો કહેર યથાવત છે ત્યારે અમદાવાદમાં સરકાર દ્વારા કરફ્યૂનો નિર્ણય કર્યો છે. 57 કલાકના કરફ્યૂની જાહેરાત બાદ અમદાવાદની પ્રખ્યાત કાલુપુર શાક માર્કેટમાં આજે સવારે જબરદસ્ત ભીડ જોવા મળી. મોટી સંખ્યામાં લોકો ખરીદી કરવા પહોંચી ગયા છે. કોરોનાના વધતા કેસને લઇને અમદાવાદમાં આજ રાતથી સોમવાર સવારે 6 વાગ્યા સુધી કરફ્યૂ લગાવવામાં આવ્યો છે.

આજે રાત્રે 9 વાગ્યાથી સોમવાર સવાર સુધી અમદાવાદ સંપૂર્ણ (curfew ahmedabad) બંધ રહેશે. તો સાથે જ શનિવાર અને રવિવારે દિવસ દરમિયાન પણ કરફ્યૂ (Curfew) રહેશે તેવી જાહેરાત કરાઈ છે. આ દરમિયાન અતિ આવશ્યક સેવાઓ ચાલુ રહેશે. દૂધ અને દવા સિવાયની તમામ દુકાનો બંધ રહેશે. ત્યારે શુક્રવારની સવારથી અમદાવાદમાં લોકો પેનિક થયા છે. કરફ્યુની જાહેરાતને પગલે લોકો માર્કેટમાં જીવન જરૂરિયાતની વસ્તુઓ ખરીદવા ઉમટ્યા છે. સવારથી જ શાકભાજી અને અન્ય જરૂરી વસ્તુઓ લેવા પડાપડી થઈ રહી છે. તો ભીડ ઉમટતા Amc દ્વારા જમાલપુર ફૂલ બજાર અને શાક માર્કેટ ખાલી કરાવવાની કામગીરી તંત્ર દ્વારા કરાઈ રહી છે. બજારમાં ઉમટેલી ભીડને પગલે તંત્રની સોલિડ વેસ્ટ મેનેજમેન્ટ વિભાગ દ્વારા ટીમો ઉતારવામાં આવી છે. કાલુપુર બજારમાં પણ ભીડ થતા તંત્ર એક્શનમાં આવી ગયા છે.