In Dang, a thief stole a five-metal bracelet from the Ramayana period

હાલનાં આધુનિક જમાનામાં પણ ઘણાં લોકોમાં હજુ પણ પૌરાણિક માન્યતાઓ સ્થાન ધરાવે છે. તેવામાં તમને વિશ્વાસ નહીં થાય તેવી ઘટના ગુજરાતનાં ડાંગથી સામે આવી છે. ડાંગમાં રામાયણકાળનાં પંચધાતુના કડાની ચોરે ચોરી કરી હતી. પણ દૈવી શક્તિનાં પ્રકોપથી ચોરે માનસિક સંતુલન ગુમાવી દીધું હતું. જે બાદ મહારાષ્ટ્રમાં રહેતાં ચોરનો પરિવાર કડું પરત આપવા માટે ડાંગ આવી ગયો હતો. કડુ પરત આવી જતાં રાજવી પરિવાર અને આદિવાસીઓમાં અલૌકિક શક્તિમાં આસ્થા વધારે દ્ગઢ બની હતી.

- Advertisement -

લિંગા સ્ટેટના રાજવી છત્રસિંહ સૂર્યવંશીના ઘરેથી પંચધાતુના કડાની ચોરી થઈ હતી

ગત હોળી દરમિયાન લિંગા સ્ટેટના રાજવી છત્રસિંહ સૂર્યવંશીના ઘરેથી વંશ પરંપરાગતથી પૂજા અર્ચના કરતાં આવેલા પંચધાતુના કડાની ચોરી થઈ હતી. રાજવી પરિવારનું પારંપારિક રામાયણકાળનું પંચધાતુનું કડુ ખોવાયા બાદ સમગ્ર પંથકમાં ઘેરા આઘાતની લાગણી ફેલાઈ ગઈ હતી. રાજવી પરિવાર સહિ ત્રણ ગામોનાં લોકો શોકમાં ગરકાવ થઈ ગયા હતા. અને તેઓએ હોળી સહિતનાં એકપણ તહેવારની ઉજવણી કરી ન હતી.

પરંપરા મુજબ દૈવી શક્તિ ઉપર વિશ્વાસ રાખી ચોરી બાબતે પોલીસ ફરિયાદ કરી ન હતી

આદિવાસી સંસ્કૃતિ અને પરંપરા મુજબ દૈવી શક્તિ ઉપર વિશ્વાસ રાખી ચોરી બાબતે પોલીસ ફરિયાદ કરી ન હતી. માન્યતા મુજબ ચોરી કરનાર ઇસમ આંધળો કે માનસિક સંતુલન ગુમાવી બેસે છે. અને ચોરને પણ આ દૈવી શક્તિનો પરચો મળી ગયો હતો. તેણે ચમત્કારિક કડાની તો ચોરી કરી લીધી. પણ આ કડામાં રહેલી અલૌકિક શક્તિએ તેનો પરચો બતાવ્યો હતો.

ચોરી કરનાર શખ્સ માનસિક સંતુલન ગુમાવી બેઠો હતો. જે બાદ તેનો પરિવાર કે જે મહારાષ્ટ્રમાં રહેતો હતો કે કડુ લઈને પરત ડાંગ આવ્યો હતો. અને રાજવી પરિવારને ચમત્કારિક કડું પરત કર્યું હતું. કડું પરત મળી આવતાં રાજવી પરિવાર સહિત લોકોમાં આનંદની લાગણી છવાઈ ગઈ હતી. અને કડાએ પોતાનો પરચો દેખાડી દેતાં તેમની આસ્થા વધારે મજબૂત બની હતી.

આ પણ વાંચો:-  ભારતે પબજી સહિત 108 ચીની એપ બેન કરતા ભડકી ઉઠ્યું ચીન

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.