Sunday, July 25, 2021
More

    Latest Posts

    સુરતમાં રત્નકલાકારોના વેતનમાં 20થી 25 ટકા વધારો કરવા માગ

    Demand for 20 to 25 per cent increase in the salaries of jewelers in Surat

    કોરોનાની બીજી લહેર બાદ ડાયમંડ ઉદ્યોગમાં ભારે તેજીનો માહોલ જોવા મળી રહ્યો છે. ધીરે-ધીરે ચાઇના, અમેરિકા જેવા કોરોના સંક્રમણથી ગ્રસ્ત થયેલા દેશોમાં પણ હવે બજાર ખુલવાના શરૂ થઈ ગયા છે. જેને કારણે જ્વેલરી ઉદ્યોગમાં જબરજસ્ત તેજીનો ઉછાળો જોવા મળી રહ્યો છે. સુરતમાં કટીંગ અને પોલિસ્ડ ડાયમંડની કામગીરી પૂરજોશમાં ચાલી રહી છે. રવિવારના દિવસે પણ ઘણી ફેક્ટરીઓ ધમધમતાં તેજીનો માહોલ છે એવી સ્પષ્ટતા થઇ છે. ડાયમંડ યુનિયન વર્કર એસોસિએશન દ્વારા રત્ન કલાકારોના વેતન વધારાની માંગ સાથે ડાયમંડ એસોશિએશનમાં રજૂઆત કરવામાં આવી હતી. જેમાં 20થી 25 ટકા વેતન વધારાની માગ કરવામાં આવી હતી.

    ડાયમંડ વર્કર યુનિયનને માગણી કરી હતી કે રત્નકલાકારોના વેતનમાં 20થી 25 ટકા જેટલો વધારો કરવામાં આવે તેમજ ડાયમંડ હોસ્પિટલમાં વિનામૂલ્યે રત્ન કલાકારોની સારવાર કરવામાં આવે તેવી માંગ કરવામાં આવી હતી. કોરોના સંક્રમણ કાળ દરમિયાન રત્નકલાકારોની આર્થિક સ્થિતિ ખૂબ જ નબળી થઇ હોવાથી આર્થિક રીતે તેમને મદદરૂપ થવું ખૂબ જ આવશ્યક છે. ડાયમંડ એસોશિએશન દ્વારા રત્નકલાકારોને આર્થિક રીતે પગભર થવા માટે અને તેના વેતનમાં વધારો કરવા માટે માગણી કરવામાં આવી છે.

    આ પણ વાંચો:-  મધ દરિયે બોટમાં ફસાયેલા ગુજરાતના 12 ક્રૂ મેમ્બર્સને મુંબઈ કોસ્ટગાર્ડે બચાવ્યા

    સુરત ડાયમંડ એસોશિએશનના પ્રમુખ નાનુભાઈ વેકરીયા જણાવ્યું કે રત્નકલાકારોના પગાર વધે એ દિશામાં અમે કામ કરી રહ્યા છીએ અને તેમને આર્થિક રીતે મદદરૂપ થવા માટે અમે પહેલાથી જ કામગીરી શરૂ કરી દીધી છે. જેમ એન્ડ જ્વેલરી નેશનલ રિલિફ ફાઉન્ડેશન દ્વારા કોરોનામાં મૃત્યુ પામેલા લોકોના પરિવારજનોને આર્થિક સહાય આપવા માટેની તૈયારી કરી છે. થોડા જ દિવસોમાં જેમ એન્ડ જ્વેલરી રિલિફ ફાઉન્ડેશન દ્વારા તેમને આર્થિક સહાય ચૂકવી દેવામાં આવશે. અમે તમામ ડાયમંડ ફેક્ટરીઓના સંચાલકો સાથે સંકલન કરીને રત્નકલાકારોને આર્થિક ભીંસમાં આવું ન પડે તેના માટેનું આયોજન કરીશું.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    આ પણ વાંચો:-  સોમવારથી ધોરણ 9થી 11ની સ્કૂલો ઓફલાઇન શરૂ કરવાની વિચારણા

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.