Gujarati News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ન્યુઝ ફોર ગુજરાતી | ગુજરાત સમાચાર - News4 Gujarati

Dhanani’s shirt torn in Amreli: Statewide protest of Congress over agriculture law-school-college fees

ગુજરાત કોંગ્રેસ દ્વારા આજે કૃષિ કાયદો, સ્કૂલ કોલેજની ફી માફીને લઈને રાજ્યવ્યાપી વિરોધ પ્રદર્શન થઈ રહ્યું છે. અમદાવાદના બત્રીસી હોલ ખાતે ધરણાં પ્રદર્શન કાર્યક્રમ યોજાયો હતો. જેમાં પ્રદેશ પ્રમુખ અમિત ચાવડા સહિતના નેતાઓ ધરણાં જોડાયા હતા, ત્યારબાદ વિરોધ પ્રદર્શન ઉગ્ર બન્યું હતું. બીજી બાજુ કોંગ્રેસનું વિરોધ પ્રદર્શન ઉગ્ર બને તે પહેલા જ પોલીસે કોંગ્રેસનો મંડપ હટાવ્યો હતો. ધરણાં માટે મંજૂરી ન હોવાથી પોલીસે કાર્યવાહી કરી હોવાના અહેવાલ મળી રહ્યા છે.

- Advertisement -

અમદાવાદમાં કોંગ્રેસનું વિરોધ પ્રદર્શન  યોજાયું હતું. ત્યારે કોંગ્રેસના અમિત ચાવડાની ટીંગાટોળી કરીને અટકાયત કરી છે. આ સિવાય ઈમરાન ખેડાવાલા, ગ્યાસુદ્દીન શેખની અટકાયત કરવામાં આવી છે. પોલીસે પણ કોંગ્રેસ કાર્યકરોની અટકાયત કરી હોવાની માહિતી મળીરહી છે. કૃષિ કાયદો, સ્કૂલ – કોલેજની ફી માફીની માગ સાથે અનેક નેતાઓ ભેગા થયા હતા. અમિત ચાવડાએ આ વિશે જણાવ્યું કે, ભાજપ સરકાર ખેડૂત વિરોધી છે.

ગુજરાત કોંગ્રેસના આજે રાજ્યવ્યાપી દેખાવોમાં કેન્દ્ર સરકારનું ખેડૂત વિરોધી બિલ તેમજ શાળા-કોલેજોની ફી માફીની માંગ સાથે દેખાવો યોજવામાં આવી રહ્યા છે. ગુજરાત કોંગ્રેસના તમામ નેતાઓ અલગ અલગ જિલ્લા સેન્ટરો પરથી વિરોધ પ્રદર્શનમાં જોડાયા છે. અને તેઓ કેન્દ્ર અને રાજ્ય સરકારે રજુ કરેલ ખેડૂતલક્ષી બીલો પરત ખેંચવાની માંગ કરી રહ્યા છે. રાજકોટમાં કોંગ્રેસ કાર્યકરોની પોલીસ દ્વારા અટકાયત કરવામાં આવી છે. બેડી યાર્ડમાં કોંગ્રેસ કાર્યકરોનું પ્રદર્શન ચાલી રહ્યું હતું ત્યારે પોલીસ અને કાર્યકરો વચ્ચે ધર્ષણ થયું હતું.

અમરેલીમાં પણ કોંગ્રેસનું ઉગ્ર વિરોધ પ્રદર્શન કરવામાં આવ્યું છે. અમરેલીમાં વિપક્ષ નેતા પરેશ ધાનાણીની અટકાયત કરવામાં આવી છે. આજે અમરેલીના ગાંધી બાગમાં પરેશ ધાનાણી સહિતના નેતાઓ ધરણાં કાર્યક્રમ કરવાના હતા, ત્યારે તેઓ ત્યાં પહોંચ્યા ત્યારે પોલીસ અને કાર્યકરો વચ્ચે ઝપાઝપી થઈ હતી. કોંગ્રેસના નેતાઓ ધરણાં કરે તે પહેલા જ પોલીસે અટકાયત કરી લીધી છે. અમરેલીમાં સ્કૂલ ફી, કૃષિ કાયદાના વિરૂદ્ધમાં કોંગ્રેસનું પ્રદર્શન ઉગ્ર બન્યું છે. પોલીસે સાથે ઘર્ષણમાં વિરોધ પક્ષના નેતા ધાનાણીનો શર્ટ ફાટ્યો હોવાના એક અહેવાલ મલી રહ્યા છે. આ સિવાય કોંગ્રેસ કાર્યકરોએ પોલીસની ગાડી પણ રોકી છે.

આ પણ વાંચો:-  સગર્ભા ટ્રોમા સેન્ટર પહોંચે તે પહેલા જ 108માં બાળકનું માથું બહાર આવી ગયું

મોરબીમાં કોંગ્રેસ કાર્યાલય પાસે પણ કોંગ્રેસના ધરણાં પ્રદર્શન યોજાયું છે. જેમાં કૃષિબીલ વિરોધ, હાથરસની ઘટના અને 100 % ફી માફીની માંગ સાથે ધરણા કરવામાં આવ્યા છે. મોરબીમાં ધારાસભ્ય લલિત કગથરાની આગેવાનીમાં વિરોધ પ્રદર્શન યોજાયું હતું. જેમાં અનેક કાર્યકરો દ્વારા સરકાર વિરોધી નારા અને બેનરો સાથે વિરોધ પ્રદર્શન યોજાયું છે.

કચ્છ જિલ્લામાં પણ કોંગ્રેસે ઘરણા યોજી વિરોધ પ્રદર્શન નોંધાવ્યો હતો. કોંગ્રેસના વિરોધમાં સરકાર વિરુદ્ધ બેનર અને સુત્રોચાર સાથે વિરોધ પ્રદર્શન યોજાયું હતું. શાળા કોલેજ ફી માફ કરો, ખેડૂતો બેહાલ, નો સ્કૂલનો ફી સહિતના પોસ્ટર સાથે વિરોધ પ્રદર્શન યોજાયું છે. ભુજ ગાંધી પ્રતિમા નજીક એક દિવસના પ્રતિક ધરણા યોજી વિરોધ નોંધાવ્યો હતો.

વડોદરામાં પણ કોંગ્રેસ દ્વારા ચક્કાજામ કરવામાં આવ્યું હોય તેવા સમાચાર મળી રહ્યા છે. વડોદરાના દેના ચોકડી ખાતે કોંગ્રેસનું વિરોધ પ્રદર્શન જોવા મળ્યું છે. કૃષિ કાયદો, ફી માફીની માગ સાથે પ્રદર્શન ધીમેધીમે ઉગ્ર બની રહ્યું છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -