Drink and Drive Kavach mitilesh patel: ગુજરાતના વડોદરાના યુવા ઇનોવેટર મિથિલેશ પટેલ એ એવી અનોખી ડિવાઈસ વિકસાવી છે જે ડ્રિંક એન્ડ ડ્રાઈવ જેવી ખતરનાક પ્રવૃત્તિઓને રોકી શકે છે. તેમની શોધનું નામ છે ‘કવચ’ (Kavach) — એક એવી ડિવાઈસ જે દારૂ પીધેલા વ્યક્તિને વાહન ચલાવવાથી અટકાવે છે.
મિથિલેશ પટેલે જણાવ્યું કે, તેમની આ ડિવાઈસ એ લોકોના જીવ બચાવવા માટે તૈયાર કરવામાં આવી છે, જેમના જીવન પર નશામાં વાહન ચલાવનારા લોકોના કારણે ખતરો ઉભો થાય છે.
કેવી રીતે કામ કરે છે આ ડિવાઈસ?
આ ઉપકરણ વાહનમાં લગાડવામાં આવે છે. જો ડ્રાઈવર અથવા તેની બાજુમાં બેઠેલા વ્યક્તિએ દારૂ પીધું હોય અને તેનું સ્તર નક્કી મર્યાદા કરતાં વધારે હોય, તો ‘કવચ’ તરત જ વાહનનું ઇગ્નિશન અથવા ઇંધણ સિસ્ટમ બંધ કરી દે છે.
તે ઉપરાંત, તે તરત જ પોલીસ અને વાહન માલિકને ઇમેઇલ અલર્ટ મોકલે છે, જેમાં વ્યક્તિના અલ્કોહોલ લેવલની માહિતી આપવામાં આવે છે.
જો કોઈ વ્યક્તિ બાયપાસ કરીને વાહન ચલાવવાનો પ્રયાસ કરે, તો આ સિસ્ટમ દરેક 15 સેકન્ડે સ્કેન કરે છે. વધુ દારૂ પીધેલા વ્યક્તિને ઓળખ્યા પછી વાહનના વિન્ડશીલ્ડ પાસે લાલ લાઇટ પ્રગટે છે, જે પોલીસને ચેતવણી આપે છે.
ઓછી માત્રામાં દારૂ પર જળશે પીળી લાઈટ
મિથિલેશના જણાવ્યા મુજબ જો દારૂનું પ્રમાણ થોડું હોય તો ડિવાઈસ પીળી ચેતવણી લાઇટ બતાવે છે.
આ ઉપકરણનો મુખ્ય હેતુ છે — નશામાં ધૂત વ્યક્તિઓના કારણે થતા અકસ્માતો અટકાવવી અને નિર્દોષ લોકોના જીવ બચાવવો.
આ ટેકનોલોજીનો ઉપયોગ હવે ડ્રોન પર પણ થઈ શકે છે, જેથી હવામાંથી દારૂના ડિપો અથવા સ્ટોરેજ સ્થળો સ્કેન કરી શકાય.
કવચ’ નો ઉપયોગ સરકારી કચેરીઓ, કોર્પોરેટ ઑફિસો અને ઉદ્યોગોમાં પણ થઈ શકે છે, જ્યાં દારૂના પ્રભાવ હેઠળ આવેલા કર્મચારીઓના પ્રવેશને રોકવાની જરૂર હોય.
140 પેટન્ટમાંથી 101 ઓપન સોર્સ જાહેર
મિથિલેશ પટેલે જણાવ્યું કે, તેમના નામે અત્યાર સુધી 140 પેટન્ટ નોંધાયેલા છે, જેમાંથી 101 પેટન્ટ તેમણે ઓપન સોર્સ જાહેર કર્યા છે, જેથી શૈક્ષણિક સંસ્થાઓ, સ્ટાર્ટઅપ્સ અને ઈનોવેશન સેન્ટર્સ આ ટેકનોલોજીને આગળ લઈ જઈ શકે.
તેમનું માનવું છે કે આ ડિવાઈસ ખાસ કરીને ગુજરાત અને બિહાર જેવા રાજ્યોમાં ખૂબ ઉપયોગી સાબિત થઈ શકે છે, જ્યાં દારૂબંધી અમલમાં છે.
મિથિલેશ પટેલ – સ્વદેશી ઇનોવેટર
વડોદરાના વાસણા રોડ વિસ્તારમાં રહેતા મિથિલેશ પટેલ “વ્રજ ઇનોવેટર” તરીકે ઓળખાય છે. તેઓ છેલ્લા 22 વર્ષથી નવી ટેકનોલોજી અને શોધખોળમાં જોડાયેલા છે.
મિથિલેશ પટેલે વધારે અભ્યાસ નથી કર્યો — તેઓ સivil engineering diploma ના dropout છે, છતાં પણ તેમની શોધખોળે રાષ્ટ્રીય સ્તરે નામ મેળવ્યું છે.
તેઓ પ્રધાનમંત્રી નરેન્દ્ર મોદીને પોતાનો આદર્શ માને છે અને કહે છે કે તેમના વિઝનથી પ્રેરાઈને તેઓ “આત્મનિર્ભર અને વિકસિત ભારત” માટે સતત ઇનોવેશન કરી રહ્યા છે.
‘Anti Drink and Drive Device – Kavach’ જેવી શોધો એ સાબિત કરે છે કે દેશના યુવાનો ટેકનોલોજી દ્વારા સામાજિક સમસ્યાઓના ઉકેલ લાવી શકે છે.
મિથિલેશ પટેલની આ શોધ માત્ર ગુજરાત માટે નહીં, પરંતુ સમગ્ર ભારત માટે ગૌરવની બાબત છે.
