Eclipse of Corona to Surat APMC, which exports mango pulp

ગત વર્ષ સુધી દર વર્ષે લગભગ 2 લાખ ટન કેરીનો માલ ઉતરતો હતો. જ્યારે ચાલુ વર્ષે હવામાનમાં પલટાને કારણે 1 લાખ ટન જેટલો માલ પણ ઉતર્યો નથી.   

ગુજરાતની 210 એપીએમસીમાંથી વિદેશોમાં કેરીના પલ્પ એક્સપોર્ટ કરનાર એકમાત્ર સુરત એપીએમસીના પલ્પ બનાવાના અત્યાધુનિક સુવિધાથી સજજ એગ્રોફૂડ પાર્કના યુનિટોને પણ હાલ કોરોનાનું ગ્રહણ લાગ્યું છે. ચાલુ વર્ષે વિદેશમાંથી ડિમાન્ડ ન હોવાથી તેમજ સારી ક્વોલિટીનો કેરીનો માલ પણ ન હોવાને કારણે આ યુનિટ બંધ રાખવાની પરિસ્થિતિ સર્જાય છે.

ગત વર્ષ સુધી દર વર્ષે લગભગ 2 લાખ ટન કેરીનો માલ ઉતરતો હતો

ગત વર્ષ સુધી દર વર્ષે લગભગ 2 લાખ ટન કેરીનો માલ ઉતરતો હતો. જ્યારે ચાલુ વર્ષે હવામાનમાં પલટાને કારણે 1 લાખ ટન જેટલો માલ પણ ઉતર્યો નથી. ઉલ્ટાનું માત્ર 60-70 હજાર ટન કેરીનો માલ જ તૈયાર થયો છે. જેથી ચાલુ વર્ષે કેરીનો જથ્થો અને ક્વોલિટી બન્ને ન હોવાને કારણે યુનિટો બંધ જ છે એટલે કે તેમને શરૂ જ નથી કરાયા. વળી આ કેરી પલ્પ બનાવા માટે જોઈએ એટલી પરિપક્વ પણ ન હતી અને જે ક્વોલિટીની જોઈએ એ ક્વોલિટી પણ કેળવી શકી ન હતી. જેથી આધુનિક સુવિધાઓ થી સજ્જ પ્રતિદિન 80 ટન પલ્પ નીકળી શકે તેટલી ક્ષમતા ધરાવતા પ્લાન્ટ એપીએમસીમાં સ્થપાયેલો છે જે હાલ બંધ છે. 

રશિયા, અમેરિકા, કેનેડા જેવા દેશોમાં એક્સપોર્ટ કરવામાં આવ્યો હતો

ભૂતકાળમાં લગભગ 800 ટન કેરીનો પલ્પ બનાવામાં આવ્યો છે જેમાંથી 50% માલ રશિયા, અમેરિકા, કેનેડા જેવા દેશોમાં એક્સપોર્ટ કરવામાં આવ્યો હતો જ્યારે બાકીનો 50% માલ લોકલ રીતે ડિસ્ટ્રીબ્યુટ કરવામાં આવ્યો હતો. પલ્પ બનાવી એક્સપોર્ટ કરવાની શરૂઆત જૂન 2017માં કરવામાં આવી હતી અને પ્રથમ કનસાઈનમેન્ટ અમેરિકા ખાતે મોકલવામાં આવ્યું હતું. ત્યારથી દર વર્ષે હજારો ટીન ભરીને વિદેશોમાં મોકલવામાં આવે છે જો કે આ પલ્પને લઈને હજી સુધી વિદેશમાંથી કોઈ ફરી યાદ આવી નથી. સુરત એપીએમસી ચેરમેન રમણ જાનીએ કહ્યું કે, આ વર્ષે સમગ્ર વિશ્વ જ્યારે કોરોનાની મહામારીમાં સપડાયેલું છે ત્યારે વિદેશમાંથી એક પણ જગ્યાએથી આ પલ્પની ડિમાન્ડ આવી નથી. મારા મતે ચાલુ વર્ષે માંડ 60-70 હજાર ટન કેરીનો માલ જ તૈયાર થયો છે. વળી એ પલ્પને માટે યોગ્ય ક્વોલિટી ન હતી. જેથી યુનિટને સંપૂર્ણપણે બંધ રાખવામાં આવ્યા છે. 

આ પણ વાંચો:-  સુષ્મિતા સેને આર્યાનો એનિમેટેડ અવતાર શેર કર્યો

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.