Sunday, July 25, 2021
More

    Latest Posts

    જયપુરમાં આમેર મહેલ પર વીજળી પડતાં સેલ્ફી લઈ રહેલા 11 લોકોનાં મોત

    Eleven people taking selfies were killed when lightning struck Aamer Mahal in Jaipur

    જયપુરમાં ભારે વરસાદ દરમિયાન રવિવારે આમેર મહેલમાં બનેલા વોચ ટાવર પર વીજળી પડી હતી. અહીં ફરવા આવેલા 35થી વધુ ટૂરિસ્ટ એની ઝપટમાં આવી ગયા હતા. આ દુર્ઘટનામાં 11 લોકોનાં મોત થયાં છે. ઘટનામાં અનેક લોકો પહાડી પરથી નીચે ઝાડીમાં પડી ગયા હતા. ઘાયલોમાં હજુ અનેકની હાલત ગંભીર બનેલી છે. હાલ રેસ્ક્યૂ-ઓપરેશન ચાલી રહ્યું છે. રાજ્યમાં અનેક જગ્યાએ વીજળી પડવાની ઘટનાઓ બની છે, જેમાં 20 લોકોએ જીવ ગુમાવ્યા છે.

    વરસાદી માહોલ સર્જાતાં મોટી સંખ્યામાં લોકો આમેરની પહાડીઓ પર ફરવા નીકળ્યા હતા. અહીં ફોટોગ્રાફી અને સેલ્ફીનો સિલસિલો ચાલી રહ્યો હતો ત્યારે અચાનક વીજળી પડી હતી, જેને કારણે ત્યાં રહેલા અનેક લોકો દાઝી ગયા હતા, જેમાં અનેકની હાલત ગંભીર છે. અનેક લોકો ટાવર પરથી નીચે ઝાડીમાં પડી ગયા હતા. ઝાડીઓમાં પહોંચવું રેસ્ક્યૂ ટીમ માટે મુશ્કેલ છે. જેઓ નીચે પડી ગયા છે, તેમની બચવાની આશા ખૂબ ઓછી હોવાનું જણાવાઈ રહ્યું છે. રાતે આ કામ ખૂબ મુશ્કેલ બની ગયું હતું.

    આ પણ વાંચો:-  મેડલ જીતીને મીરાબાઈ ચાનૂએ ઓલિમ્પિકમાં ઈતિહાસ રચ્યો

    જયપુરના આમેર મહેલના વોચ ટાવર પર વીજળી પડવાથી 11 લોકોનાં મોત સહિત રાજ્યમાં કુલ 20 લોકોનાં મોત થયાં છે. જયપુરમાં જ શિવદાસપુરામાં એક બાળકનું મોત વીજળી પડવાથી થયું છે, જ્યારે કોટામાં 4 અને ધૌલપુરના બાડીમાં 3 બાળકોનાં મોત થયાં છે. સવાઈ માધોપુર-ટોંક બોર્ડર પર એક ગામમાં એક વ્યક્તિનું મોત થયું છે.

    ઉત્તરપ્રદેશ અને રાજસ્થાનમાં વીજળી પડવાથી 58 લોકોનાં મોત થયાં છે. ઉત્તરપ્રદેશમાં અનેક જિલ્લામાં વીજળી પડવાથી 40થી વધુનાં મોતના અહેવાલ છે. કાનપુરની આસપાસ 18, પ્રયાગરાજમાં 13, કૌશામ્બીનમાં 3, પ્રતાપગઢમાં 1, આગ્રામાં 3 અને વારાણસી તથા રાયબરેલી જિલ્લામાં 1-1 વ્યક્તિનાં મોત થયાં છે. 38 જેટલાં પશુ પણ ભોગ બન્યાં હોવાનું જણાવાયું છે.

    આ પણ વાંચો:-  ચોમાસું સત્ર વચ્ચે આજથી જંતર-મંતર ખાતે ખેડૂતોનું વિરોધ પ્રદર્શન

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.