Farmers stopped the construction of railway tracks in Surat

ઉમરાથી ઉધના ડિવિઝન સુધીના વિસ્તારમાં ગુડઝ ટ્રેન કોરિડોરનું જમીન સંપાદન ચાલી રહ્યું છે. જોકે એના વિરોધમાં ખેડૂતો પ્રદર્શન કરી રહ્યાં છે. ગત રોજ બાદ આજે પણ વિરોધ કરી કામગીરી અટકાવવામાં આવી છે. ખેડૂતોએ જમીન સંપાદન કરનારા અધિકારીને સ્થળ પર બોલાવવા માગ કરી છે. જ્યારે ખેડૂતોએ સ્થળ પર હાજર પોલીસ અને રેલવે અધિકારીઓનો ઘેરાવ કરી ધરણાં પર બેસી વિરોધ નોંધાવી રહ્યા છે. જોકે, પોલીસ અધિકારીઓએ કલેક્ટર કામગીરી અટકાવવાની પરમિશન આપશે તો ચાલ્યા જઈશું કહેતા ખેડૂતો કલેક્ટરને મળવા પહોંચ્યા હતા. ખેડૂતોએ આવેદન પત્ર પાઠવી કલેક્ટરને રજૂઆત કરી છે.

ઉમરાથી ઉધના ડિવિઝન સુધીના વિસ્તારમાં ગુડઝ ટ્રેન કોરિડોરનું જમીન સંપાદન ચાલી રહ્યું છે. જમીન સંપાદનના વિરોધમાં ખેડૂતોએ ભાવ માટે સુપ્રીમ કોર્ટ સુધી લડત ચલાવી છે. સુપ્રીમ કોર્ટે ખેડૂતોને બજારભાવ પ્રમાણે રૂપિયા ચૂકવવા આદેશ કર્યો છે. જિલ્લા કલેક્ટર, હાઈ કોર્ટ અને સુપ્રીમ કોર્ટ સુધી લડત ચાલ્યા બાદ DFCC કંપનીએ કામગીરી શરૂ કરી છે, જેનો વિરોધ કરતાં ખેડૂતોએ કહ્યું હતું કે અમને સુપ્રીમ કોર્ટની ગાઈડલાઈન્સ પ્રમાણે બજારભાવ 15700ની જગ્યાએ માત્ર 2200થી 2500 રૂપિયા આપવામાં આવી રહ્યા છે.

ગત રોજથી ચાલી રહેલા ખેડૂતોના વિરોધમાં આજે ખેડૂતો વીફર્યા છે. સવારથી જ ખેડૂતો ખેતરોમાં આવી પહોંચ્યા છે અને રેલવે-ટ્રેક બનાવવાની કામગીરી અટકાવી દીધી છે, જ્યારે ખેડૂતોને ખેતરોમાં જવાના રસ્તા પર વાહનો મૂકી રસ્તો બ્લોક કરી દીધો છે. ખેડૂતોની માગ છે કે સંપાદન કરનાર અધિકારીને સ્થળ પર બોલાવવામાં આવે. જમીન સંપાદન કર્યું છે તો પંચનામાની કોપી આપો. કબજે લેતાં પહેલાં ખેડૂતોને જાણ કેમ ન કરી. આ માગને લઈને ખેડૂતોએ પોલીસ અને રેલવે અધિકારીઓનો ઘેરાવ કર્યો છે.

અનંતકુમાર પટેલે જણાવ્યું હતું કે DFCC પ્રોજેક્ટ માટે ઉમરાથી ઉધના સુધીમાં ખેડૂતોની 70થી 80 એકર જગ્યા રિઝર્વેશન માટે મૂકી છે. ગુડઝ કોરિડોર માટે 100 જેટલા ખેડૂતોની મેટર સાડાત્રણ વર્ષ હાઈ કોર્ટમાં ચાલી હત