Gautam Adani’s company Adani Green Energy Ltd. wins bid to build world’s largest solar power plant

ગૌતમ અદાણીની કંપની અદાણી ગ્રીન એનર્જી લિમિટેડે દુનિયાનો સૌથી મોટો સોલાર પાવર પ્લાન્ટ બનાવવાની બોલી જીતી લીધી છે. તે અંતર્ગત તેમની કંપની 8000 મેગાવોટનો ફોટો વોલ્ટેક પાવર પ્લાન્ટ બનાવશે. સાથે જ 2000 મેગાવોટની ડોમેસ્ટિક સોલર પેનલ પણ તેમની જ કંપની તૈયાર કરશે. હાલના સમયમાં ભારતમાં સોલાર સેલ મેન્યુફેક્ચરિંગ ક્ષમતા 3300 મેગાવોટ છે અને મોડ્યૂલ બનાવવાની ક્ષમતા 8000 મેગાવોટ છે. અદાણી ગ્રીન એનર્જીએ આ ટેન્ડર 6 અબજ ડૉલર એટલે કે આશરે 45300 કરોડ રૂપિયાની બોલી લગાવીને મેળવ્યું છે. આ ટેન્ડર માટે ગત વર્ષે નવેમ્બરમાં બોલીઓ મંગાવવામાં આવી હતી, જેનું પરિણામ હવે આવ્યું છે.

- Advertisement -

એઝ્યુર પાવર (Azure Power)ને પણ 4000 મેગાવોટનો ફોટોવોલ્ટેક પાવર પ્લાન્ટ તૈયાર કરવાનું ટેન્ડર મળ્યું

આ ઉપરાંત, એઝ્યુર પાવર (Azure Power)ને પણ 4000 મેગાવોટનો ફોટોવોલ્ટેક પાવર પ્લાન્ટ તૈયાર કરવાનું ટેન્ડર મળ્યું છે. સાથે જ 1000 મેગાવોટની ક્ષમતાની સોલાર કિટ પણ તૈયાર કરશે. માનવામાં આવી રહ્યું છે કે, આ ફેસિલિટી રાજસ્થાન અને ગુજરાતમાં લગાવવામાં આવી શકે છે. રાજસ્થાન સરકારે જેસલમેર, બિકાનેર, ઝાલોક અને બાડમેરમાં સોલાર પ્લાન્ટ લગાવવાની મંજૂરી આપી દીધી છે. જ્યારે ગુજરાતમાં કચ્છમાં સોલાર પ્લાન્ટ લગાવવામાં આવી શકે છે.

18 વર્ષની ઉંમરમાં કોલેજ છોડીને મુંબઈની ટ્રેન પકડનારા ગૌતમ અદાણીએ ડાયમંડ ટ્રેડર તરીકે કામ શરૂ કર્યું હતું.

ઉલ્લેખનીય છે કે, માત્ર 18 વર્ષની ઉંમરમાં કોલેજ છોડીને મુંબઈની ટ્રેન પકડનારા ગૌતમ અદાણીએ ડાયમંડ ટ્રેડર તરીકે કામ શરૂ કર્યું હતું. શરૂઆતના સમયમાં તેમણે ઘણા ઝટકા ઝેલવા પડ્યા હતા. 1981માં તેઓ મુંબઈથી પાછા આવી ગયા અને પોતાના મોટાભાઈની સાથે પ્લાસ્ટિક ફેક્ટરીમાં કામ કરવા માંડ્યા. ત્યારબાદ તેમણે 1988માં પોતાની ફ્લેગશિપ કંપની અદાણી એન્ટરપ્રાઈઝની સ્થાપના કરી હતી.

આ પણ વાંચો:-  ફક્ત 90 મિનિટમાં તમારા ઘરે સામાન પહોંચાડશે Flipkart, નવી સર્વિસની જાહેરાત

વર્ષ 2016માં ગૌતમ અદાણીની કુલ સંપત્તિ 264 અબજ ડૉલર હતી, જ્યારે આજે તેમની સંપત્તિ 1180 અબજ ડૉલરની આસપાસ છે. આ રીતે માત્ર 4 વર્ષોમાં જ તેમની સંપત્તિમાં આશરે 4 ગણો વધારો થયો છે. ગૌતમ અદાણીની કંપની અદાણી ગ્રુપ દેશની સૌથી મોટી પોર્ટ ઓપરેટર કંપની છે. એટલું જ નહીં, અદાણી ગ્રુપનો વ્યવસાય થર્મલ કોલ અને કોલ ટ્રેડિંગમાં પણ છે.

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.