Well known web search engine and technology company Google has promoted one more Indian and appointed him to a higher position.

જાણીતી વેબ સર્ચ એન્જિન તથા ટેક્નોલોજી કંપની Google એ વધુ એક ભારતીયને પ્રમોટ કરીને એક મોટા પદ પર નિયુક્ત કર્યા છે. ભારતીય મૂળના પ્રભાકર રાઘવનને પ્રમોટ કરી હવે તેમને હેડ ઓફ સર્ચ એન્ડ આસિસ્ટન્ટ બનાવી દેવામાં આવ્યા છે. નવા પદ પર રહીને તેઓ Google પરની જાહેરાત અને કોમર્સ બિઝનેસ અંગેનો પણ પોર્ટફોલિયો સંભાળશે. એવું પણ જાણવા મળ્યું હતું કે, એમને બેન ગોમ્સના સ્થાને નિયુક્ત કરવામાં આવ્યા છે. જ્યારે બેન ગોમ્સને કંપનીએ એક નવી જવાબદારી સોંપી દીધી છે.

પ્રભાકર રાઘવને વર્ષ 2012માં Google કંપની જોઈન કરી હતી

પ્રભાકર રાઘવને વર્ષ 2012માં Google કંપની જોઈન કરી હતી. રાઘવનને વર્ષ 2018માં કંપનીના જાહેરાત તથા કોમર્સ બિઝનેસ વિભાગની જવાબદારી સોંપવામાં આવી હતી. જેમાં પાસ સર્ચ, ડિસપ્લે તથા વીડિયો એડ, એનાલિટિક્સ, શોપિંગ, પેમેન્ટ અને ટ્રાવેલ સેગમેન્ટની ગતિવિધિઓ પર કામ કરવાનું હતું. જાહેરાત અને કોમર્સ બિઝનેસના પોર્ટફોલિયો પહેલા રાધવન Google Apps અને Google Cloud વિભાગના પ્રેસિડન્ટ તરીકે કામ કરતા હતા. Google એડનું કામ હવે જેરી ડિસ્કલર સંભાળશે અને તેઓ રાઘવનને રિપોર્ટ રજૂ કરશે. જેના પર રાઘવન કેટલાક નિર્ણય લેવા માટે પણ સ્વતંત્ર છે. જેરી હાલમાં કંપનીમાં એડ બિઝનેસમાં પ્રોડક્ટ અને એન્જિનિયરીંગ સેક્ટરનું સંચાલન કરી રહ્યા છે.

રાઘવન પોતાના સમગ્ર રીપોર્ટ આલ્ફાબેટ કંપનીના ચીફ એક્ઝિક્યુટિવ સુંદર પિચાઈને રજૂ કરશે.

રાઘવન પોતાના સમગ્ર રીપોર્ટ આલ્ફાબેટ કંપનીના ચીફ એક્ઝિક્યુટિવ સુંદર પિચાઈને રજૂ કરશે. હવે એમનું કામ Google પર થતા દરેક સર્ચનું નિરિક્ષણ કરવાનું, રિપોર્ટ તૈયાર કરવાનું, Google પરના શૉપિંગ ડેટા તથા ફોટો સર્ચ પર નજર રાખવાનું છે. આ અંગેની ક્વેરીથી લઈને ફાઈનલ રિપોર્ટ સુધીની રાઘવનની જવાબદારી રહેશે. Google જોઈન કરતા પહેલા રાઘવને Yahoo અને IBM જેવી ટેકનોલોજીની મહાકાય કંપનીમાં સૌથી વધુ સર્ચ થતી ટર્મ અને બિઝનેસના અલગ-અલગ સેક્ટરમાં અનેક જવાબદારી નિભાવી છે. બેન ગોમ્સ હવે Googleના જ એક વિભાગ ઓનલાઈન લર્નિંગ, આર્ટ એન્ડ કલ્ચર, લર્નિંગ પ્રોજેક્ટ, Google ફ્લેગશીપ પ્રોડક્ટ તથા યુઝર્સના અનુભવોનું વિશ્લેષણ કરશે. આ તમામ પાસાઓ પર તેઓ જવાબદારી નિભાવશે. Googleના સર્ચ સેક્શનમાં બેન ગોમ્સ એક પ્રોડ્કટ એન્ડ ટેકનિકલ એડવાઈઝર તરીકે પણ કામ કરી ચુક્યા છે. ફરી એકવખત ભારત માટે ગર્વ લેવા જેવી ક્ષણ સામે આવી છે. એક વિશાળ કંપનીમાં સૌથી મોટી અને મહત્ત્વની જગ્યાઓ પર બે ભારતીયો જવાબદારી અદા કરી રહ્યા છે. સુંદર પિચાઈ અને હવે પ્રભાકર રાઘવન.

આ પણ વાંચો:-  કોરોનાનાં ભરડામાં બ્રિટન, 10,000થી વધારે લોકો સંક્રમિત થાય તેવી સંભાવનાથી ફફડાટ

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.