With the Rajya Sabha elections, politics is now hot in Gujarat

રાજ્ય સભાની ચૂંટણીને લઈને ગુજરાતમાં હવે રાજકારણ ગરમાયું છે. રાજ્યસભાની ચૂંટણી જાહેર થયાના ગણતરીના કલાકોમાં કોંગ્રેસના ધારાસભ્યોના રાજીનામા પડવાનો દોર શરૂ થઇ ગયો હતો. 24 કલાકમાં ત્રણ ધારાસભ્યોએ કોંગ્રેસમાંથી ધારાસભ્ય પદેથી રાજીનામા આપી દેતા ખળભળાટ મચી ગયો હતો. કોંગ્રેસ દ્વારા રાજ્ય સરકાર પર તેમના ધારાસભ્યોને ખરીદવામાં આવ્યા હોવાના આક્ષેપો કરવામાં આવ્યા હતા. તો બીજી તરફ વધુ ધારાસભ્ય ન તૂટે તે માટે કોંગ્રેસે ગુજરાતમાં ફરીથી રિસોર્ટ પોલિટિક્સ શરૂ કર્યું હતું. સૌરાષ્ટ્રના કોંગ્રેસના ધારાસભ્યોને નીલસીટી રિસોર્ટમાં શનિવારે રાત્રે બોલાવી લેવામાં આવ્યા હતા.

- Advertisement -

હાર્દિક : સરકાર તાયફા બંધ કરીને હોસ્પિટલના સ્ટાફને પૂરો પગાર આપે.

મહત્ત્વની વાત એ છે કે, શનિવારે ધારાસભ્યની બેઠક પત્યા બાદ કોંગ્રેસના ધારાસભ્ય અમરીશ ડેર, પૂજા વંશ અને વિક્રમ માડમ રિસોર્ટમાંથી ચાલ્યા ગયા હતા. તો બીજી તરફ અમરીશ ડેરને પણ ઓફર થઈ હોવાની ચર્ચા જાગી હતી. ત્યારે રાજકારણની ગરમાગરમી વચ્ચે કોંગ્રેસના નેતા હાર્દિક પટેલે પણ રાજ્ય સરકાર પર આકરા પ્રહારો કરતા કહ્યું હતું કે, સરકાર તાયફા બંધ કરીને હોસ્પિટલના સ્ટાફને પૂરો પગાર આપે.

ખોટા તાયફા અને પ્રચાર બંધ કરીને કોરોનાની મહામારીમાં ધ્યાન આપવું જોઈએ

હાર્દિક પટેલે તેના નિવેદનમાં જણાવ્યું હતું કે, ભારત દેશમાં કોરોના વાયરસના કેસની સંખ્યામાં વધારો થઈ રહ્યો છે. પ્રધાનમંત્રી ફંડ અને મુખ્યમંત્રી રાહત ફંડમાં પણ ઘણા પૈસા આવ્યા છે. આ પૈસા સરકારે ડૉક્ટર અને નર્સની પાછળ વાપરવા જોઈએ, ખોટા તાયફા અને પ્રચાર બંધ કરીને કોરોનાની મહામારીમાં ધ્યાન આપવું જોઈએ. હાર્દિકે વધુમાં જણાવ્યું હતું કે, સરકાર દ્વારા તમામ નર્સોને પુરો પગાર આપવો જોઈએ. તેમના પગાર કાપવા જોઈએ નહીં કારણ કે, તે લોકોના પરિવારની હાલત કફોડી બની રહી છે.

આ પણ વાંચો:-  15 વર્ષના બાળકે PUBG ગેમમાં લેવલ અપ કરવા દાદાના 3 લાખ રૂપિયા ઉડાવી દીધા

મહત્ત્વની વાત એ છે કે, કોંગ્રેસના મોરબીના ધારાસભ્ય બ્રિજેશ મેરજાના રાજીનામા બાદ કોંગ્રેસમાં ખળભળાટ મચી ગયો હતો. તો બીજી તરફ બ્રિજેશ મેરજાએ પણ તેના રાજીનામાને લઈને પક્ષ પર આકરા પ્રહારો કર્યા હતા અને તેમને એક પણ રૂપિયો લીધો ન હોવાનું પણ જણાવ્યું હતું.

ઉલ્લેખનીય છે કે, રાજ્યસભાની ચૂંટણીની જાહેરાત થાય છે ત્યારે કોંગ્રેસમાં રાજીનામા પડવાનો દોર શરૂ થઈ જાય છે. કોરોનાના લોકડાઉન પહેલા જ્યારે માર્ચમાં રાજ્યસભાની ચૂંટણીની જાહેરાત થઈ હતી ત્યારે પણ કોંગ્રેસના પાંચ ધારાસભ્યના રાજીનામા પડ્યા હતા, ત્યારબાદ લોકડાઉનના બે મહિનાના સમયમાં કોંગ્રેસમાંથી એક પણ ધારાસભ્યનું રાજીનામું પડ્યું ન હતું, પરંતુ જ્યારે લોકડાઉન વચ્ચે રાજ્યસભાની ચૂંટણીની નવી તારીખ જાહેર થઈ ત્યારે કોંગ્રેસના વધુ ત્રણ ધારાસભ્યના રાજીનામા પડ્યા છે.

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.