Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - <a href="https://news4gujarati.com/tag/news4-gujarati/" class="st_tag internal_tag" rel="tag" title="Posts tagged with news4 gujarati">News4 Gujarati</a>

Gujarat govt’s circular announced, now pay fees comfortably

31મી ઓક્ટોબર સુધીમાં 50 ટકા ફી નહી ભરો તો 25 ટકા ફી માફીનો લાભ નહી મળે તેવા ખાનગી સ્કૂલ સંચાલકોના જુઠાણાનો રાજ્ય સરકારે ઠરાવ કરીને છેદ ઉડાડયો છે. ખાનગી સ્કૂલોની ફીમાંથી 25 ટકા ઘટાડાના સંદર્ભમાં સરકારે બુધવારે ઠરાવ પ્રસિદ્ધ કર્યો છે અને તેમાં સ્પષ્ટ જણાવ્યું છે કે, વાલી પોતાની અનુકુળતાએ શૈક્ષણિક વર્ષ-2020-21માં ફીની રકમ માસિક ધોરણે કે એકસાથે પણ ભરી શકશે. ફી ભરવામાં વિલંબ થાય તો શાળા વાલી કે વિદ્યાર્થી પાસેથી કોઈ દંડ વસુલી શકશે નહીં. જો કોઈ વાલીએ 100 ટકા ટયુશન ફી એડવાન્સ ભરી હોય તો તે વાલીને આગામી સમયમાં લેવાની થતી ફી સામે આવી વધારાની રકમ સરભર કરી આપવાની રહેશે.

- Advertisement -

સપ્તાહ પહેલા સરકારે ટયુશન ફીમાં ૨૫ ટકાનો કાપ મૂકવા અંગે કરેલી જાહેરાતમાં અનુરોધ કર્યો હતો કે, વાલીઓ 50 ટકા ફી 31મી ઓક્ટોબર સુધી ભરે. જોકે આ વાતનો ફાયદો ઉઠાવી ખાનગી સ્કૂલોના સંચાલકો વાલીઓને એવી ધમકી આપવા લાગ્યાં હતા કે, જો ૩૧મી ઓક્ટોબર સુધીમાં ફી નહી ભરવામાં આવે તો અમે ૨૫ ટકા ફી માફીનો લાભ નહી આપીએ. જોકે અત્યારે તો સરકારે આ મુદ્દે સ્પષ્ટતા કરી દીધી છે કે, ફી ભરવા માટે કોઈપણ પ્રકારનું દબાણ કરી શકાશે નહી. પરંતુ સવાલ એ થાય છે કે, ખાનગી સ્કૂલના સંચાલકો દ્વારા વાલીઓને 31મી સુધી ફી ભરવાનું ધમકી સાથે દબાણ કરશે તો હજુ રાજ્ય સરકાર હાથ જોડીને બેસી રહેશે કે પછી આવા સંચાલકો સામે કડક કાર્યવાહી કરશે ? કારણ કે સરકારની જાહેરાત પછી પણ ખાનગી સ્કૂલના સંચાલકો જુઠ્ઠાણા ચલાવી વાલીઓ પાસેથી ફી ઉઘરાવી રહ્યા છે.

આ પણ વાંચો:-  50 વર્ષમાં પહેલીવાર સૌરાષ્ટ્રભરમાં શ્રાવણ મહિનાના લોકમેળા નહિ યોજાય

પરિપત્રમાં સ્પષ્ટ જણાવ્યું છે કે, શૈક્ષણિક વર્ષ-2019-20ના બીજા સત્રની તમામ ફીની રકમ જો બાકી હોય તો તેમજ વર્તમાન શૈક્ષણિક વર્ષ-2020-21ના પ્રથમ સત્રની 25 ટકા કાપ કર્યા બાદની ટયુશન ફીની 50 ટકા રકમ 31મી ઓક્ટોબર સુધીમાં ભરપાઈ કરી આપે તે ઈચ્છનીય રહેશે. પરંતુ અસામાન્ય સંજોગોમાં સમયમર્યાદામાં ફી ભરવા માટે કોઈ વાલી અક્ષમ હોય તો, વાલી દ્વારા શાળા સંચાલક સમક્ષ કારણો સહિતની રજૂઆત કરવામાં આવે. આ રજૂઆતને શાળા સંચાલકે કેસ ટુ કેસ ગુણદોષને ધ્યાને લઈને સુચારૂ રીતે નિવારણ લાવવાનુ રહેશે.

રાજ્યમાં કોરોનાનું સંક્રમણ સતત વધતુ જાય છે. રોજના 1300થી વધુ પોઝિટિવ કેસ નોધાઈ રહ્યાં છે પરંતુ સંચાલકોને બખ્ખા કરાવવા માટે સરકારને સ્કૂલો શરૂ કરવાની ઉતાવળ આવી છે. નવેમ્બરમાં સ્કૂલો શરૂ કરવાની ચર્ચા, એ સંચાલકો ફી વસુલી શકે તેના માટેનું ખુદ સરકારનું જ એક ષડયંત્ર હોવાનું નિષ્ણાંતો માની રહ્યાં છે. શાળામાં અભ્યાસ કરતાં વિદ્યાર્થીઓમાં જો સંક્રમણ શરૂ થશે તો તેને રોકવુ ઘણું મૂશ્કેલ છે. જેથી પરિસ્થિતિ સાવ થાળે ન પડી જાય ત્યાં સુધી સ્કૂલો શરૂ કરવી હિતાવહ ન હોવાનું તબીબો જણાવે છે.

અત્રે ઉલ્લેખનીય છે કે, સંચાલકો ફી વસુલી શકે તેના માટે સરકારે ૩૧મી સુધી ફી ભરવાનો અનુરોધ કરી મોકળુ મેદાન કરી આપ્યું. હવે નવેમ્બરમાં સ્કૂલો શરૂ થશે તેમ કહી ફી વસુલવાનો રસ્તો વધુ ક્લિયર કરી આપ્યો છે. પરંતુ સંચાલકોના શોષણનો ભોગ બનેલા શિક્ષકો માટે સરકારના પેટનું પાણી પણ હલતુ નથી. શિક્ષકોને છુટા ન કરવાની ડાહી ડાહી વાતો કરતી સરકારે હજુ સુધી શિક્ષકોના પગાર અને ફરજ પરથી દુર કરવાના મુદ્દે એકપણ શાળા સંચાલક સામે કાર્યવાહી કરી ન હોવાનું ખુદ શિક્ષકો જણાવી રહ્યાં છે.

સોશિયલ ડિસ્ટન્સિંગ સાથે સ્કૂલો શરૂ કરવામાં આવશે તેવી ચર્ચા થઈ રહી છે, પરંતુ મહત્વની વાત તો એ છે કે, ભાજપની ગુજરાત સરકાર તેમના ધારાસભ્યો, નેતાઓ પાસે સોશિયલ ડિસ્ટન્સિંગનું પાલન કરાવી શકતી નથી તો શાળામા આવતાં બાળકો પાસે કેવી રીતે પાલન કરાવી શકશે. તાજેતરમાં જ ડીસાના ધારાસભ્યએ જેવી રીતે સોશિયલ ડિસ્ટન્સિંગના ધજાગરા ઉડાડયાં છે તેના પરથી કહી શકાય કે, સરકાર વિદ્યાર્થીઓને સોશિયલ ડિસ્ટન્સિંગના પાઠ ભણાવી શકશે ?

આ પણ વાંચો:-  ફાઇનલ ડીબેટમાં ટ્રમ્પ બાઇડેનને અધવચ્ચે ટોકી નહીં શકે, માઇક મ્યૂટ કરી દેવાનો નિયમ ઘડાયો

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -