<a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> News, News in <a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> – ગુજરાત સમાચાર | દિવ્ય ભાસ્કર - Divya Bhaskar

Gujarat High Court directs state government to levy strict fines on those go to political rallies without masks

ગુજરાત હાઈકોર્ટે રાજ્ય સરકારને નિર્દેશ આપ્યો છે કે, રાજકીય રેલીઓમાં માસ્ક નહીં પહેરતા અને સોશિયલ ડિસ્ટન્સિંગનું પાલન નહીં કરતા લોકો સામે કાર્યવાહી કરો અને તેમની પાસેથી દંડ વસૂલવામાં આવે. હાઈકોર્ટે એ પણ ટકોર કરી છે કે, અનેક આદેશો છતાં રાજકીય રેલીઓમાં નેતાઓ અને લોકો માસ્ક પહેરતાં નથી અને સોશિયલ ડિસ્ટન્સિંગનું પણ પાલન કરતા નથી.

- Advertisement -

કોરોનાની સારવાર માટે ઉપયોગમાં લેવાતા રેમડેસિવીર ઈંજેક્શનના કાળાબજાર કરવા અને બોગસ બિલિંગ કૌભાંડના મુદ્દા પર હાઈકોર્ટમાં રાજ્ય સરકારે રજૂઆત કરી હતી કે, આ કેસમાં એફઆઈઆર નોંધવામાં આવેલી છે અને તપાસ ચાલી રહી છે. આ ઈંજેક્શન નકલી ન હોવાના લીધે, આરોપીઓ સામે આઈપીસીની કલમ ૩૦૪ હેઠળ કાર્યવાહી કરાઈ નથી. જીવનરક્ષક દવાઓની કાળાબજારી કરતા આરોપીઓ સામે કડક કાર્યવાહી થઈ રહી છે. આરોપીઓ સામે પ્રિવેન્શન ઓફ બ્લેક માર્કેટિંગ એક્ટ, મેનેજમેન્ટ એક્ટ અને ડ્રગ એન્ડ કોસ્મેટિક એક્ટની વિવિધ જોગવાઈઓ હેઠળ કાર્યવાહી થઈ રહી છે.

કોરોનાની મહામારીના સમયમાં રાજકોટમાં જાહેરનામાના ભંગ બદલ ૩૪૦૯ કેસ નોંધાયા છે અને ૪૨૦૧ લોકો સામે ગુનો નોંધીને કાર્યવાહી થઈ છે. કોરોનાનું સંક્રમણ ફેલાય તેવી ગતિવિધિ કરવા બદલ ૧૦,૯૧૪ કેસ નોંધાયા છે અને ૧૨,૦૪૫ લોકો સામે ગુનો નોંધાયો છે. આ ઉપરાંત, રાજકોટમાં જાહેરમાં થૂંકવા બદલ ૧,૫૧,૬૬૯ લોકોને દંડ કરાયો છે અને દંડ સ્વરૂપે રાજકોટ પોલીસે રૂ. ૬,૫૦,૫૮,૩૦૦ વસૂલ્યા છે. સરકારની આ રજૂઆત બાદ, હાઈકોર્ટે પૂછયું હતું કે આ દંડની રકમ ઘણી મોટી છે, તેનો ઉપયોગ ક્યાં કરશો ? હાઈકોર્ટે સરકારને એ પણ સૂચન કર્યું છે કે, દંડમાં વસૂલવામાં આવેલી આ રકમનો ઉપયોગ સારા હેતુ માટે કરો. સુનાવણી સમયે જ હાઈકોર્ટે સરકારને નિર્દેશ આપ્યો છે કે, રાજકીય રેલીઓમાં માસ્ક નહીં પહેરવા અને સોશિયલ ડિસ્ટન્સિંગનું પાલન નહીં કરનારા સામે પગલાં લો.

આ પણ વાંચો:-  હિંદ મહાસાગર ઉપર અવકાશમાં રશિયન રોકેટ તૂટયું, સેટેલાઇટને ટુકડાઓનો ભય!

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -