NCPના પ્રદેશ પ્રમુખે ધારસભ્યને વ્હીપ આપ્યો.

રાજ્યમાં કોરોનાની મહામારી વચ્ચે રાજ્યસભાની ચૂંટણીની તારીખ જાહેર થતાની સાથે જ ગુજરાતના રાજકારણમાં ગરમાવો આવ્યો છે. કોંગ્રેસના ત્રણ ધારાસભ્યોએ પક્ષની સામે નારાજગી વ્યક્ત કરીને ધારાસભ્ય પદ પરથી રાજીનામાં ધરી દીધા છે. કોંગ્રેસમાંથી ધારાસભ્યોના રાજીનામાં પડવાના કારણે કોંગ્રેસ દ્વારા ગુજરાતમાં રિસોર્ટ પોલીટીક્સ શરૂ કરવામાં આવ્યું છે. કોંગેસ દ્વારા ધારાસભ્યોને રિસોર્ટમાં લઇ જવામાં આવ્યા છે. તેવામાં હવે કોંગ્રેસ માટે એક રાહતના સમાચાર છે કે, NCPનો એક મત કોંગ્રેસને આપવા માટે NCPના પ્રદેશ પ્રમુખે ધારસભ્યને વ્હીપ આપ્યો છે.

- Advertisement -

કોંગ્રેસ પક્ષના ઉમેદવારને વોટ આપવા માટે વ્હીપ જાહેર કરવામાં આવેલ છે.

NCPના પ્રદેશ પ્રમુખ જયંત પટેલે વ્હીપ જાહેર કરતા જણાવ્યું હતું કે, આગામી 19 જૂનના રોજ રાજ્યસભાની ચૂંટણી યોજાનાર છે. નેશનાલિસ્ટ કોંગ્રેસ પાર્ટીએ UPAનો ઘટક પક્ષ છે. નેશનાલિસ્ટ કોંગ્રેસ પાર્ટીના મહાસચિવ અને ગુજરાતના પ્રભારી પ્રફુલભાઈ પટેલના આદેશથી ગુજરાત પ્રદેશના પ્રમુખ જયંત પટેલ દ્વારા રાજ્યસભાની ચૂંટણીમાં નેશનાલિસ્ટ કોંગ્રેસ પાર્ટીના ધારાસભ્ય દ્વારા કોંગ્રેસ પક્ષના ઉમેદવારને વોટ આપવા માટે વ્હીપ જાહેર કરવામાં આવેલ છે.

આ વખતે પણ હું મારા વિસ્તારના કામ માટે ભાજપને જ મત આપીશ

NCPના ધારાસભ્ય કાંધલ જાડેજા તેમના મતને લઈને મીડિયા સમક્ષ જણાવ્યું હતું કે, ભાજપની સરકારના રાજમાં મારા મત વિસ્તારના લોકોના કામ થાય છે, એટલા માટે અગાઉ પણ મેં ભાજપને મત આપ્યો હતો. એવી જ રીતે આ વખતે પણ હું મારા વિસ્તારના કામ માટે ભાજપને જ મત આપીશ. અગાઉ પણ જ્યારે રાજ્ય સભાની ચૂંટણીની તારીખો જાહેર કરવામાં આવી હતી ત્યારે પણ કાંધલ જાડેજાએ ભાજપને જ મત આપવાનું કહ્યું હતું અને તે સમયે પણ તેઓએ જણાવ્યું હતું કે,

મારા વિસ્તારના વિકાસના કામને હું વધારે મહત્ત્વ આપું છું અને હજુ મારે મારા મત વિસ્તાર માટે ઘણું કરવાનું છે એટલે હું ભાજપને મત આપીશ. હવે જોવાનું એ રહે છે કે, NCPના ધારાસભ્ય કાંધલ જાડેજા પક્ષ દ્વારા આપવામાં આવેલા વ્હીપનો આદર કરે છે કે, પછી અનાદર કરીને ભાજપને મત આપશે.

આ પણ વાંચો:-  અમદાવાદમાં તોડબાજ PSI સામે ગુનો દાખલ

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.