HDFC Bank’s online payment service came to a sudden halt

દેશની સૌથી મોટી ખાનગી ક્ષેત્રની જાણીતી બેન્ક HDFCમાં શનિવારે અચાનક ડિજિટલ પેમેન્ટ ટ્રાંઝેક્શન ઠપ થઈ જતા અનેક ખાતેદારો ઓનલાઈન ચૂકવણી કરી શક્યા ન હતા. લાંબા સમય સુધી આ અગવળ યથાવત રહેતા મામલો સમાચાર માધ્યમ સુધી પહોંચ્યો હતો. શનિવારે સાંજથી એકાએક ડિજિટલ પેમેન્ટના ટ્રાંઝેક્શન અટકી જતા ખાતેદારોને હાલાકીનો સામનો કરવો પડ્યો હતો.

ડેટા કેન્દ્રમાં પાવર કટને કારણે આવું બન્યું હતું

ગત વર્ષે ડિસેમ્બર મહિનામાં પણ આવી ઘટના બનતા અનેક ખાતેદારોએ આ અંગે ફરિયાદ કરી હતી. જેમાં અનેક ખાતેદારો લોન સામેના હપ્તા ક્રેડિટ કાર્ડથી કે EMIથી ભરી શક્યા ન હતા. RBIના ડે. ગવર્નર એમ. કે. જૈને જણાવ્યું હતું કે, સમગ્ર સિસ્ટમને યથાવત અને રેગ્યુલેટ કરવા માટે ટેકનિકલ નિષ્ણાંતોની ટીમ ચેનલ કેવી રીતે તૂટી છે એની તપાસ કરી રહી છે. આવું કેવી રીતે બન્યું અને કેમ ચેનલ બ્રેક થઈ એ અંગે RBIની એક ટીમ પણ તપાસ કરશે, તેમજ જરૂરી માર્ગદર્શન HDFC બેન્કને આપશે. જોકે, શનિવારે ડેટા કેન્દ્રમાં પાવર કટને કારણે આવું બન્યું હતું.