High Court slaps Gujarat govt over school fee waiver circular

ઓનલાઈન શિક્ષણને લઈને ગુજરાત હાઈકોર્ટમાં થયેલી અરજી પર આજે સુનાવણી થઈ. ખાનગી શાળાઓ દ્વારા ફી ઉઘરાવવા સામે સરકારે મૂકેલા પ્રતિબંધને ખાનગી શાળા સંચાલકોએ હાઈકોર્ટમાં પડકાર્યો હતો. જેમાં હાઈકોર્ટે રાજ્ય સરકારના ઓનલાઈન શિક્ષણ અંગેના જીઆરમાં ફી માફીનો મુદ્દો અયોગ્ય ઠેરવ્યો છે. હાઈકોર્ટે કહ્યું કે શાળા સંચાલકો અને વાલીઓ સાથે બેસીને સરકાર ફી નક્કી કરે. આ ઉપરાંત હાઈકોર્ટે શિક્ષણકાર્ય ચાલુ રાખવાનો આદેશ આપ્યો છે. 

- Advertisement -

હાઈકોર્ટે કહ્યું કે ફી માફીનો મુદ્દો પરિપત્રમાંથી રદ કરો. શાળાઓ અને વાલીઓ વચ્ચે સંકલન જળવાવવું જોઈએ. સરકાર સાથે શાળા સંચાલકો ચર્ચા કરીને વચગાળાનો કોઈ ઉકેલ શોધે. આ બાજુ શાળા સંચાલકો તરફથી કોર્ટમાં એવી રજૂઆત કરવામાં આવી હતી કે શાળા શરૂ થાય નહીં ત્યાં સુધી શાળાઓ ફી ન લઈ શકે તેવો નિર્ણય સરકાર કરી શકે નહીં. આવો ઠરાવ સરકાર બહાર ન પાડી શકે.

કોર્ટે જો કે પરિપત્રના બાકીના મુદ્દાઓ યથાવત રાખ્યા છે. કોર્ટમાં સરકારે પોતાની રજૂઆતમાં કહ્યું કે શાળાઓ કોઈ પણ પ્રકારની બાંધછોડ કરવા માંગતી નથી. શાળા સંચાલકોએ પણ હવે સરકાર સાથે ચર્ચા કરવાની તૈયારી બતાવી છે. કોર્ટે ચોખ્ખુ કહ્યું કે શાળા સંચાલકો ઓનલાઈન શિક્ષણ ચાલુ રાખે બંધ કરે નહીં. 

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

આ પણ વાંચો:-  કોરોનાને કારણે આજે અત્યંત સાદગીથી નીકળશે ભગવાન જગન્નાથની જળયાત્રા