શંકરસિંહ વાઘેલા એનસીપીથી નારાજ હોવાના અને પાર્ટી છોડવા હોવાના અહેવાલ ચર્ચામાં આવ્યા હતા. તો બીજી તરફ, કાર્યકારી અધ્યક્ષ બબલદાસ પટેલે એનસીપીમાંથી રાજીનામુ આપ્યું છે. ત્યારે આજે પત્રકાર પરિષદમાં સામે આવીને શંકરસિંહ વાઘેલાએ અનેક ખુલાસા કર્યાં હતા. તેઓએ જણાવ્યું કે, હું કાર્યકારી અધ્યક્ષ બબલદાસભાઈ અને 10 હજાર જેટલા કાર્યકરોનો આભાર માનું છું, મને એ તમામે શુ કરવું તેના માટે અધિકૃત કર્યો છે.

- Advertisement -

પવાર સાહેબ અને પ્રફુલભાઈ સાથે મળીને હું NCPમાં જોડાયો

આગામી દિવસમાં નિર્ણય લઈશું. અમે સાથે રહેવાનું આશ્વાસન આપ્યું છે. તેમણે જણાવ્યું કે, પવાર સાહેબ અને પ્રફુલભાઈ સાથે મળીને હું NCPમાં જોડાયો, પણ એમાં પણ જ્યારે મેચ ફિક્સિંગ આવે. અહેમદભાઈ વખતે પણ મેં કહ્યું હતું કે લોકો ભાજપમાં જાય છે પણ મારું કોઈએ ના સાંભળ્યું. આજે એક ગયા હજુ બે જશે. મેં કોંગ્રેસને આજે પણ કહ્યું છે. મેચ ફિક્સિંગ થાય ત્યાં ન રહેવાય. હવે જે વિધિ કરવાની હશે તો જલ્દી જ કરીશ.

અમે સમાજના ડોકટર છીએ

સત્તા સામે પડવા બેદાગ રહેવું પડે. ed, cbi કે પોલીસથી ડરાય નહિ. અમે સમાજના ડોકટર છીએ. રખડતો નથી આવ્યો. પ્રજાનું ભલું કર્યું છે. ટેક્સટાઇલ મંત્રી તરીકે ખેડૂતોનું ભલું કર્યું છે.સાથે જ તેમણે એક જાહેરાત કરતા કહ્યું કે, મહાનગરપાલિકા, તાલુકા પંચાયત અને વિધાનસભાની બેઠકો ખાલી થશે, તેની પેટાચૂંટણીઓ આવશે, એ તમામ પર લડીશ. ncp, કોંગ્રેસ કે ભાજપ નહીં હોય તોય હું ઉમેદવારો લોકો વચ્ચે મૂકીશ. 

 કોરોના મામલે સારા ડોકટર હોત તો કોરોનાનું હબ ન બનત

ભાજપ પર પ્રહાર કરતા તેઓ બોલ્યા કે, સરદાર સાહેબના સ્ટેચ્યુ માં પણ આ બધાને મુર્ખા બનાવ્યા છે. પ્રજાના પૈસાની આ સરકાર બરબાદી જ કરે છે. ગુજરાત દેવાદાર બન્યું. ગુજરાત કે ભારત સરકાર પાસે પગાર માટે પૈસા નથી. કોરોના મામલે સારા ડોકટર હોત તો કોરોનાનું હબ ન બનત. દારૂ બંધીની છૂટ કરું તો નશો ઉતારજો. પણ આ લોકોના નશો બંધ કરો. કોંગ્રેસમાંથી આજે બે રાજીનામા પડ્યા તે અંગે તેઓ બોલ્યા કે, પ્રજા એવો માણસ પસંદ કરે કે તે ચોખ્ખો હોય… જે વટલાય નહીં… આ બધાને બોધપાઠ આપવો પડે…

આ પણ વાંચો:-  ભાવનગર : પરપ્રાંતીયોના સ્થળાંતરથી રોલિંગ મિલ ઉદ્યોગ ભાંગી પડશે

વિદ્યાર્થીઓની વાતને વાચા આપવા હું નોકરી છોડી જનસંઘમાં આવ્યો

તેમણે જણાવ્યું કે, મેં ભારતીય જનસંઘથી શરૂઆત કરી. એ સમયે તેલનો ભાવ વધે તો તેલના ડબ્બા ખખડતા. હું અધિકારી હતો વર્ષ 68માં હું ગુજરાતમાં સક્રિય થયો. વિદ્યાર્થીઓની વાતને વાચા આપવા હું નોકરી છોડી જનસંઘમાં આવ્યો. કોંગ્રેસનો સૂર્ય તપતો હતો પણ હું ત્યાં ન જોડાયો. ભાજપ ગુજરાતમાં આવ્યું તો તેમાં શંકરસિંહનો સિંહ ફાળો છે.

ભાજપને મારે કાઢવી હોય એટલે મતના વિભાજન ન થાય એટલે હું કોંગ્રેસમાં ગયો. મેં સરકાર બનાવવાના પૂરા પ્રયાસ કર્યાં. પણ મેચ ફિક્સિંગનો વહેમ થયો ત્યારે કોંગ્રેસ આવશે એવી સ્થિતિમાં પણ મેં કોંગ્રેસ છોડી. હું કઈ લેવા કોઈ પાર્ટીમાં જોડાયો નથી. 

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.