Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

In 2023, Surat will get an international-class airport

353 કરોડના ખર્ચે સુરત એરપોર્ટના વિસ્તરણ અને ડેવલોપમેન્ટના કામ ચાલી રહ્યા છે. 2023 સુધી વિકાસના કામો પૂર્ણ થશે તે સ્થિતિમાં સુરત એરપોર્ટ મુંબઇનો વિકલ્પ બની શકશે. અત્યારે મુંબઇમાં કોઇ નવી ડોમેસ્ટિક કે ઇન્ટરનેશનલ ફલાઇટ્સ શરૂ કરવા માટે સ્લોટની મોટી સમસ્યા નડે છે. સુરત એરપોર્ટ (surat airport) મુંબઇની નજીક હોવાથી ટર્મિનલ બિલ્ડીંગ વિસ્તરણ, એપ્રન અને પેરેલલ ટેક્સી વેના પ્રોજેક્ટ પૂરા થયા પછી મુંબઇનો અને પૂણે એરપોર્ટનો વિકલ્પ બનશે.

- Advertisement -

એરપોર્ટનું વિસ્તરણ ઇન્ટરનેશનલ એરપોર્ટના કક્ષાનું થઇ રહ્યું છે. ગયા વર્ષે એટલે કે 2019માં સુરત એરપોર્ટથી અવરજવર કરનારા પેસેન્જરોની સંખ્યા 16 લાખ જેટલી નોંધાઇ હતી. જેમાં શારજાહ-સુરતની એક માત્ર ઇન્ટરનેશનલ ફ્લાઇટને બાદ કરતા 90 ટકાથી વધુ પેસેન્જર ડોમેસ્ટિક સેક્ટરમાંથી મળ્યા હતા. પેસેન્જર વૃદ્ધિની ટકાવારી મામલે પણ સુરત એરપોર્ટ દેશમાં અવ્વલ છે. હાલ ચાલતી તથા નવી એરલાઈનોએ પણ સુરતથી વધુ ડોમેસ્ટિક અને ઇન્ટરનેશનલ ફ્લાઇટો શરૂ કરવા તત્પરતા દર્શાવી છે.

પરંતુ હાલના ટર્મિનલ બિલ્ડીંગનું કદ અને મર્યાદિત ક્ષમતા ઉપરાંત એકમાત્ર રન-વે પરનું ભારણ હવે અવરોધરૂપ સાબિત થઈ રહ્યા છે. આ તમામ પ્રોજેક્ટ 2023 સુધીમાં પૂર્ણ થવાની સંભાવના છે, જે પછી સુરત એરપોર્ટ તેની ક્ષમતા પ્રમાણે ખીલી શકશે. મુંબઇ એરપોર્ટથી આશરે 25% થી 30% મુસાફરો દક્ષિણ ગુજરાતના હોય છે, પ્રોજેક્ટ પૂર્ણ થતાં જ મુંબઇ એરપોર્ટ પરનો ભાર ઓછો થશે અને તેનો સીધો ફાયદો સુરત એરપોર્ટને તો મળશે જ.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  કેટલાક ગુજરાતમાંથી દારૂબંધી હટાવવાની વાતો કરે છે, પણ એ શક્ય નથી : ગૃહરાજ્ય મંત્રી

તમારા એરિયા ના સમાચાર મોકલવા અહિયાં ક્લિક કરો.

- Advertisement -