Sunday, July 25, 2021
More

    Latest Posts

    અમદાવાદમાં ઝૂપડામાં સૂઈ રહેલા શ્રમજીવી પરિવાર પર કાર ફરી વળી, એકનું મોત

    In Ahmedabad, a car hit a working family sleeping in a hut, killing one

    અમદાવાદની સવાર ફરી એકવાર અકસ્માતથી શરૂ થઈ છે. અમદાવાદમાં મોડી રાત્રે સનસનાટીભર્યો બનાવ બન્યો છે. શિવરંજનીના બીમાનગર પાસે પોતાના ઝૂપડામાં સૂઈ રહેલા એક જ પરિવારના લોકો પર કાર ચઢી ગઈ હતી. જેમાં એકનુ મોત નિપજ્યુ છે, તો 4 લોકો ગંભીર રીતે ઈજાગ્રસ્ત થયા છે. કેટલાક યુવકોની રાત્રિ કરફ્યૂમાં ખાલી રોડ પર કાર ચલાવવાની મસ્તીએ ગરીબ લોકોનો જીવ લીધો છે. માલેતુજાર પરિવારના નબીરાઓએ ફરી એકવાર અમદાવાદના રસ્તાઓ પર મોતને દસ્તક આપી છે. 

    શિવરંજનીના બીમાનગર નજીક હિટ એન્ડ રન ઝૂંપડામાં જમી રહેલા લોકો પર કાર ચઢાવવામાં આવી હતી. ફૂલસ્પીડમાં આવી રહેલી કારે ઝૂપડામા સૂઈ રહેલા એક જ પરિવારના લોકોને કચડ્યા હતા. કારના તોતિંગ પૈડા નિંદ્રાધીન લોકો પર ફરી વળતા એકનુ મોત નિપજ્યુ છે. તો સાથે 4 લોકો ગંભીર ઇજાગ્રસ્ત બન્યા છે. આ અકસ્માતા 45 વર્ષીય શતુબેનનુ મોત નિપજ્યુ છે. તો 35 વર્ષીય બાબુભાઈ ભાભોર, જેતન ભાભોર, ચેતન અને સુરેખા નામના લોકો ઘાયલ થયા છે. ઈજાગ્રસ્તોમાં પરિવારના બે બાળકોનો પણ સમાવેશ થાય છે. આ બનાવ બાદ કાર ચાલક ફરાર થઈ ગયો હતો. મોડી રાતે આ ઘટના બની હતી. જેમાં પોલીસે ઘટના સ્થળે પહોંચી તપાસ હાથ ધરી છે. અને કાર ચાલકને પકડવાની કાર્યવાહી શરૂ કરાઇ છે. 

    આ પણ વાંચો:-  મધ દરિયે બોટમાં ફસાયેલા ગુજરાતના 12 ક્રૂ મેમ્બર્સને મુંબઈ કોસ્ટગાર્ડે બચાવ્યા

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.