Banners are being put up in protest of Brijesh Merja.

મોરબી માળીયા વિધાનસભા બેઠકના ધારાસભ્ય બ્રિજેશ મેરજાએ રાજ્યસભાની ચૂંટણી (Rajyasabha Election 2020) પહેલા રાજીનામું આપ્યું છે. જેથી કરીને આગામી દિવસોમાં મોરબી-માળિયા વિધાનસભાની બેઠકો પર પેટાચૂંટણી યોજાશે તે નક્કી છે. પરંતુ ભાજપમાંથી કોને ટિકિટ મળશે, કોંગ્રેસમાંથી કોને ટિકિટ મળશે તે હજુ નક્કી નથી. ત્યાં મોરબી અને માળિયા તાલુકા વિસ્તારની અંદર જુદા જુદા ગામના લોકો દ્વારા હાલમાં બ્રિજેશ મેરજા (Brijesh Merja) નો વિરોધ કરાઈ રહ્યો છે. બ્રિજેશ મેરજાના વિરોધમાં બેનર લગાવવામાં આવી રહ્યા છે. 

- Advertisement -

જેતપર ગામની અંદર ‘પક્ષપલટુને ગામમાં આવવું નહિ…’ તે પ્રકારનું બેનર

જો વાત કરીએ તો ગઈકાલે મોરબી તાલુકાના જેતપર ગામની અંદર ‘પક્ષપલટુને ગામમાં આવવું નહિ…’ તે પ્રકારનું બેનર ગામના દરવાજે પર ગામ સમસ્ત દ્વારા લગાવવામાં આવ્યા હતા. જેતપર એ માજી ધારાસભ્ય કાંતિભાઈ અમૃતિયાનું ગામ છે. અગાઉ કાંતિભાઈના સમર્થકોએ સોશિયલ મીડિયામાં મેરજા વિરુદ્ધ પોસ્ટ વાયરલ કરી હતી. આવી જ રીતે આજે મોરબી નજીકના નવા સાદુળકા ગામે પણ બેનર લગાવવામાં આવ્યા છે. જેમાં પણ ‘પક્ષપલટો અને સમાજ દ્રોહ કરનારાઓએ ગામમાં પ્રવેશ કરવો નહિ…’ તે પ્રકારના બેનરો લગાવવામાં આવ્યા છે. મેરજાના વિરોધમાં ‘બોર્ડ જનાદેશનું આપમાન કરનારે ગામમાં પ્રવેશ કરવો નહિ….’ ના બોર્ડ લગાવ્યા છે. જે જોતાં એવું કહી શકાય કે આગામી દિવસોમાં રાજકીય ગરમાવો હજુ પણ વધે તેવી પૂરેપૂરી શક્યતા છે.

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  સુરત, અમદાવાદ અને મુંબઈથી આવતા લોકોને ચેક કર્યા વગર અમરેલીમાં એન્ટ્રી નહિ મળે