Sunday, July 25, 2021
More

    Latest Posts

    કોરોનાથી મોત થયુ તો પરિવારજનોએ આપવા પડશે 2500 રૂ.

    In case of death from corona, the family members will have to pay Rs. 2500.

    છત્તીસગઢમાં એક આદેશે લોકોને વધુ પરેશાન કરી દીધા છે. આદેશ અનુસાર, જો કોઈ વ્યક્તિનું મોત કોરોના સંક્રમણથી થાય છે તો તેના પરિવારજનોએ અઢી હજાર રૂપિયા આપવા પડશે. આ રૂપિયા શવના સ્ટોરેજ અને કેરિજના નામ પર વસૂલવામાં આવી રહ્યા છે. તે માટે રીતસરના સ્વાસ્થ્ય મુખ્ય સચિવે આદેશ પણ જાહેર કર્યો છે. આ આદેશ સાથે જ સ્થાનિક લોકો સાથે જ BJPએ પણ વિરોધ નોંધાવ્યો છે. સરકારના આ નિર્ણય વિરુદ્ધ BJPએ રાજભવનમાં આપત્તિ દર્શાવી છે.

    મૉડરેટ સ્થિતિવાળા દર્દીઓની સારવાર માટે રોજ 6200 રૂપિયાની કિંમત

    આ પહેલા છત્તીસગઢ સરકારે સોમવારે એક આદેશ જાહેર કરીને ખાનગી હોસ્પિટલોમાં કોરોના વાયરસના દર્દીઓની સારવાર માટે નવા ભાવ નક્કી કરી દીધા હતા. વિભાગ તરફથી જાહેર કરાયેલા આ આદેશ અનુસાર, NABH માન્યતા પ્રાપ્ત ખાનગી હોસ્પિટલોમાં મૉડરેટ સ્થિતિવાળા દર્દીઓની સારવાર માટે રોજ 6200 રૂપિયાની કિંમત નક્કી કરવામાં આવી હતી. તેમાં સપોર્ટિવ કેર આઇસોલેશન બેડ સાથે ઓક્સિજન અને PPE કીટનો ખર્ચ પણ સામેલ છે. ઉલ્લેખનીય છે કે, ખાનગી હોસ્પિટલોમાં સારવારના નામ પર મનમાની અને વસૂલીની ફરિયાદો વચ્ચે પ્રશાસને કોરોના વાયરસના દર્દીઓની સારવાર માટે નવા ભાવ નક્કી કર્યા હતા.

    ખાનગી હોસ્પિટલોની મનમાની રોકવા મુખ્યમંત્રી ભૂપેશ બઘેલે 11 એપ્રિલના રોજ હોસ્પિટલ સંચાલકો સાથેની બેઠકમાં સ્વાસ્થ્ય વિભાગના અધિકારીઓને ખાનગી હોસ્પિટલોમાં કોરોના સારવારના નવા ભાવ નક્કી કરવાના નિર્દેશ આપ્યા હતા. ત્યારબાદ સ્વાસ્થ્ય વિભાગ તરફથી કોરોના વાયરસ સંક્રમણથી પીડિત દર્દીઓ માટે નવા ભાવ નક્કી કરી દીધા હતા. નવા ભાવો મુજબ ખાનગી હોસ્પિટલોમાં દર્દીની સારવાર માટે રોજ 6200 રૂપિયાનો ભાવ નક્કી કરી દીધો છે. તેમાં PPE કીટ, આઇસોલેશન બેડનો ખર્ચ પણ સામેલ છે.

    સ્વાસ્થય વિભાગ તરફથી જાહેર કરવામાં આવેલા ભાવો મુજબ, ગંભીર સ્થિતિવાળા દર્દીઓની સારવાર માટે રોજ 12 હજાર રૂપિયાની રકમ નક્કી કરવામાં આવી છે. તેમાં વેન્ટિલેટર વિનાની ICU સુવિધા સામેલ છે. અતિ ગંભીર દર્દીઓની સારવાર માટે 17 હજારૂ રૂપિયા પ્રતિ દિવસનો ભાવ નક્કી કરવામાં આવ્યો છે. તેમાં વેન્ટિલેટર સાથે ICU સુવિધા સામેલ કરવામાં આવી છે. તેની સાથે જ NABHની ગેર માન્યતા પ્રાપ્ત હોસ્પિટલો માટે મૉડરેટ, ગંભીર અને અતિ ગંભીર દર્દીઓ માટે રોજના 6200 રૂપિયા, 10 હજાર રૂપિયા અને 14 હજાર રૂપિયા નક્કી કરી દેવામાં આવ્યા છે. આ નિર્ણયથી કોરોના સંક્રમણ વચ્ચે દર્દીઓની વધતી સંખ્યા દરમિયાન કેટલાક રાહત ભરેલા પગલાં માનવામાં આવી રહ્યા છે. તેનાથી ખાનગી હોસ્પિટલોમાં દર્દીઓ પાસેથી ગેરકાયદાસર કોરોના ઉપચારના નામ પર વસૂલીને રોકી શકશે.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.