In France, 43,000 new cases were reported in a single day

દુનિયામાં કોરોનાના કુલ કેસનો આંક 4.19 કરોડથી વધુ થઈ ગયો છે. 3 કરોડ 11 લાખ 83 હજાર 219 દર્દી સાજા થઈ ચૂક્યા છે. અત્યારસુધીમાં 11.42 લાખથી વધુ લોકોએ જીવ ગુમાવ્યા છે. આ આંકડા www.worldometers.info/coronavirus મુજબના છે. ફ્રાંસમાં કોરોનાનું સંક્રમણ ભયજનક રીતે વધી રહ્યું છે. આ નાના એવા દેશમાં ગુરુવારે કોરોનાના નવા 43 હજાર કેસ સામે આવ્યા હતા. અમેરિકામાં કોરોનાના ઈલાજ માટે રેમ્ડેસિવિર દવાના ઉપયોગને મંજૂરી આપવામાં આવી છે.

કોરોનાને કારણે ફ્રાન્સની પરિસ્થિતિ ઝડપથી વિકટ બની રહી છે. ગુરુવારે અહીં લગભગ 43 હજાર નવા કેસ સામે આવ્યા હતા. સરકારે માન્યું કે આ સંક્રમણની બીજી લહેર શરૂ થયા બાદ અત્યારસુધીનો નવા કેસોનો સૌથી મોટો આંક છે. સરકારે એ વાતને પણ માની કે 9 શહેરમાં લગાવવામાં આવેલા નાઈટ કર્ફ્યુની અસર વધુ થઈ નથી. હવે સમાચાર છે કે ફ્રાન્સ સરકાર શનિવારે યોજાનારી બેઠકમાં લોકડાઉન અંગે વિચારણા કરી શકે છે. જોકે મોટા ભાગનાં સંગઠનોએ કહ્યું હતું કે તેઓ સરકારના આ નિર્ણયને સમર્થન નહીં આપે.

અમેરિકાના ફૂડ એન્ડ ડ્રગ્સ એડમિનિસ્ટ્રેશન (FDA) ડિપાર્ટમેન્ટે કોરોનાની સારવારમાં રેમ્ડેસિવિર દવાના ઉપયોગ કરવા બાબતે સત્તાવાર મંજૂરી આપવામાં આવી છે. આ એન્ટિવાઇરલ ડ્રગનો ઉપયોગ હવે અમેરિકામાં થઈ શકશે. નેશનલ ઇન્સ્ટિટ્યૂટ ઓફ હેલ્થના એક રિસર્ચ મુજબ, આ દવાના ઉપયોગથી દર્દી 15ની જગ્યાએ 10 દિવસમાં સાજો થઈ શકે છે.છે. અમેરિકામાં એનો ઉપયોગ મે મહિનાથી કરવામાં આવી રહ્યો હતો, પરંતુ એ અત્યારસુધી ગંભીર દર્દીઓના ઉપયોગ માટે હતી. હવે હોસ્પિટલમાં દાખલ દર્દીઓની સારવારમાં માટે એના ઉપયોગને મંજૂરી આપવામાં આવી છે.

જોકે WHOએ થોડા દિવસો પહેલાં કહ્યું હતું કે રેમ્ડેસિવિરના ઉપયોગથી હોસ્પિટલમાં દાખલ કરવામાં આવેલા ખૂબ ગંભીર દર્દીઓનાં મૃત્યુને રોકવાના મદદ માટેના કોઈ પુરાવા નથી. જોકે ફક્ત થોડા ડોકટરો જ આ અભ્યાસ અંગે સવાલ કરી રહ્યા છે

આ પણ વાંચો:-  યાત્રાધામ વિરપુરમાં જલારામ બાપાની જન્મજયંતિની ઉજવણીના તમામ કાર્યક્રમ રદ

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.