<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

In Surat, a young man was caught snatching a mobile while keeping a minor on a bike

સુરત શહેરમાં થોડા દિવસોથી મોબાઈલ સ્નેચિંગની ઘટનાઓની ફરિયાદ ઉઠી હતી. જેથી પોલીસે તપાસ હાથ ધરી હતી. જેમાં બાતમી આધારે 30 વર્ષીય વિજય જેઠવાની ધરપકડ કરવામાં આવી છે. આ સાથે એક સગીરને પણ પકડી પાડવામાં આવ્યો છે. અત્રે ઉલ્લેખનિય છે કે, વિજય જેઠવા સગીરનો પોતાની બાઈક પર સાથે રાખી મોબાઈલ સ્નેચિંગ કરતો હતો. હાલ તો પોલીસે આરોપીને ઝડપી 6 જેટલા ગુનાઓને ઉકેલવામાં સફળતા મળી છે.

- Advertisement -

પોલીસ આરોપી પાસેથી રૂ.63000નો મુદ્દામાલ કબજે કર્યો
પોલીસે જણાવ્યું હતું કે, મોબાઈલ સ્નેચિંગના કેસોને લઈને તપાસ ચાલી રહી હતી. દરમિયાન બાતમી આધારે મૂળ સાવરકુંડલા અને સુરતમાં રહેતા રિક્ષા ચાલક વિજય ધીરૂભાઈ જેઠવા(ઉ.વ.30) અને કાયદાના સંઘર્ષમાં આવેલા બાળ કિશોરની કાપોદ્રા હીરાબાગ સર્કલ પાસેથી પકડી પાડવામાં આવ્યા હતા. તેમની પાસેથીથી અલગ અલગ કંપનીના રૂ. 38000ના 6 મોબાઈલ, રૂ. 25000ની નંબર પ્લેટ વગરની બાઈક મળી કુલ રૂ.63000નો મુદ્દામાલ કબજે કર્યો હતો

સગીરને પાછળ બેસાડી એકાંત રસ્તા પર જતા રાહદારીને નિશાન બનાવતા
પોલીસની પૂછપરછમાં આરોપીઓ પાસેથી જાણવા મળ્યું હતું કે, છેલ્લા બે મહિનાથી વિજય સગીરને સાથે રાખી સુરત શહેરના કાપોદ્રા, સરથાણા અને પુણા વિસ્તારમાંથી 5 મોબાઈલ અને એક નવેમ્બર-2019માં સ્નેચિંગ કર્યા હતા. વિજયએ તેના મિત્ર સુરેશ ઉર્ફે સૂર્યા ભીલ અને સગીર સાથે મળી વરાછા મિનિ બજાર નજીક એકાંત રસ્તા પરથી ચાલતા જતા રાહદારીઓ પર વાતચિત કરતા જતા હોય તેની પાછળ બાઈક લઈને જઈ હાથમાંથી મોબાઈલ સ્નેચિંગ કરી લેતા હતા. આરોપીઓની ધરપકડથી સુરત શહેરના વરાછા 1, સરથાણા 3, કાપોદ્રા 1 અને પુણાનો 1 ગુનો ઉકેલાયો છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

આ પણ વાંચો:-  રાજકોટમાં એક દંપતિએ 150 ખેત મજૂરોને રાશનની જરૂર છે તેવું ખોટું કહ્યું

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -