Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

In the local body elections, the BJP government is afraid of angry voters, not of Corona

રાજ્ય ચૂંટણી પંચે સમયસર નિર્ણય લઇને સ્થાનિક સ્વરાજ્યની ચૂંટણીઓ પાછી ઠેલવાનું વલણ અપનાવીને સત્તાધારી પક્ષ ભાજપને મોટી રાહત આપી છે. જો ચૂંટણીઓ સમયસર યોજાઇ હોત તો ભાજપને મુખ્યમંત્રીના ગૃહનગર રાજકોટની મહાનગરપાલિકા ઉપરાંત કંઇ કેટલીય પંચાયતો અને નગરપાલિકાઓ ખોવી પડે તેવી સ્થિતિ હતી. આવા સંજોગોમાં 2015માં ભાજપ સરકારની થયેલી ફજેતી કરતાં મોટો ઉપહાસ આ વર્ષે સહન કરવાનો આવે અને તેના પરિણામો છેક નેતૃત્વ પરિવર્તન જેવા પણ આવી શકે તેવી દશા થઇ શકે તેમ હતું.

- Advertisement -

રાજકોટમાં જ ભાજપ સત્તા ગુમાવે તેવી સ્થિતિ

રાજકોટ શહેરમાં કોરોના સંક્રમણના ખૂબ વધેલા કિસ્સા ઉપરાંત મૃત્યુના ખૂબ ઊંચા કિસ્સાઓના ઘા હજુ લોકોના દિલમાં તાજા છે. આવાં વસમા સંજોગોમાં ચૂંટણી યોજાય તો સ્વાભાવિક રીતે જ દાઝેલા મતદાતાઓ ભાજપ વિરુદ્ધ મતદાન કરે તેવી સ્થિતિ હતી. તેને કારણે મુખ્યમંત્રી વિજય રૂપાણીના ઘર સમાન રાજકોટમાં જ ભાજપ સત્તા ગુમાવે તેવી સ્થિતી હતી. આ ઉપરાંત અમદાવાદ, સૂરત, જામનગર અને વડોદરામાં પણ લોકો કોરોનાને કારણે સત્તાપક્ષથી ખૂબ નારાજ હોઇ અહીં તેઓની બેઠકો સારી એવી ઘટી જાય તેવો અંદાજ હતો, તેમ સરકારના જ સૂત્રો જણાવે છે.

સરકારે જ કરાવેલા એક સર્વેક્ષણ મુજબ શહેરોમાં કોરોનાને કારણે તો ગામડાંઓમાં કોરોના ઉપરાંત પાક વિમાની ચૂકવણીમાં થયેલાં ધાંધીયા, અતિવૃષ્ટિના વળતરને લગતી બૂમો અને તાજેતરમાં આવેલા કેન્દ્ર સરકારના કૃષિ બિલોને કારણે ખેડૂતો ગામડાંઓમાં ભાજપ સરકારથી ભારોભાર નારાજ છે. ગઇ ચૂંટણીઓમાં પણ ખેડૂતોના રોષને કારણે જ ગ્રામીણ સ્થાનિક સ્વરાજની સંસ્થાઓ એટલે કે પંચાયતોમાં ભાજપના ખૂબ ભૂંડા હાલ થયા હતા, અને તેવી જ સ્થિતિ આ વખતે પણ છે.

આ પણ વાંચો:-  મુખ્યમંત્રી વિજય રૂપાણીના નિવાસસ્થાને નહી થાય રક્ષાબંધનની ઉજવણી

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -