Imports of solar devices from China will decrease in the next 3-5 years

ઉદ્યોગપતિ ગૌતમ અદાણીની કંપનીએ 8 ગીગાવૉટની મેન્યુફેક્ચરિંગ લિંક્ડ સોલર એનર્જી પ્રોજેક્ટનું ટેન્ડર હાંસલ કરી લીધું છે. જેમાં તે લગભગ 45000 કરોડ રૂપિયાનું રોકાણ કરશે. અદાણીએ કહ્યું કે, ચીનથી સોલર ઉપકરણોનું આયાત આવતા 3-5 વર્ષોમાં ઓછું થઇ નહીં બરાબર થઈ જશે. હાલમાં ભારતીય બજારમાં તેની હિસ્સેદારી 90 ટકાથી વધારે છે.

2025 સુધી 25 ગીગાવૉટની ક્ષમતાની સાથે આ સેગમેન્ટમાં વર્લ્ડ લીડર બનવાનો છે

આ ટેન્ડર અદાણી ગ્રીન એનર્જીએ હાંસલ કર્યો છે. કંપનીનો ઉદ્દેશ 2025 સુધી 25 ગીગાવૉટની ક્ષમતાની સાથે આ સેગમેન્ટમાં વર્લ્ડ લીડર બનવાનો છે. આ ટેન્ડરમાં 8 ગીગાવૉટ સોલર પાવર અને 2 ગીગાવૉટના સોલર સેલ અને મોડ્યુલ મેન્યુફેક્ચરિંગની ક્ષમતા તૈયાર કરવાની છે. જેનાથી 4 લાખ નોકરીઓના અવસર બનશે.

અદાણીએ કહ્યું છે કે, તેમનું ગ્રુપ સોલર ઉપકરણોના મેન્યુફેક્ચરિંગમાં ઈક્વિટી અને સ્ટ્રેટેજીક પાર્ટનરશીપમાં વાત કરી રહ્યું છે. સોલર ઉપકરણોના મેન્યુફેક્ચરિંગમાં ઝડપથી ટેક્નોલોજી બદલાઇ રહી છે. તેમણે કહ્યું છે કે, ભારતમાં માત્ર તેમના ગ્રુપની પાસે જ ટોટલ અને વિલ્મર જેવી કંપનીઓની સાથે 50-50 ટકાની ભાગીદારીમાં કામ કરવાનો ટ્રેક રેકોર્ડ છે.

દેશ ઝડપથી આત્મનિર્ભરતાની તરફ વધી રહ્યો છેઃ અદાણી

અદાણીએ કહ્યું છે કે, દેશ ઝડપથી આત્મનિર્ભરતાની તરફ વધી રહ્યો છે. તેમણે કહ્યું છે કે, અત્યાર સુધીમાં 90 ટકા સુધીના ચીનના ઉપકરણો ઈમ્પોર્ટ થાય છે. જે આગળ જતા ઘટીને 50 ટકા થઈ જશે અને આવનારા 3 કે 5 વર્ષોમાં તે સંપૂર્ણપણે સમાપ્ત થઈ જશે. અદાણીને પૂરો વિશ્વાસ છે કે, આ રોકાણથી તે દુનિયાની સૌથી મોટી સોલર કંપની બની જશે.

અદાણી ગ્રીન એનર્જી કંપની 2025 સુધી 25 ગિગાવૉટનું ઉત્પાદન કરતા દુનિયામાં લીડર બનવા માગે છે. તેમણે કહ્યું કે, ત્યાં સુધીમાં 18-20 ગિગાવૉટનનું થર્મલ ઉત્પાદન થશે અને સોલર ઉત્પાદન તેનાથી પણ વધારે થઈ જશે.

આ પણ વાંચો:-  ન્યૂયોર્કમાં સ્વિમિંગ પૂલ અને રમતના મેદાનો ખૂલ્યા, મલેશિયામાં હજ યાત્રા ઉપર પ્રતિબંધ

2030 સુધીમાં સૌથી મોટી રિન્યૂએબલ એનર્જી કંપની બનવાનું લક્ષ્ય

તમને જણાવી દઈએ કે, આ પહેલા એપ્રિલમાં પણ લોકડાઉનની વચ્ચે ફ્રાંસની Total SAએ અદાણી ગ્રુપમાં 3707 કરોડ રૂપિયાનાં રોકાણ કરવા અંગે હામી ભરી હતી. અદાણી ગ્રુપ એનર્જી લિમિટેડની સાથે આ ડીલમાં બંને કંપનીઓની ભાગીદારી 50-50 ટકાની છે. તે સમયે અદાણી ગ્રુપે 2025 સુધી 25 ગિગાવૉટનું ઉત્પાદન કરતા દુનિયામાં લીડર બનવાનું અને 2030 સુધીમાં સૌથી મોટી રિન્યૂએબલ એનર્જી કંપની બનવાનું લક્ષ્ય રાખ્યું હતું. હવે સરકાર તરફથી મળેલો આ સોલર પ્રોજેક્ટ તે દિશામાં એક અગત્યનું પગલું છે.

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.