IPL 2023: ફાઈનલની ટિકિટ માટે ગુજરાત અને મુંબઈમાં રમાશે રસપ્રદ જંગ, ખેલાડીઓ મેદાનમાં લગાવશે પોતાનો જીવ
આઈપીએલ 2023 આજે બીજા ક્વોલિફાયરમાં ગુજરાત ટાઇટન્સ અને મુંબઈ ઈન્ડિયન્સ સ્પર્ધા રૂબરૂ થશે. આજની મેચમાં જે પણ ટીમ જીતશે તેને ફાઈનલની ટિકિટ મળશે. જ્યાં તેનો મુકાબલો ફાઈનલમાં ચેન્નાઈ સુપર કિંગ્સ સામે થશે. IPLમાં અત્યાર સુધી ગુજરાત ટાઇટન્સ અને મુંબઈ ઈન્ડિયન્સ માત્ર 3 વખત ટકરાયા છે. આ દરમિયાન મુંબઈ ઈન્ડિયન્સનું પલ્લું ભારે રહ્યું છે. મુંબઈએ 3 મેચમાં 2 જીત નોંધાવી છે જ્યારે ગુજરાત ટાઇટન્સે 1 મેચ જીતી છે.
આઈપીએલ 2023 બંને ટીમો બે વખત સામસામે આવી ચુકી છે. બંને ટીમો વચ્ચેની મેચમાં ગુજરાત માટે શુભમન ગિલે સૌથી વધુ રન (114) બનાવ્યા છે. આ જ સૂર્યકુમાર યાદવે મુંબઈ ઈન્ડિયન્સ માટે 103 રન બનાવ્યા છે. આજે IPL ક્વોલિફાયરમાં ગુજરાત ટાઇટન્સની મજબૂત બોલિંગ સામે મુંબઈ ઈન્ડિયન્સની મજબૂત બેટિંગની ‘કસોટી’ થશે.
IPL 2023ની ફાઈનલમાં પહોંચનારી પ્રથમ ટીમ ચેન્નાઈ સુપર કિંગ્સ છે. બીજી તરફ IPL 2023ની ફાઈનલ માટે આજે અન્ય ફાઈનલિસ્ટની ટિકિટ ફાઈનલ થશે.મુંબઈ તેની અગાઉની મેચ જીતીને આવી રહ્યું છે, જ્યારે ગુજરાત તેની અગાઉની મેચ હાર્યા બાદ આવી રહ્યું છે.આજની મેચમાં બંને ટીમો પોતપોતાની મહેનત કરશે. બંને ટીમો વચ્ચે આ મેચ અમદાવાદના નરેન્દ્ર મોદી સ્ટેડિયમમાં રમાશે.