Sunday, July 25, 2021
More

    Latest Posts

    એ આર રહેમાનના ‘માઁ તુજે સલામ’ ગીતને લીધે આઈટી મંત્રી રવિશંકર પ્રસાદનું ટ્વિટર એકાઉન્ટ લોક થયું

    IT Minister Ravi Shankar Prasad’s Twitter account locked due to AR Rahman’s song ‘Maan Tuje Salaam’

    નવા આઈટી નિયમોને લઈને ભારત સરકાર અને ટ્વિટર આમને-સામને છે ત્યારે શુક્રવારે અમરિકન કોપીરાઈટ કાયદા (ડીએમસીએ)ના કથિત ઉલ્લંઘનને લઈને ઈન્ફર્મેશન અને ટેક્નોલોજી મંત્રી રવિશંકર પ્રસાદનું એકાઉન્ટ લગભગ એક કલાક સુધી લોક કરી દેવામાં આવ્યું હતું. આવું શા માટે કરવામાં આવ્યું તેની વિગત સામે આવી છે. મ્યુઝિક ડાયરેક્ટર એ આર રહેમાનના ગીત ‘માઁ તુજે સલામ’ અને સોની મ્યુઝિકને લીધે આઈટી મિનિસ્ટર રવિ શંકર પ્રસાદનું ટ્વિટર એકાઉન્ટ થોડી વાર માટે લોક કરાયું હતું. કોઈ કેન્દ્રીય મંત્રીના ટ્વિટર એકાઉન્ટને લોક કરાયું હોય તેવો આ પ્રથમ કિસ્સો છે.

    ડીએમસીએ નોટિસના મતે ટ્વિટરે રવિશંકર પ્રસાદના જે ટ્વીટ સામે પગલાં લીધા છે તે ટ્વીટ 2017નું છે. લુમેન ડેટાબેઝ દસ્તાવેજ મુજબ ડીએમસીએ સંલગ્ન નોટિસ 24 મે 2021ના મોકલવામાં આવી અને ટ્વિટરને 25 જૂન 2021ના મળી હતી. લુમેન ડેટાબેઝ સ્વતંત્ર રિસર્ચ સંસ્થા છે, જેના થકી ટ્વિટર દ્વારા પોતાની સાઈટ પર રોક લગાવવામાં આવતા કન્ટેન્ટ સહિત અન્ય બાબતોનું અધ્યયન કરવામાં આવે છે.

    સૂત્રોનું માનીએ તો રવિશંકર પ્રસાદના ટ્વિટર પર સંબંધિત પોસ્ટમાં 1971ના યુદ્ધની વિજય વર્ષગાંઠના અવસરે ભારતીય લશ્કરને શ્રદ્ધાંજલિનો એક વીડિયો પોસ્ટ કરવામાં આવ્યો હતો. વીડિયોના બેકગ્રાઉન્ડમાં એ. આર રહેમાનનું ગીત સંભળાઈ રહ્યું છે. આ ગીતના કોપીરાઈટ સોની મ્યુઝિક પાસે છે. પ્રાપ્ત વિગતો મુજબ સોની મ્યુઝિકે આ ગીત પર કોપી રાઈટનો દાવો કર્યો છે અને ટ્વીટરના મતે આ પોસ્ટને કથિત રીતે કોપીરાઈટ નિયમોનું ઉલ્લંઘન માનવામાં આવ્યું છે. 

    આ પણ વાંચો:-  રાજ કુંદ્રાની ઓફિસમાં દરોડા, પોલીસને હાર્ડ ડિસ્ક માં આપત્તિજનક વસ્તુઓ મળી

    ટ્વિટરના પગલાં પછી મંત્રી રવિશંકર પ્રસાદે અમેરિકન સોશિયલ નેટવર્કિંગ કંપનીના આ પગલાંને વખોડ્યું છે અને તેને મનમાનીભર્યું વલણ ગણાવ્યું છે તેમજ આઈટી નિયમોનું ઘોર ઉલ્લંઘન ગણાવાયું છે. તેમણે એમ પણ કહ્યું કે, માઈક્રોબ્લોગિંગ સાઈટે નવા આઈટી નિયમોનું ઉલ્લંઘન કર્યું છે. નવા નિયમો અંતર્ગત ટ્વિટરે એકાઉન્ટ લોક કરતા પૂર્વે ઉપયોગકર્તાને નોટિસ આપવી જરૂરી છે. જો કે ટ્વટિરે એકાઉન્ટ પરથી રોક હટાવી છે પરંતુ તે ટ્વીટને અટકાવ્યું છે જેને લઈને રોક લગાવાવમાં આવી હતી.

    આ પણ વાંચો:-  મુંબઈમાં ઈમારત પડવાથી 3નાં મૃત્યુ

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.