Congress leader Hardik Patel and MLA Jignesh Mewani made representations to the District Collector.

કેન્દ્ર સરકાર દ્વારા કોરોના વાયરસના સંક્રમણને અટકાવવા માટે દેશમાં લોકડાઉન જાહેર કરવામાં આવ્યુ છે. લોકડાઉનનના કારણે બે મહિના સુધી મોટાભાગના ધંધા, ઉદ્યોગ અને રોજગાર બંધ રહ્યા હતા. તેથી ઘણા લોકોની આર્થિક પરિસ્થિતિ કફોડી બની હતી. હવે લોકડાઉન પાંચમા રાજ્ય સરકારે લોકોના ધંધા અને રોજગાર ખોલવા માટેની છૂટ આપી છે. ત્યારે ગરીબ લોકોને આર્થિક રાહત મળી રહે તે માટે કોંગ્રેસના નેતા હાર્દિક પટેલ અને ધારાસભ્ય જીગ્નેશ મેવાણીએ રિક્ષાવાળા, પાથરણા અને લારીવાળાઓને રાહત આપવા બાબતે જિલ્લા કલેકટરને રજૂઆત કરી હતી.

- Advertisement -

અમદાવાદમાં રીક્ષા ચાલકો, લારી અને પાથરણાવાળાઓની પડખે હવે કોંગ્રેસનો નેતા હાર્દિક પટેલ અને અપક્ષ ધારાસભ્ય જીગ્નેશ મેવાણી આવ્યા

કોરોનાની મહામારી વચ્ચે અમદાવાદમાં રીક્ષા ચાલકો, લારી અને પાથરણાવાળાઓની પડખે હવે કોંગ્રેસનો નેતા હાર્દિક પટેલ અને અપક્ષ ધારાસભ્ય જીગ્નેશ મેવાણી આવ્યા છે. હાર્દિક પટેલ અને જીગ્નેશ મેવાણી એ અમદાવાદમાં રિક્ષાવાળા, લારી અને પાથરણાવાળાઓના અલગ-અલગ એસોસિએશનના આગેવાનો સાથે તેઓને પડતી મુશ્કેલી બાબતે ચર્ચા કરી હતી અને ચર્ચાના અંતે હાર્દિક અને જીગ્નેશ મેવાણીએ આગેવાનો સાથે મળી અમદાવાદ જિલ્લા કલેકટરને રિક્ષાવાળા, લારી અને પાથરણાવાળાઓને પડતી મુશ્કેલી દૂર કરવા બાબતે આવેદન આપીને રજૂઆત કરી હતી.

હાર્દિક પટેલે તેના ઓફિસિયલ ફેસબુક એકાઉન્ટમાં એક પોસ્ટ કરીને માહિતી આપી

હાર્દિક પટેલે તેના ઓફિસિયલ ફેસબુક એકાઉન્ટમાં એક પોસ્ટ કરીને માહિતી આપી હતી કે, કોરોનાની મહામારીના કારણે લોકડાઉનની પરિસ્થિતિમાં રાજ્યના રિક્ષાચાલકો, લારી અને પાથરણાવાળાની હાલત ચિંતાજનક છે. આજે રિક્ષાચાલક, લારી અને પાથરણાવાળાના અલગ-અલગ એસોસિએશનના પ્રમુખ સાથે મેં અને જીગ્નેશ મેવાણી એ ચર્ચા કરી તથા અમદાવાદના કલેક્ટર સાહેબને આવેદન આપીને માગણી કરી છે કે, સરકાર દ્વારા આ લોકોને તુરંત જ આર્થિક સહાય આપવામાં આવે.

આ પણ વાંચો:-  નહેરુબ્રિજ પાસે સાકાર-7માં ભોંયતળિયે કેબલમાં આગ.

રિક્ષા ચલાવીને ગુજરાન ચલાવતા લોકો માટે 21 હજાર રૂપિયાની સહાયની માગણી કરવામાં આવી

આ બાબતે હાર્દિક પટેલ અને જીગ્નેશ મેવાણી એ જણાવ્યું હતું કે, પોલીસ તરફથી રિક્ષાચાલકો, પાથરણાવાળાઓ અને લારીવાળાઓને હેરાનગતિ ન થાય તે માટે પોલીસ દ્વારા હપ્તા લેવાતા હોય તો તે તેના લેવામાં આવે તેવી રજૂઆત કરવામાં આવી છે, રિક્ષા ચલાવીને ગુજરાન ચલાવતા લોકો માટે 21 હજાર રૂપિયાની સહાયની માગણી કરવામાં આવી છે. આ ઉપરાંત રીક્ષાના હપ્તા ચાલુ હોય તો બેંક અથવા તો પેઢી દ્વારા રિક્ષાના લોનના હપ્તામાં રાહત આપવામાં આવે તેવી રજૂઆત કરવામાં આવી છે.

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.