Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Locals living on University Road in Rajkot rushed to the Manpa office with bottles of kerosene

રાજકોટ મનપા દ્વારા શહેરમાં સતત બીજા દિવસે ડિમોલિશનની પ્રક્રિયા શરૂ કરવામાં આવી છે. મનપા દ્વારા આજે યુનિવર્સિટી રોડ પર ગેરકાયદે ઉભા કરવામાં આવેલા મકાનો તોડી પાડવામાં આવ્યાં હતા અને કરોડો રૂપિયાની જમીન ખુલ્લી કરવામાં આવી હતી. જો કે ડિમોલિશનની કાર્યવાહી થતાં સ્થાનિકોમાં રોષ જોવા મળ્યો હતો અને આત્મવિલોપનની ચીમકી ઉચ્ચારી હતી. સ્થાનિકો કેરોસીન લઈને કોર્પોરેશન કચેરી દોડી જઈ આત્મવિલોપન કરવાની ચીમકી આપી હતી જેને લઈને કચેરીમાં દોડધામ મચી ગઈ છે. જો કે ડેપ્યુટી કમિશનરે જરૂરી કાર્યવાહીની ખાતરી આપતા મામલો થાળે પડ્યો હતો. મહત્વનું છે કે કોર્પોરેશન બહાર પોલીસની હાજરીમાં ટોળા જોવા મળ્યાં હતા અને પોલીસની હાજરીમાં જ સાથે જ સોશિયલ ડિસ્ટન્સનો ઉલાળિયો થયો હતો.

- Advertisement -

મનપાની ટાઉન પ્લાનિંગ શાખાના અધિકારીઓએ યુનિવર્સિટી રોડ પર આવેલા 70 જેટલા કાચા-પાકા મકાનો તોડી પાડી 8 હજાર ચોરસ મીટર જમીન ખુલ્લી કરવામાં આવી હતી. મનપા દ્વારા અંદાજીત 65 કરોડની કિંમતની જમીન ખુલ્લી કરવામાં આવી હતી. રોષે ભરાયેલા સ્થાનિકોએ આક્ષેપ કર્યો હતો કે નોટિસ આપ્યા વગર જ ડિમોલિશનની પ્રક્રિયા કરવામાં આવી છે. જેથી સ્થાનિકોએ વિરોધ કર્યો હતો. જોકે પોલીસ અને વિજિલન્સ સ્ટાફ દ્વારા તેમને અટકાવીને કાર્યવાહી પૂર્ણ કરવામાં આવી હતી. જેથી સ્થાનિકો કેરોસિનની બોટલો સાથે મનપા કચેરી દોડી ગયા હતા અને આત્મવિલોપનની ચીમકી આપી હતી. જો કે સ્ટાફ દ્વારા તમામને અટકાવી કોઈ અનિચ્છનીય બનાવ ન બને તે માટે પોલીસનો ચુસ્ત બંદોબસ્ત ગોઠવી દેવાયો હતો. બાદમાં સ્થાનિકોએ ડેપ્યુટી કમિશનરને રજૂઆત કરી હતી અને વૈકલ્પિક જગ્યા ફાળવવા માંગ કરી હતી. આ મુદ્દે ડેપ્યુટી કમિશનરને જરૂરી કાર્યવાહીની ખાતરી આપ્યા બાદ મામલો થાળે પડ્યો હતો.

આ પણ વાંચો:-  નર્સિંગ સ્ટાફ ને દિવસ લેખે પગાર આપવાનો વાયદો પૂર્ણ ન કરતા SVP.

મનપા દ્વારા ગઈકાલે કોઠારીયા રોડ પરનાં હુડકો વિસ્તારમાં મનપા દ્વારા ડિમોલિશનની પ્રક્રિયા હાથ ધરવામાં આવી હતી. જેમાં મ્યુનિસિપલ કોર્પોરેશનની ટાઉન પ્લાનિંગ શાખા દ્વારા નવી પોલીસ ચોકી સામે તંત્રની જગ્યામાં ઉભા કરવામાં આવેલા 53 જેટલા ગેરકાયદે કાચા મકાન સહિતના દબાણો તોડી પાડી 20 હજાર ચોરસ મીટર જગ્યા ખુલ્લી કરવામાં આવી હતી

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -