Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Luxurious life millionaire accused Adil Lajpore jailed

શહેરમાં 1.33 કરોડના MD ડ્રગ્સ પકડાવાના કેસમાં ઝડપાયેલા કરોડપતિ આરોપી આદિલ નૂરાનીને લાજપોર જેલમાં ખસેડવામાં આવ્યો છે. 9 દિવસના રિમાન્ડ પૂર્ણ થયા બાદ રિમાન્ડ માટે કોર્ટમાં રજૂ કરતા આદિલને જ્યુડિશિયલ કસ્ટડીમાં લાજપોર જેલમાં ધકેલી દેવામાં આવ્યો છે. અત્રે ઉલ્લેખનિય છે કે, કરોડપતિ આદિલ 80 લાખની કારમાં કરતો અને લક્ઝુરિયલ લાઈફ જીવતો હતો. જોકે, ડ્રગ્સની લતે ચડ્યા બાદ અનેક યુવાધનને ડ્રગ્સના નશામાં ધકેલ્યું હોવાનું સામે આવ્યું છે. છેલ્લા 9 દિવસથી આદિલ પોલીસ કસ્ટડીમાં હતો. જેમાં પોલીસ સતત પૂછપરછ કરી રહી હતી. જેમાં અનેક ડ્રગ્સના પેડલરોના નામ પણ સામે આવ્યા છે. જ્યારે તેના દ્વારા કરવામાં આવતી પાર્ટીઓમાં પણ ડ્રગ્સ પીરસાતું હોવાને લઈને પાર્ટીમાં સામેલ માલેતુજાર યુવક-યુવતીઓની પણ પૂછપરછ થઈ ચૂકી છે.

આદિલની ધરપકડ બાદ દિવસેને દિવસે ડ્રગ્સ કેસમાં નવા ઘટસ્ફોટો થયા

ગત 22 સપ્ટેમ્બરના રોજ સુરત ક્રાઈમ બ્રાંચ દ્વારા 1.33 કરોડના MD ડ્રગ્સ સાથે 3 આરોપીઓને ઝડપી પાડવામાં આવ્યા હતા. જેમાં સલમાન ઝવેરી નામના આરોપીની પૂછપરછમાં કંસાર હોટલના માલિકનો પુત્ર આદિલ સલીમ નૂરાનીનું નામ બહાર આવ્યું હતું. 30 સપ્ટેમ્બરના રોજ આદિલને કડોદરા ખાતેથી ઝડપી પાડવામાં સફળતા મળી હતી. આદિલની ધરપકડ બાદ દિવસેને દિવસે ડ્રગ્સ કેસમાં નવા ઘટસ્ફોટો થઈ રહ્યા છે. આ કેસમાં કુલ 12 આરોપીઓની ધકપકડ થઈ ચૂકી છે.

લક્ઝુરિયસ લાઈફ હોવા છતા ડ્રગ્સમાફિયા બની ગયો

આરોપી આદિલ નૂરાની કરોડપતિ પરિવારની આવે છે. પિતા સલીમ નૂરાની 8 હોટલ અને પેટ્રોલપંપના માલિક છે. જેથી આદિલની લાઈફ સ્ટાઈલ કોઈ સેલિબ્રિટીથી ઓછી ન હતી. આદિલ મુંબઈમાં રહી ડ્રગ્સની લતે ચડ્યો અને સતત પાર્ટીઓ કર્યા કરતો હતો. દરમિયાન સુરત આવી જતા રિંગરોડ પર આવેલી કંસાર હોટલમાંથી પોતાનો તમામ કારભાર સંભાળતો હતો. આદિલ 80 લાખની ઓડી કારમાં ફરતો હતો. દરમિયાન ડ્રગ્સની લતને લઈને સુરતના ડ્રગ્સની સપ્લાય કરતા સલમાનના સંપર્કમાં આવ્યો હતો. ત્યારબાદથી બંને ડ્રગ્સના ધંધામાં ભાગીદાર બની ગયા હતા. ડુમસ ખાતેના ફ્લેટમાં સલમાન સાથએ આદિલ અવારનવાર પાર્ટીઓ કરતો હતો. જેમાં માલેતુજાર પરિવારના યુવક-યુવતીઓ આવતા અને ડ્રગ્સની લતે ચડાવી પોતાનો ધંધો ચલાવતા હતા.

આ પણ વાંચો:-  કોરોનાને નાથવા 20 હજાર નવા ઈન્જેક્શનની ખરીદી પૂર્ણ, ડે.સીએમ નીતિન પટેલે

આરોપી આદિલનો સીમકાર્ડ હજી કબજે લેવાયો નથી

આદિલ નૂરાનીના 9 દિવસના રિમાન્ડ પૂર્ણ થતા કોર્ટમાં રજૂ કરવામાં આવ્યો હતો. પોલીસે વધુ 4 દિવસના રિમાન્ડ માંગ્યા હતા. સરકાર પક્ષની દલીલ હતી કે, આરોપીની મુંબઇના ડ્રગ્સ પેડલરો સાથેની લિન્કની તપાસ બાકી છે. સીમકાર્ડ હજી કબજે લેવાયો નથી. જોકે, બચાવ પક્ષે એડવોકેટ રમીઝ મસ્તાનની દલીલ હતી કે પુરતા રિમાન્ડ મેળવી લેવાયા છે એટલે હવે વધુ પુછપરછની જરૂર નથી.દલીલો બાદ કોર્ટે આદિલને કસ્ટડીમાં મોકલતો હુકમ કર્યો હતો. બીજી તરફ પોલીસ તપાસમાં બહાર આવ્યું કે, મનોજ પાટીલ મુંબઇથી ડ્રગ્સ મેળવીને સપ્લાય કરતો હતો. જેથી આરોપી પ્રવિણ અને વિરામનીને લઇ મુંબઇમાં મનોજની શોધખોળ ચાલી રહી છે.

કુલ 12 આરોપીઓની ધરપકડ

MD ડ્રગ્સની આખી ચેનલ પકડવા ક્રાઇમ બ્રાંચે સલમાન ઉર્ફે અમન ઝવેરીને પકડ્યા પછી સંકેત અસલાલીયા ત્યારબાદ સુફીયાન ઉર્ફે બાબા મેમણ, પ્રજ્ઞેશ ઠુમ્મર, મનોજ ભગત અને હવે આદિલને પકડયો છે. બીજા કેસમાં વિનય ઉર્ફે બંટી પટેલ અને મુંબઈનો રોહન ઝા પકડાયો હતો. જ્યારે આ કેસમાં મુંબઈનો ઉસ્માન શેખ, સપ્લાયર અન્ના પાંડુરંગા, પ્રવિણ મ્હાત્રે પણ પકડાઈ ચૂક્યો છે. જ્યારે મુંબઈના ડ્રગ્સ માફિયા મનોજ પાટીલને શોધવા ક્રાઈમ બ્રાંચની ટીમે મુંબઈમાં ધામા નાંખ્યા છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -