Manpa will give a loan of Rs 10,000 to the hawkers without security during the Corona crisis

રાજકોટ સહિત સૌરાષ્ટ્રમાં કોરોનાના કેસમાં સતત વધારો થઈ રહ્યો છે. ત્યારે આ કોરોના સંકટ સમયે ફેરિયાઓને મુશ્કેલી ન પડે તે માટે કોઈ પણ સિક્યુરિટી વગર રાજકોટ મનપા હવે ફેરિયાઓને 10 હજાર રૂપિયાની લોન આપશે. ફેરીયાઓ આજીવીકા માટે તેમનો વ્યવસાય શરૂ કરી શકે તે માટે હોકર્સ ઝોન તેમજ અન્ય સ્થળે ધંધાર્થીઓને લાભ આપવા માટે કોર્પોરેશને બેંક સાથે ટાઇઅપ કરી 10 હજારની વગર સિક્યુરિટીએ લોન આપવાની જાહેરાત કરી છે. પ્રતિ માસ રૂ 946નો લોન હપ્તો 12 માસમાં ભરવાનો રહેશે.

ડિજિટલ પેમેન્ટ કરવાથી લાભાર્થીને 1,200 રૂપિયા કેશબેક મળશે

શહેરી ફેરીયાઓને બેંક દ્વારા 10 હજાર રૂપિયા સુધીની વર્કિંગ કેપિટલ લોન આપવામાં આવશે. જેમા પ્રતિ માસ રૂ. 946નો લોન હપ્તો 12 માસમાં ભરવાનો રહેશે અને બેંકને કોઇ પણ પ્રકારની સિક્યુરીટી આપવાની રહેતી નથી. તેમજ સમયસર કે વહેલા લોન ભરપાય કરવાથી 7% વ્યાજ લાભાર્થીના બેંક ખાતામાં જમા કરવામાં આવશે. મુદત પહેલા લોન ભરપાય કરી શકાશે અને ડિજિટલ પેમેન્ટ કરવાથી લાભાર્થીને 1,200 રૂપિયા કેશબેક મળવા પાત્ર થશે. શહેરી ફેરિયાઓને સરકારની યોજનાઓનો ડાયરેક્ટ લાભ મળી રહે તે માટે રાજકોટ શહેરના તમામ હોકર્સ ઝોન ખાતે પ્રોજેક્ટ શાખાના સમાજ સંગઠકો તથા CLC કો-ઓર્ડીનેટરો દ્વારા સ્થળ પર જ લોન ફોર્મ ભરવા અંગેની કામગીરી હાલ ચાલુ છે. જેથી તમામ શહેરી ફેરીયાઓને આધારકાર્ડ, બેંક પાસબુક તથા શહેરી ફેરીયા આઇકાર્ડ તેમની સાથે રાખવા અપીલ કરવામાં આવે છે.

ફેરિયાઓ વ્યવસાય શરૂ કરી શકે તે માટે લોન અપાશે

કોવિડ-19થી અસરગ્રસ્ત શહેરી ફેરિયાઓની આજીવિકા માટે તેમનો વ્યવસાય શરૂ કરી શકે તે હેતુથી શહેરી ફેરીયાઓને વર્કિંગ કેપિટલ લોન આપવામાં આવે છે. વડાપ્રધાન આત્મનિર્ભર યોજના અંતર્ગત શહેરી ફેરિયાઓને માઈક્રો ક્રેડિટ ફેસિલિટી આપવા માટે 100% કેન્દ્ર સરકાર પુરસ્કૃત યોજના લાગુ કરવામાં આવી છે. આ યોજના દ્વારા રાજકોટ શહેરના તથા શહેર બહારથી ગ્રામ્ય વિસ્તારમાંથી ફેરી કરવા આવનાર અને 24 માર્ચ-2020 પહેલા ફેરીની પ્રવૃત્તિ કરતા તમામ શેરી ફેરીયાઓને આ યોજના અંતર્ગત લાભ પ્રદાન કરવામાં આવનાર છે.

આ પણ વાંચો:-  બિલ્ડરે કોરોના દર્દી માટે 19 માળની નવી બિલ્ડિંગને ક્વોરેન્ટાઈન સેન્ટર બનાવી

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.