<a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> News, News in <a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> – ન્યુઝ ફોર ગુજરાતી | ગુજરાત સમાચાર - <a href="https://news4gujarati.com/tag/news4/" class="st_tag internal_tag" rel="tag" title="Posts tagged with news4">News4</a> <a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a>

Megharaja took a break in South , the surface of Ukai Dam rose to 334.50 feet

દક્ષિણ ગુજરાતમાં છેલ્લા ઘણા દિવસોથી પડી રહેલા ભારે વરસાદે વિરામ લીધો છે. વિતેલા 24 કલાક દરમિયાન દક્ષિણ ગુજરાતમાં હળવા વરસાદી ઝાપટા પડ્યાં છે. દક્ષિણ ગુજરાતના 30 તાલુકામાં સૌથી વધુ વરસાદ નવસારીના ગણદેવીમાં 8 મીમી પડ્યો છે, જયારે મોટાભાગના તાલુકામાં વરસાદ નોંધાયો નથી. જેથી ખેડૂતોને ભારે વરસાદ દરમિયાન ઉભા પાકની થતી ચિંતામાં ઘટાડો થયો છે. બીજી તરફ ઉકાઈ ડેમમાંથી પાણી છોડવાનું ઓછું કરવામાં આવતાં ડેમની સપાટી વધીને 334.50 ફૂટ પર પહોંચી ગઈ છે.

- Advertisement -

દક્ષિણ ગુજરાતમાં સુરત જિલ્લામાં સૌથી વધુ બારડોલીમાં 04 મીમી વરસાદ નોંધાયો છે. જેને બાદ કરતાં માંડવી, માંગરોળ, પલસાણા અને ઉમરપાડા જિલ્લામાં વરસાદ નોંધાયો નથી. નવસારીના જલાલપોરમાં 7મીમી અને ગણદેવીમાં 8મીમી વરસાદ નોંધાયો છે. જ્યારે ચીખલી, વાંસદા અને ખેરગામમાં વરસાદ પડ્યો નથી. વલસાડ જિલ્લાના વલસાડ તાલુકામાં 4 મીમી જ્યારે ઉમરગામ, કપરાડા, પારડી અને વાપીમાં વરસાદ પડ્યો નથી. તાપીના વ્યારા અને વાલોડમાં 2મીમી જ્યારે ઉચ્છલ,કુકરમુંડા અને ડોલવણ તથા નિઝરમાં વરસાદ પડ્યો નથી. ડાંગના સાપુતારામાં 2 મીમી જ્યારે અન્ય તાલુકા વઘઈ, આહવા અને સુબીરમાં વરસાદ નોંધાયો નથી.

ઉકાઈ ડેમમાં ઉપરવાસમાં વરસાદનું પ્રમાણ ઘટ્યું છે. વરસાદનું પ્રમાણ ઘટતા ડેમમાં પાણીની આવક 32,299 ક્યુસેકની છે. જેની સામે હાઈડ્રો મારફતે કેનાલમાં 17,879 ક્યુસેક પાણી છોડવામાં આવી રહ્યું છે. ડેમની સપાટી વધીને 334.50 ફૂટ પર પહોંચી ગઈ છે. ડેમનું રૂલ લેવલ 335.00 ફૂટ છે. હાલ ડેમની સપાટી રૂલ લેવલથી 0.50ફૂટ દૂર છે.

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

આ પણ વાંચો:-  થલતેજમાં 12 વર્ષના બાળક સાથે ટ્યુશન ક્લાસના સંચાલકે સૃષ્ટિ વિરુદ્ધનું કૃત્ય કર્યું

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -

LEAVE A REPLY

Please enter your comment!
Please enter your name here