MLAની પત્નીએ જાડેજા પર વરસાવ્યો પ્રેમ, જીત બાદ મેદાનમાં હર્ષના આંસુ
ચેન્નાઈ સુપર કિંગ્સે ગુજરાત ટાઇટન્સને 5 વિકેટે હરાવીને IPL 2023ની ફાઇનલમાં જીત મેળવી હતી. તમને જણાવી દઈએ કે IPL 2023ની ફાઈનલ ત્રણ દિવસ સુધી લંબાઈ હતી અને તે જ સમયે મેચ છેલ્લા બોલ સુધી રોમાંચક રહી હતી. ચેન્નાઈ સુપર કિંગ્સ તરફથી રમી રહેલા રવિન્દ્ર જાડેજાને છેલ્લા બે બોલમાં 10 રન બનાવવા પડ્યા હતા.
ગુજરાત ટાઇટન્સ માટે ફાઇનલ મેચમાં સારી બોલિંગ કરનાર મોહિત શર્મા આક્રમણ પર હતો. જ્યારે ઓવર શરૂ થઈ ત્યારે ચેન્નાઈને જીતવા માટે 14 રનની જરૂર હતી, પ્રથમ ચાર બોલમાં માત્ર ત્રણ રન જ બન્યા હતા. છેલ્લા બે બોલમાં 10 રન અસંભવ નહોતા. સર જાડેજાએ માત્ર 10 રન જ નહીં પરંતુ મેદાન પર હાજર ચેન્નાઈના હજારો ચાહકોના દિલને તૂટતા બચાવ્યા.
જાડેજાની આ મેચ વિનિંગ ઇનિંગ્સ બાદ CSKના ફેન્સ અને ખેલાડીઓ ડાન્સ કરતા જોવા મળ્યા હતા. વિજય બાદ જાડેજાની પત્ની રીવાબાએ જાડેજાના ચરણ સ્પર્શ કર્યા અને પછી જાડેજાને ગળે લગાવ્યા. જણાવી દઈએ કે ગયા વર્ષે ગુજરાત વિધાનસભાની ચૂંટણીમાં જામનગરથી ભાજપની ટિકિટ પર ચૂંટણી જીતનાર રીવાબા હવે રાજકીય વ્યક્તિ છે.