Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

‘My husband is not at home ..’ the wife would call the men, and then.

રાજકોટ પોલીસે હનીટ્રેપમાં ફસાવીને યુવાન પાસેથી રૂપિયા ખંખેરતી ટોળકીની એક યુવતી, બે GRD જવાન સહિત પાંચ શખ્સોની ધરપકડ કરી છે. યુવતીનો પતિ સ્પા ચલાવતો હોવાથી તેના કોન્ટેક્ટ ડેટાબેઝનો ઉપયોગ કરી GRD જવાન મદદથી પોલીસ ઓળખ આપી રૂપિયા ખંખેરતા હોવાનું પોલીસ તપાસમાં સામે આવ્યું છે.

- Advertisement -

રાજકોટ પોલીસે આશિષ મારડીયા, અલ્પા મારડીયા, જય પરમાર, શુભમ શીશાંગીયા અને રિતેશ ફેકર નામના શખ્સોની ધરકડ કરવામાં આવી છે. સમગ્ર મામલા પર નજર કરીએ તો આરોપી આશિષ મારડીયા સ્પા ચલાવતો હતો, જેથી તેની પાસે ખૂબ મોટો કોન્ટેક્ટ ડેટા બેઝ હતો. જેનો ઉપયોગ કરી તે તેની પત્ની પાસેથી ફોન કરાવી હનીટ્રેપ કરાવતો હતો. થોડા દિવસ પૂર્વે આરોપી અલ્પા મારડીયાએ મોરબીના શખ્સને ઘરે તેનો પતિ નથી કહી તેવુ બોલાવ્યો હતો. બાદમાં પાછળથી યુવતીનો પતિ આશિષ અને બે GRD જવાન પહોંચી ગયા હતા અને પોલીસની ઓળખ આપી તેની પાસેથી રૂપિયા 21500 પડાવી લીધા હતા અને બાદમાં રૂપિયા 2 લાખની માંગણી કરવામાં આવી હતી. જેની ફરિયાદની આધારે પોલીસે અલગ અલગ ટીમ બનાવી આરોપીઓની ધરપકડ કરી કાર્યવાહી હાથ ધરી છે.

કેવી રીતે કરતા હનીટ્રેપ?

પોલીસનાં કહેવા પ્રમાણે, આરોપી આશિષ મારડીયા સ્પા ચલાવતો હોવાથી તેની પાસે કોન્ટેક્ટ ડેટા બેઝ હોય જેનો ઉપયોગ કરી તેની પત્નિ પાસે પુરુષોને ફોન કરી ઘરે કોઈ નથી કહી અંગત પળ માણવા બોલાવતા હતા. જેમાં પુરુષ ઘરમાં પ્રવેશ કરે સાથે જ પાછળથી તેનો પતિ આશિષ અને તાલુકા પોલીસમાં ફરજ બજાવતા બે GRD જવાન પહોંચી જતા હતા અને તેઓ પોલીસની ઓળખ આપી રૂપિયાની માંગણી કરતા હતા. આ ટોળકી દ્વારા વધુ લોકો સાથે હનીટ્રેપ કરી હોવાની શંકાના આધારે તપાસ હાથ ધરી છે.

આ પણ વાંચો:-  ગુજરાત યુનિવર્સિટીનો મહત્વપૂર્ણ નિર્ણય, મેડિકલના બીજા અને ચોથા વર્ષના વિદ્યાર્થીઓને હવે થશે ફાયદો

યુવાનોને અંગતપળ માણવા ઘરે બોલાવી બાદમાં તેની પાસેથી રૂપિયા પડાવી ફસાવીને હનીટ્રેપનો શિકાર કરતી ટોળકીને પોલીસે જેલનાં સળિયા ગણતી કરી દીધી છે. જોકે મહત્વનું છે કે, રાજકોટ શહેરમાં અવાર નવાર આ પ્રકારનાં ગુનાઓ સામે આવી રહ્યા છે. ઉલ્લેખનીય છે કે, આ ટોળકીમાં પોલીસે 2 GRD જવાનની પણ ધરપકડ કરી છે, જે પોતે પોલીસની ઓળખ આપતા હતા. ત્યારે પોલીસ આરોપીઓ પાસેથી કેટલા ગુનાઓની કબૂલાત કરાવી શકે છે તે જોવું રહ્યું.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -