નવસારી સમાચાર : નવસારી જિલ્લાના ચીખલી પોલીસ સ્ટેશનમાં ફરજ પરના હેડ કોન્સ્ટેબલે આપઘાત કરી લેતા ખળભળાટ મચી ગયો છે. પોલીસ ક્વાર્ટરમાં એક પોલીસકર્મીએ ગળેફાંસો ખાઈને આત્મહત્યા કરી લીધી છે. આ સાથે જ તેઓ છેલ્લા કેટલાક દિવસોથી બીમાર રહેતા હતા અને બીમારીના કારણે તેમણે આ પગલું ભર્યું હોવાની પ્રાથમિક માહિતી સામે આવી છે.
પ્રાપ્ત માહિતી અનુસાર નવસારી જિલ્લાના ચીખલી પોલીસ સ્ટેશનમાં પીએસઓ અને બીટ જમાદારની પોસ્ટ પર ફરજ બજાવતા સંજય પટેલે પોલીસ કવાર્ટરમાં ગળેફાંસો ખાઈ લીધો હતો. તેના આપઘાતથી પોલીસ સ્ટેશનમાં ખળભળાટ મચી ગયો છે. પ્રાથમિક માહિતી મુજબ તે છેલ્લા કેટલાક દિવસોથી બીમાર હતો અને બીમારીથી કંટાળીને તેણે આ પગલું ભર્યું હતું.
મૃતક પોલીસકર્મી સુરત જિલ્લા નજીક મહુવાનો રહેવાસી હતો. એકાએક પોલીસકર્મીએ આત્મહત્યા કરી લેતા પરિવારમાં પણ શોકની લાગણી ફેલાઈ ગઈ હતી. આ સમગ્ર મામલે ચીખલી પોલીસે તેની લાશને પીએમ અર્થે રાખી અકસ્માત મોતનો ગુનો નોંધી તપાસ હાથ ધરી છે.