<a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ગુજરાત સમાચાર | દિવ્ય ભાસ્કર - Divya Bhaskar

NSUI’s bell ringing with demand for a fee waiver for one session of school-colleges in Vadodara

સ્કૂલ-કોલેજોની એક સત્રની ફી માફ કરવાની માંગ સાથે વિદ્યાર્થી સંગઠન NSUI દ્વારા કલેક્ટર કચેરી ખાતે ઘંટનાદ કરીને સરકારને જગાડવાનો કાર્યક્રમ કરવામાં આવ્યો હતો. NSUIના અગ્રણીઓએ જણાવ્યું હતું કે, કોરોનાની મહામારીના કારણે લોકોની આર્થિક સ્થિતિ ખરાબ થઇ ગઇ છે. શાળાઓ પણ બંધ છે, ત્યારે સરકાર દ્વારા શાળા-કોલેજોની એક સત્રની ફી માફ કરવામાં આવે તેવી અમારી માંગણી છે.

- Advertisement -

ફી માફી મુદ્દે વિવિધ સંગઠનોની અલગ-અલગ માંગણીઓ છે

વાલી મંડળ તેમજ વિવિધ સંગઠનોની લાંબી લડત બાદ અને હાઇકોર્ટના દિશા સૂચન બાદ રાજ્ય સરકાર દ્વારા શાળા-કોલેજોમાં 25 ટકા ફી માફ કરવાની જાહેરાત કરવામાં આવી હતી. જોકે, સરકાર દ્વારા કરવામાં આવેલા 25 ટકા ફી માફીના નિર્ણયને વાલી મંડળ દ્વારા ફગાવી દેવામાં આવ્યો છે. વાલી મંડળ અને વિવિધ સંગઠનો દ્વારા સરકાર પાસે ફી અંગે અલગ-અલગ માંગણીઓ કરવામાં આવી રહી છે. વાલી મંડળ દ્વારા 50 ટકા અને 75 ટકા ફી માફીની માંગણી કરવામાં આવી રહી છે, જ્યારે વિદ્યાર્થી સંગઠનો દ્વારા એક સત્રની ફી માફ કરવાની માંગણી સાથે આંદોલન કરવામાં આવી રહ્યું છે.

થાળી વગાડી સરકારને જગાડવાનો પ્રયાસ કર્યો

આજે વડોદરા ખાતે વિદ્યાર્થી સંગઠન NSUI દ્વારા કલેક્ટર કચેરી ખાતે શાળા-કોલેજોની એક સત્રની ફી માફ કરવાની માંગણી સાથે થાળી વગાડી સરકારને જગાડવાનો પ્રયાસ કરવામાં આવ્યો હતો. આ કાર્યક્રમમાં મોટી સંખ્યામાં NSUIના કાર્યકરો જોડાયા હતા. અને થાળીઓ વગાડી નિંદ્રાધિન સરકારને જગાડવાનો પ્રયાસ કર્યો હતો. મોટી સંખ્યામાં કાર્યકરો બેનર્સ અને પોસ્ટર્સ સાથે ઘંટનાદના કાર્યક્રમમાં જોડાયા હતા અને શાળા-કોલેજોની એક સત્રની ફી માફ કરવાની માંગણી કરી હતી.

આ પણ વાંચો:-  વડોદરા : પાલિકાની સભામાં પ્રિમોન્સૂન કામગીરી ભૂલાઈ, કોરોના કોના કારણે ફેલાયો તેની ચર્ચા કરતા રહ્યાં નેતા

NSUI પ્રમુખ વ્રજ પટેલે જણાવ્યું હતું કે, કોરોનાની મહામારીમાં લોકોની આર્થિક સ્થિતિ ખરાબ થઇ ગઇ છે. કોરોનાના કારણે શાળા-કોલેજો પણ બંધ રહી છે. ત્યારે સરકાર દ્વારા એક સત્રની ફી માફ કરવા અમારી માંગણી છે. NSUI દ્વારા અગાઉ વિવિધ કાર્યક્રમો સાથે ફી બાબતે આંદોલન કરવામાં આવ્યા છે. આજે કલેક્ટર કચેરી ખાતે ઘંટનાદ કરવામાં આવ્યો છે. આજના કાર્યક્રમ પછી પણ સરકાર દ્વારા અમારી માંગણી સ્વીકારવામાં નહીં આવે તો આગામી દિવસોમાં ઉગ્ર આંદોલન કરવામાં આવશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.