OTP mandatory for home delivery of cooking gas from 1st

1 નવેમ્બરથી રાંધણગેસના સિલિન્ડરની હોમ ડિલિવરીમાં ફેરફાર થવા જઈ રહ્યા છે. જેમાં ગેસ ડિલિવરી માટે વન ટાઈમ પાસવર્ડ (ઓટીપી) ફરજિયાત બની જશે. આ વ્યવસ્થાનો મૂળ ઉદ્દેશ્ય ગ્રાહકો સુધી સિલિન્ડર પહોંચે છે તે નિશ્ચિત કરવાનો છે. જોકે આ વ્યવસ્થા અમલમાં આવ્યા બાદ શરૂઆતમાં લોકોને પરેશાની ભોગવવો પડે તેવી સંભાવના એજન્સી તથા લોકો તરફથી લગાવાઈ રહી છે.ગેસ એજન્સીઓના મતે આ સિસ્ટમમાં સૌથી મોટી સમસ્યાં ઓથેંટિકેશન કોડની છે. જેમાં બુકિંગ બાદ મોબાઈલ પર કોડ ન આવતાં લોકોને ફરી એજન્સી પાસેથી આ કોડ મગાવવો પડશે. નવી સિસ્ટમમાં જો નંબર અપડેટ નહીં કરાવ્યો હોય તો કોડ આવશે નહીં, જેથી નંબર પણ અપડેટ કરાવવો પડશે. આ ઉપરાંત એકલા રહેતા વૃદ્ધોને તકલીફ પડી શકે છે. એજન્સીના સંચાલકોનું માનવું છે કે, શરૂઆતમાં ડિલિવરી બોય તેમજ ઉપભોક્તા વચ્ચે ઓટીપીના કારણે સંઘર્ષ પણ થઈ શકે છે.

આ ઓટીપી સિસ્ટમ આમ તો શરૂ કરી દેવાઈ છે, જેમાં બુકિંગ કરતાં જ ગ્રાહકના મોબાઈલ પર કોડ આવી રહ્યો છે, પરંતુ હાલ આ વ્યવસ્થા અમલમાં ન હોવાથી ડિલિવરી બોય ઓટીપી નંબર માગી રહ્યા નથી. બીજી તરફ આ સિસ્ટમ હેઠળ જો ગ્રાહકનું એડ્રેસ કે મોબાઈલ નંબર ખોટો હશે તો તેમને ડિલિવરી મળી શકશે નહીં. જ્યારે જે ઘરેલું સિલિન્ડરને બ્લેક માર્કેટમાં વેચવા તેમજ હોટલ રેસ્ટોરાંમાં ઘરેલું ગેસનો ઉપયોગ કરાતો હતો તેના પર રોક લાગશે, તેમ આઈઓસીએલના અધિકારીઓએ જણાવ્યું હતું. વડોદરામાં પણ ઓટીપી સિસ્ટમ 1 નવેમ્બરથી લાગુ પડવાની છે. આ સિસ્ટમને ડિલિવરી ઓથેંટિકેશન કોડ નામ અપાયું છે, જેમાં ગ્રાહક સિલિન્ડરનું બુકિંગ કરાવશે એટલે તેના રજિસ્ટર્ડ મોબાઈલ પર કોડ મોકલાશે. ગ્રાહક કોડ ડિલિવરી બોયને નહીં દેખાડે ત્યાં સુધી ડિલિવરી નહીં અપાય.

આ પણ વાંચો:-  અમદાવાદમાં આજથી કેમ્પ હનુમાન મંદિર દર્શનાર્થીઓ માટે ખુલ્લુ મુકાયું

આઈઓસીએલના અધિકારીઓના જણાવ્યા અનુસાર, રાજસ્થાનના જયપુર અને તમિલનાડુના કોયેમ્બતુરમાં ડિલિવરી ઓથેંટિકેશન કોડ સિસ્ટમ પાઇલટ પ્રોજેક્ટ કરાયો હતો. જે બંને શહેરોમાં મળેલા ફીડબેકના આધારે આ યોજના 1 નવેમ્બરથી દેશનાં 100 સ્માર્ટ સિટીમાં શરૂ કરાશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.