<a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> News, News in <a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> – ગુજરાત સમાચાર | દિવ્ય ભાસ્કર - Divya Bhaskar

Outrage among Vadodara lawyers over giving power of affidavit to Talatis in the state

રાજ્ય સરકારે તલાટીને એફિડેવિટ કરવાની સત્તા આપતા વકીલોમાં રોષ ફેલાયો છે. જેને પગલે વડોદરા વકીલ મંડળની કારોબારીની બેઠક બોલાવીને રાજ્ય સરકારને પરિપત્ર રદ કરવાનું જણાવવાનો ઠરાવ કરાયો હતો. જો પરિપત્ર રદ્દ ન કરાય તો હાઇકોર્ટમાં PIL દાખલ કરવા નિર્ણય લેવાયો હતો. દરમિયાન આજે વકીલોએ ભારે સૂત્રોચ્ચાર સાથે પરિપત્રની હોળી કરીને રાજ્ય સરકાર સામે આક્રોશ દર્શાવ્યો હતો અને સરકાર જો વહેલી તકે આ પ્રશ્નોનો ઉકેલ નહીં આવે તો આંદોલન ઉગ્ર બનશે તેવી ચીમકી ઉચ્ચારવામાં આવી છે. આ દરમિયાન રિતેશ ઠક્કર, ઘનશ્યામ પટેલ, નેહલ સુતરીયા સહિત મોટી સંખ્યામાં વકીલો જોડાયા હતા.

- Advertisement -

તલાટીને એફિડેવિટની સત્તા આપવાના કારણે ભ્રષ્ટાચાર વધશે

વડોદરા વકીલ મંડળના પ્રમુખ હસમુખ ભટ્ટે જણાવ્યું હતું કે. રાજ્ય સરકારને કેન્દ્રના કાયદામાં સુધારો કરવાની કોઇ સત્તા નથી, તો તલાટી મંત્રીને એફિડેવિટની સત્તા આપતો પરિપત્ર કરી શકાય નહીં. માર્ચ મહિનાથી કોર્ટ બંધ છે અને વકીલો અનેક કટોકટીનો સામનો કરી રહ્યાં છે, ત્યારે રાજ્ય સરકારે આ પરિપત્ર દ્વારા વકીલો અને નોટરીની આજીવિકા પર તરાપ મારી છે. સરકાર રોજગારી આપવાને બદલે છીનવી રહી છે. તલાટીઓ પાસે પેઢી નામુ કરવાનું હોય કે અન્ય કોઇ દસ્તાવેજ કરવાના હોય તેમાં જબરદસ્ત ભ્રષ્ટાચાર ચાલે છે, રાજ્યના મુખ્યમંત્રીએ પણ સ્વીકાર્યું છે કે રેવન્યૂ ડિપાર્ટમેન્ટ અને પોલીસ ડિપાર્ટમેન્ટ સૌથી વધારે ભ્રષ્ટાચારી છે. એફિડેવિટની સત્તા આપવામાં આવી છે, તેનાથી ભ્રષ્ટાચાર વધશે. આજે અમે તમામ વકીલો કોર્ટ પર એકત્ર થઇને પરિપત્રની હોળી કરી રાજ્ય સરકાર સામે બાયો ચડાવી છે. કાયદા વિરૂદ્ધનો પરિપત્ર રદ્દ નહીં કરાય તો હાઇકોર્ટમાં PIL કરાશે.

આ પણ વાંચો:-  કેન્દ્રીય મંત્રી રવિશંકર પ્રસાદ થયા સેલ્ફ આઈસોલેટ, શનિવારે અમિત શાહ સાથે કરી હતી મુલાકાત

એફિડેવિટની સત્તા વકીલોને અપાતા વકીલોમાં રોષ

ઉલ્લેખનિય છે કે, રાજ્યમાં એફિડેવિટ, દાખલા અને સર્ટિફિકેટ જેવી વિવિધ 22 જેટલી સેવાઓ આગામી 8 ઓક્ટોબરથી શરૂ કરવાનો રાજ્ય સરકારે નિર્ણય કર્યો છે. પ્રાથમિક તબક્કે ડિજિટલ સેવાસેતુમાં આવરી લઇ બે હજાર ગ્રામ પંચાયતમાં આ સેવાઓ શરૂ થશે. ગ્રામ પંચાયતના સેવા કેન્દ્ર-ગ્રામ પંચાયત કચેરીએથી જ હવે, રેશનકાર્ડની સેવાઓમાં નામ દાખલ કરવું, નામ કઢાવવું કે સુધારો કરવો અથવા ડુપ્લિકેટ રેશનકાર્ડ મેળવવું જેવી સેવાઓ, આવકનો દાખલો, સિનિયર સિટિઝનનો દાખલો, ક્રિમીલીયર સિર્ટિફિકેટ, જાતિના પ્રમાણપત્રો જેવી સેવાઓ ડિજિટલ સેવા સેતુ માધ્યમથી માત્ર 20 રૂપિયાની નજીવી ફીથી મળશે. Oaths Act 1969ની કલમ-3ની જોગવાઇઓ મુજબ કરવાના સોગંદનામા એફિડેવિટ કરવા માટે ગ્રામ્યકક્ષાએ ગ્રામ પંચાયત તલાટી કમ મંત્રીને સત્તાઓ આપવામાં આવશે. જેને લઇને વકીલોએ આજથી વિરોધ શરૂ કર્યો છે અને વકીલોમાં ભારે રોષ જોવા મળી રહ્યો છે.

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -