Oil companies started raising petrol-diesel prices once again after lockdown

તેલ કંપનીઓએ 83 દિવસ બાદ ફરી એકવખત પેટ્રોલ-ડીઝલના ભાવમાં વધારો કરવાનું શરૂ કરી દીધું છે. રવિવારે સાંજે પેટ્રોલ-ડીઝલની કિંમતમાં વધારો ઝીંકવામાં આવ્યો હતો. પેટ્રોલની કિંમતમાં 57 પૈસાનો વધારો કરવામાં આવ્યો હતો. ગત શનિવારે અમદાવાદમાં પેટ્રોલની જે કિંમત 67.28 રૂપિયા હતી એ રવિવારે વધીને 67.85 રૂપિયા થઈ ગઈ હતી. જ્યારે અમદાવાદમાં ડીઝલના ભાવ 56 પૈસાના વધારા સાથે 68.3 રૂપિયા પ્રતિ લીટર પર પહોંચી ગયા છે. દિલ્હીમાં પેટ્રોલ અને ડીઝલના ભાવમાં 60 પૈસાનો વધારો કરાયો હતો. આ વધારો લાગુ થતા રવિવારે પેટ્રોલની નવી કિંમત 71.86 અને ડીઝલ 69.99 રૂપિયા નોંધાઈ હતી.

- Advertisement -

તેલ કંપનીના એક ઉચ્ચ અધિકારીના જણાવ્યા અનુસાર, સમગ્ર દેશમાં પેટ્રોલ-ડીઝલનું પ્રાઈઝ રીવિઝન શરૂ કરવામાં આવ્યું છે

તેલ કંપનીના એક ઉચ્ચ અધિકારીના જણાવ્યા અનુસાર, સમગ્ર દેશમાં પેટ્રોલ-ડીઝલનું પ્રાઈઝ રીવિઝન શરૂ કરવામાં આવ્યું છે. જે તા. 16 માર્ચથી બંધ હતું. એટલે કે હવે દરરોજ પેટ્રોલ-ડીઝલની કિંમત બદલાશે. આંતરરાષ્ટ્રીય માર્કેટમાં તેલના ભાવ ગગડ્યા હતા. પણ કેન્દ્ર સરકારે પેટ્રોલ-ડીઝલ પરની એક્સાઈઝ ડ્યૂટીમાં 3 રૂપિયા વધારો કરી દેતા કિંમત વધી હતી. તા. 6 જૂને કેન્દ્ર સરકારે પેટ્રોલ પર રૂ. 10 અને ડીઝલ પર રૂ. 13 એક્સાઈઝ ડ્યૂટી વધારી દીધી હતી. રવિવારે મુંબઈ અને કોલકાતામાં પેટ્રોલમાં 59 પૈસા વધ્યા, એટલે મુંબઈમાં પેટ્રોલનો નવો ભાવ 78.91 રૂ. નક્કી થયો છે. જ્યારે કોલકાતામાં 73.89 રૂ. નક્કી થયો છે. જ્યારે ચેન્નઈમાં 53 પૈસાનો વધારો થતા 76.07 રૂપિયા ભાવ સામે આવ્યો છે.

હવેથી દરરોજ દેશના જુદા-જુદા શહેરમાં પેટ્રોલ-ડીઝલની કિંમતમાં વધ-ઘટ જોવા મળશે

હવેથી દરરોજ દેશના જુદા-જુદા શહેરમાં પેટ્રોલ-ડીઝલની કિંમતમાં વધ-ઘટ જોવા મળશે. તા. 16 માર્ચ પહેલા તેલની કિંમતમાં એક સ્થિરતા જોવા મળી હતી. રવિવારે ચેન્નઈમાં ડીઝલની કિંમત વધારા બાદ 69.25 રૂ. નક્કી થઈ હતી. જ્યારે જયપુરમાં પેટ્રોલ 79.10 રૂ. અને ડીઝલ 71.54 રૂ. પ્રતિ લીટર વેચાતું થયું હતું. જોકે, લોકડાઉનને કારણે કોઈ પ્રકારનો વાહન વ્યવહાર થયો ન હતો. જ્યારે હવે પરિવહનને મંજૂરી આપી દેવાતા ફરી ભાવ વધારો લાગુ કરી દેવાયો છે. જેના કારણે લોકડાઉન બાદ ફરી પરિવહન મોંઘું થવાના એંધાણ છે. ખાસ કરીને બીજા રાજ્ય સુધી જતા લાંબા અંતરના વાહનો માટે હવે વધુ ભાડું કે પાર્સલ ચાર્જ ચુકવવો પડી શકે છે. વહેલી સવારે છ વાગ્યાથી પેટ્રોલ-ડીઝલના નવા ભાવ અપડેટ થાય છે. 

આ પણ વાંચો:-  કોંગ્રેસમાંથી 24 કલાકમાં ત્રીજા MLAએ રાજીનામું આપ્યું.

પેટ્રોલના ભાવ (Petrol Rate)

શહેરનું નામ 8 જૂનના ભાવ7 જૂનના ભાવકુલ વધારો (પ્રતિ લીટર)
દિલ્હી72.46 71.86 60 પૈસા
મુંબઈ72.46 78.91 58 પૈસા
ચેન્નઈ76.676.07 53 પૈસા
કોલકાતા74.4673.89 57 પૈસા

ડીઝલના ભાવ (Diesel Rate)

શહેરનું નામ 8 જૂનના ભાવ7 જૂનના ભાવકુલ વધારો (પ્રતિ લીટર)
દિલ્હી70.59 69.99 60 પૈસા
મુંબઈ69.37 68.79 58 પૈસા
ચેન્નઈ69.25 68.74 51 પૈસા
કોલકાતા66.71 66.17 54  પૈસા

લેટેસ્ટ ન્યૂઝથી અપડેટ રહેવા માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.