Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

Political turmoil in Bihar expelled JDU leader Shyam Rajak joins RJD

બિહાર (Bihar) ના રાજકારણમાં મહાદલિત વોટબેંક વચ્ચે મોટો ચહેરો ગણાતા શ્યામ રજક (Shyam Rajak) સોમવારે રાષ્ટ્રીય જનતા દળમાં સામેલ થઈ ગયાં. તેઓ 11 વર્ષ બાદ આરજેડીમાં આવ્યાં છે. તેજસ્વી યાદવે તેમને આરજેડીની સદસ્યતા અપાવી. નીતિશકુમારની સરકારમાં મંત્રી રહી ચૂકેલા શ્યામ રજકને રવિવારે જેડીયુમાંથી હટાવી દેવાયા હતાં. ત્યારબાદથી અટકળો તેજ હતી કે શ્યામ રજક સોમવારે આરજેડીમાં સામેલ થશે. આ અગાઉ શ્યામ રજકે સોમવારે જ પોતાની વિધાનસભા સદસ્યતા છોડી હતી. 

મંત્રી પદેથી હટાવાયા બાદ શ્યામ રજકની સુરક્ષા પણ હટાવવામાં આવી. આ સાથે જ શ્યામ રજકે પોતે જ કહ્યું કે તેઓ જલદી સરકારી બંગલો છોડશે. આ અવસરે શ્યામ રજકે કહ્યું કે સૌથી પહેલા હું તેજસ્વી યાદવનો આભાર વ્યક્ત કરું છું. હું આજે મારા ઘરમાં વાપસી કરીને ભાવુક થઈ રહ્યો છું. અમે સામાજિક ન્યાયની લડાઈ માટે રાજકારણમાં આવ્યાં હતાં. અહીંથી ગયા બાદ તે બદલાઈ રહી હતી. મે દર વખતે કોશિશ કરી કે સામાજિક ન્યાયની લડાઈને ચાલુ રાખવામાં આવે. અમારા નેતા લાલુપ્રસાદ યાદવે જ અમને જણાવ્યું હતું કે સામાજિક ન્યાયની લડાઈ લડતા રહેવાનું છે. કારણ કે આ દેશમાં જે ગરીબ છે, પછાત છે, સવર્ણમાં પણ જે ગરીબ છે તેઓ આજે પોતાની જાતને લાચાર સમજી રહ્યાં છે. તેમની સ્થિતિ ખુબ ખરાબ છે. આજે પ્રકારે અપરાધ વધ્યા છે, તે ચિંતાજનક છે. કહલગામમાં દલિત સાથે 4 લોકોએ રેપ કર્યો પરંતુ તેના પર કોઈ કાર્યવાહી સુદ્ધા થઈ નથી. 

શ્યામ રજકે કહ્યું કે મે જ્યારે સરકારમાં રહેતા દલિતો માટે વિધાનસભાનો ઘેરાવ કર્યો તો બધાને ખટકવા લાગ્યું હતું. મને પહેલીવાર લાલુ યાદવ અને રાબડીએ મંત્રી બનાવ્યો. 

આ પણ વાંચો:-  નરેશ કનોડિયા પોઝિટિવ આવ્યા બાદ દયનીય સ્થિતિમાં

જેડીયુના બંધારણની કલમ 19 હેઠળ નક્કી છે કે કોઈ નેતા પર કયા આધારે કાર્યવાહી કરી શકાય છે, કેવી રીતે કાઢી મૂકી શકાય છે. નીતિશકુમાર જ્યારે જેડીયુ અધ્યક્ષના ઉમેદવાર હતાં તો હું તેમનો પ્રસ્તાવક હતો. હું રાષ્ટ્રીય પરિષદનો સભ્ય છું. તો પણ મને કાઢી મૂક્યો. તેનાથી સ્પષ્ટ છે કે જેડીયુ પોતાના બંધારણની જ રક્ષા કરી શકતી નથી. તેનાથી શું આશા રાખી શકો. જે દલિત છે, મુસ્લિમ છે, તેમનું ઉત્પીડન થઈ રહ્યું છે. તેજસ્વી યાદવમાં યુવાઓ આસ્થા રાખી રહ્યાં છે. 

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -