In Noida, a man sold pornographic videos and photos of his ex-girlfriend to about 300 porn sites.

નોઇડા માં એક વ્યક્તિએ પોતાની પૂર્વ પ્રેમિકાનો અશ્લીલ વીડિયો અને ફોટા લગભગ 300 પોર્ન સાઈટોને વેચી દીધા. આ ઉપરાંત, આરોપીએ 1 હજાર પોર્ન સાઈટ પર વીડિઓ અને ફોટો અપલોડ કરી દીધા. આરોપીએ Paytm દ્વારા પોર્ન સાઈટ્સ પાસેથી પૈસા લીધા હતા. નોયડા ફેઝ ત્રણ પોલીસ સ્ટેશનની પોલીસે પશ્વિમ બંગાળના દક્ષિણ 24 પરગણા જિલ્લાના બરુઈપૂર સ્થિત એક ઘરમાંથી આરોપીની ધરપકડ કરી લીધી છે. નોઇડા ફેઝ ત્રણ પોલીસ સ્ટેશન વિસ્તારની સોસાયટીની રહેવાસી મહિલાએ પોલીસ સ્ટેશનમાં ફરિયાદ કરી હતી કે, એક વ્યક્તિ દ્વારા તેનો અશ્લીલ વીડિયો અને ફોટા પોર્ન સાઈટ પર અપલોડ કરવામાં આવી રહ્યા છે. જ્યારે મહિલાને તેના મિત્રોએ પોર્ન વીડિયોની લિંક મોકલી તો તેને આ ઘટનાની ખબર પડી. ત્યારબાદ મહિલાએ ફેઝ ત્રણ પોલીસ સ્ટેશમાં ફરિયાદ નોંધાવી હતી. પોલીસે અજાણ્યા વ્યક્તિ વિરુદ્વ IT એક્ટ હેઠળ ગુનો નોંધીને તપાસ શરૂ કરી દીધી છે.

પોલીસે આરોપીને પશ્વિમ બંગાળ સ્થિત તેના ઘરેથી ધરપકડ કરી

તપાસ કરતાં જાણવા મળ્યું કે આરોપી, ફરિયાદકર્તાનો પૂર્વ પ્રેમી છે. તેણે જ વીડિયો અને ફોટા પોર્ન સાઈટ પર અપલોડ કર્યા છે. પછી પોલીસે આરોપીને પશ્વિમ બંગાળ સ્થિત તેના ઘરેથી ધરપકડ કરી હતી. આરોપી તેના માતા-પિતા સાથે રહે છે. પોલીસે આરોપી પાસેથી તેનો મોબાઈલ જપ્ત કર્યો છે. આ મોબાઈલમાં પીડિતાનો અશ્લીલ વીડિયો અને ફોટા છે. DCP મહિલા સુરક્ષા વૃંદા શુક્લાએ જણાવ્યું હતું કે, ‘આરોપીની બાબતે જાણકારી મળ્યા બાદ પોલીસ 1 જૂને પશ્વિમ બંગાળ પહોંચી ગઈ હતી. ત્યારબાદ 7 દિવસ સુધી આરોપીના લોકેશનને ટ્રેસ કરવામાં આવ્યું. જ્યારે આરોપી પોતાના ઘરે પહોંચ્યો તો પોલીસે તેને ઝડપી લીધો. પોલીસ આરોપીને 7 જૂને નોયડા લઈને પહોંચી હતી.

આ પણ વાંચો:-  1 જૂનથી સુરતના 61 ટેક્સટાઈલ માર્કેટને ખોલવાની પરમિશન અપાઈ

આરોપી ખાનગી કંપનીમાં રિજનલ ટ્રેનરના પદ પર કાર્યરત છે

પોલીસ તપાસ દરમિયાન સામે આવ્યું કે, આરોપી ખાનગી કંપનીમાં રિજનલ ટ્રેનરના પદ પર કાર્યરત છે. 4 વર્ષ પહેલા તેના સંબંધ પીડિતા સાથે હતા. ત્યારે જ આરોપીએ મહિલા સાથે શારીરિક સંબંધ બાંધીને અશ્લીલ વીડિયો બનાવ્યો હતો. એ દરમિયાન આરોપીએ ઘણી જગ્યાએ મહિલાના અશ્લીલ ફોટા શેર કર્યા હતા. તેના પર મહિલાએ આરોપી વિરુદ્વ પશ્વિમ બંગાળની પોલીસને જાણકારી આપી હતી. જોકે પછીથી સમાધાન થઈ ગયું હતું. આરોપીના છૂટાછેડા થયેલા છે, પરંતુ 4 વર્ષ પહેલા પીડિતાને લગ્નની બાબતે કશી જ જાણ કરી નહોતી.

આરોપીએ મહિલાને અશ્લીલ વીડિયો શેર કરવાની ધમકી આપીને બ્લેકમેલ કરી

DCPએ જણાવ્યું કે, પહેલા તો આરોપીએ મહિલાને અશ્લીલ વીડિયો શેર કરવાની ધમકી આપીને બ્લેકમેલ કરી. આરોપી વીડિયોકોલના માધ્યમથી મહિલાનું યૌન શોષણ કરતો હતો. જ્યારે પીડિતાએ આરોપીની સાથે વાત કરવાની બંધ કરી દીધી તો તેણે વીડિયો અને ફોટા પોર્ન સાઈટ પર અપલોડ કરી દીધા. આ દરમિયાન આરોપીએ લગભગ 300 પોર્ન સાઇટ્સને આ વીડિયો અને ફોટા વેચી દીધા હતા. જોકે તપાસમાં જાણવા મળ્યું કે છે કે, આરોપીએ પોર્ન સાઈટ પાસેથી Paytmના માધ્યમથી પૈસા લીધા હતા. જોકે પોલીસને અત્યાર સુધી એ જાણવા નથી મળ્યું કે આરોપીએ Paytm વૉલેટમાં કેટલા રૂપિયા લીધા છે.

આરોપીએ મહિલાનો વીડિયો અને ફોટા ઈન્સ્ટાગ્રામ, ફેસબુક સહિત અન્ય સોશિયલ મીડિયા પર પણ શેર કર્યા

તેની બાબતે જાણકરી મેળવવા પોલીસ Paytm કંપનીની મદદ લેશે. DCPએ જણાવ્યું હતું કે, જલ્દી જ કંપનીના અધિકારીઓ સાથે વાત કરવામાં આવશે. આરોપીએ મહિલાનો વીડિયો અને ફોટા ઈન્સ્ટાગ્રામ, ફેસબુક સહિત અન્ય સોશિયલ મીડિયા પર પણ શેર કર્યા છે. DCPનું કહેવું છે કે, આરોપી પોર્ન સાઈટ સાથે જોડાયેલા ઘણા વોટ્સએપ ગ્રુપમાં જોડાયેલો હતો. તેના પર પણ આરોપીએ વીડિયો અપલોડ કર્યા હતા. જોકે આરોપીએ વીડિયોને લોક કરી લીધો હતો. માત્ર પૈસા ચુકવ્યા બાદ જ તેને જોઈ શકાતો હતો.

આ પણ વાંચો:-  મુરાદાબાદ: કોરોના દર્દીને લઈ જતા મેડિકલ ટીમ પર હુમલો, સીએમએ કહ્યું - એનએસએ હેઠળ કાર્યવાહી કરવામાં આવશે

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.