Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

Residents throw stones at JCB came to build road in controversy over redevelopment of Anandvihar flat in Ahmedabad

અમદાવાદમાં સેટેલાઇટના કેશવબાગ પાર્ટી પ્લોટ સામે આવેલા આનંદવિહાર ફ્લેટના રિડેવલપમેન્ટ મામલે વિવાદ વકરતાં રહીશોએ આજે સવારે જેસીબી પર પથ્થરમારો કર્યો છે. ફ્લેટના રહીશોનો આક્ષેપ છે કે હાઉસિંગ બોર્ડનાં આ મકાનો 35 વર્ષ જૂનાં છે અને રિડેવલપમેન્ટના નામે કેટલાક બિલ્ડરો આ મોકાની જમીન પડાવી લેવા પેરવી કરી રહ્યા છે. ગુરુવારે રાત્રે પોલીસે આવીને રહીશોને મૌખિક રીતે મકાન ખાલી કરવા કહ્યું હોવાનું પણ રહીશોએ જણાવ્યું હતું. ત્યારે શુક્રવારે સવારે ફ્લેટ પાસે આવેલા JCB પર સ્થાનિકોએ પથ્થરમારો કર્યો હતો. મામલો બિચકતાં પોલીસ ઘટનાસ્થળે પહોંચી ગઈ હતી. એ છતાંય સ્થાનિકોનો રોષ ઓછો થયો નહોતો. તેમણે એવો આક્ષેપ કર્યો હતો કે બિલ્ડરોએ જબરદસ્તીથી તેમનાં મકાનો ખાલી કરાવવા માટે દબાણ કર્યું છે.

- Advertisement -

DCPએ સમગ્ર મામલો થાળે પાડ્યો
સ્થાનિકોએ JCB પર પથ્થરમારો કરતાં ઝોન DCP પ્રેમસુખ ડેલુ ત્યાં પહોંચી ગયા હતા અને સ્થાનિકોને સમજાવ્યા હતા. તેમણે કહ્યું હતું કે આ જેસીબી ફ્લેટ તોડવા માટે નહીં, પણ નવો રોડ બનાવવા માટે મગાવેલું છે. ફ્લેટ તોડવા માટે કોઈ પોલીસબંદોબસ્ત ફાળવવામાં આવ્યો નથી. તેમણે સ્થાનિકોને કહ્યું હતું કે જો મકાન તોડવાનાં હોય ત્યારે પોલીસ બંને પાર્ટીઓને સાથે રાખીને વાતચીત કરે છે, પછી જ બંદોબસ્ત માટે પોલીસબંદોબસ્ત ફાળવવામાં આવે છે. DCP પ્રેમસુખ ડેલુના સમજાવ્યા પછી ફ્લેટના રહીશો માની ગયા હતા અને આખો મામલો થાળે પડ્યો હતો.

આનંદવિહાર ફ્લેટ એ 36 વર્ષ જૂના હાઉસિંગ બોર્ડના ફલેટ ધરાવતી સોસાયટી છે. આ ફ્લેટના રિડેવલપિંગ માટેની વાતચીત ચાલી રહી છે, પરંતુ હજી સુધી તેમાં કોઈ નક્કર નિર્ણય નથી આવ્યો. ત્યારે બિલ્ડર દ્વારા તેમનાં મકાનો જબરદસ્તીથી ખાલી કરાવવામાં આવી રહ્યા છે, આ વિસ્તારમાં મોટાં-મોટાં કોમ્પ્લેક્સ ધરાવતા કેટલાક નામીચા બિલ્ડરો આ મોકાની જગ્યાને પડાવી લેવાની પેરવીમાં છે. આ માટે બિલ્ડરો દ્વારા પોલીસનો સાથ લઈને ફ્લેટ ખાલી કરાવવા રહીશો પર યેન કેન પ્રકારેણ દબાણ કરવામાં આવી રહ્યાનો પણ રહીશોનો આક્ષેપ છે.

આ પણ વાંચો:-  ભારતમાં પહેલીવાર ડિજિટલ ફેશન વીકનું આયોજન કરવામાં આવશે

સોસાયટીના રહીશો દ્વારા JCB પર ગેરસમજમાં પથ્થરમારો કરવામાં આવ્યો છે. તેમને એવું હતું કે આ JCB જેસીબી તેમના મકાન તોડવા માટે બોલાવવામાં આવ્યું છે, પણ ખરેખર એવું કંઈ નથી. આ JCB નજીકમાં બની રહેલા રોડની સમારકામની કામગીરી કરવા આવ્યા હોવાથી રહીશોને લાગ્યું હતું કે તેમના ઘર તોડવા આવ્યા છે. રહીશોને સમજાવીને આ ગેરસમજ દૂર કરવામાં આવી છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -

LEAVE A REPLY