Roads were closed in Dahod district by pouring mud on the bridge on the border of Madhya Pradesh

જિલ્લાના લીમખેડા ગામ નજીક મધ્યપ્રદેશની સરહદે આવેલા બ્રિજ પર માટી નાખીને રસ્તાઓ બંધ કરવામાં આવ્યો છે. જિલ્લામાં કોરોનાના કેસ વધતા જિલ્લા તંત્ર એક્શન સાથે કામે લાગ્યું છે. દાહોદ જિલ્લામાંથી મધ્યપ્રદેશ જતા માર્ગમાં આવેલા ગામમાં એક સાથે સાત કોરોના પોઝિટિવ કેસ નોંધાતા ગુજરાતના માર્ગ પર માટી નાખીને રસ્તો બંધ કરવાના મધ્યપ્રદેશના ઝાબુઆ જિલ્લાના કલેક્ટરે આદેશ કરતા માર્ગ બંધ કરવામાં આવ્યો છે.

- Advertisement -

મધ્યપ્રદેશના સરહદી ગામમાં એકસાથે સાત લોકો કોરોના સંક્રમિત થયા હતા

જિલ્લામાં દરરોજ કોરોના પોઝિટિવ સંક્રમિત દર્દીઓનો આંકડો 20થી 40 જેટલો વધી રહ્યો છે, ત્યારે જિલ્લાની સરહદે આવેલા મધ્યપ્રદેશના સરહદી ગામમાં એકસાથે સાત લોકો કોરોના સંક્રમિત થયા હતા, જેના કારણે મધ્યપ્રદેશના ઝાબુઆ જિલ્લાના જિલ્લા સમાહર્તા દ્વારા ગામની મુલાકાત લઇ ગ્રામજનો સાથે ચર્ચા વિચારણા કરવામાં આવી હતી, તે દરમિયાન ગ્રામજનોએ રજૂઆત કરી હતી કે ગુજરાતમાંથી લોકો આવવાના કારણે ગામમાં કોરોના પોઝિટિવ દર્દીઓ નોંધાઈ રહ્યા છે.

ગુજરાત તરફથી આવતા તમામ માર્ગો પર માટીના ઢગલા કરીને આવાગમન બંધ

જેથી ઝાબુઆ જિલ્લા કલેક્ટરે ગ્રામ પંચાયતને ગુજરાત તરફથી આવતા તમામ માર્ગો પર માટીના ઢગલા કરીને આવાગમન બંધ કરવાની સૂચના આપી હતી. જેના કારણે મધ્ય પ્રદેશની સ્થાનિક ગ્રામ પંચાયતોએ ગુજરાતમાંથી મધ્યપ્રદેશને જોડતા ત્રણ રસ્તાઓને માટીના ઢગલા નાખીને બંધ કર્યા છે. ઉપરોક્ત કામગીરીને કારણે મધ્યપ્રદેશથી સરળતા પુર્વક ગુજરાતમાં આવતા લોકોના આવાગમન બંધ થયું છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  SBI ચેરમેને કહ્યુ- અમે લોન આપવા તૈયાર છીએ પણ ગ્રાહકો લેવા નથી આવી રહ્યા.

તમારા એરિયા ના સમાચાર મોકલવા અહિયાં ક્લિક કરો.