<a href="https://news4gujarati.com/tag/gujarati/" class="st_tag internal_tag" rel="tag" title="Posts tagged with Gujarati">Gujarati</a> News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ગુજરાત સમાચાર | દિવ્ય ભાસ્કર - Divya Bhaskar

Sachin Pilot reached his home to meet Chief Minister Ashok Gehlot

રાજસ્થાનના રાજકીય ડ્રામા પછી પ્રથમ વખત સચિન પાયલટ મુખ્યમંત્રી અશોક ગેહલોતને મળવા તેમના ઘરે પહોંચી ગયા છે. મુખ્યમંત્રીના ઘરે જ થોડીવારમાં કોંગ્રેસના ધારસભ્ય પક્ષની બેઠક થનાર છે. આ પહેલા ગેહલોતે પાયલટને અલગથી મળવા માટે બોલાવ્યા છે.

- Advertisement -

સચિન પાયલટ ફરીથી કોંગ્રેસમાં પરત ફર્યા બાદ તેમના ગ્રુપના ધારાસભ્યોને પણ રાહત મળવાની શરૂ થઈ ગઈ છે. કોંગ્રેસે પાયલટ ગ્રુપના ભંવરલાલ શર્મા અને વિશ્વેવેન્દ્ર સિંહનું સસ્પેન્શન પરત લીધું છે. હોર્સ ટ્રેડિંગમાં સામેલ થવાના આરોપના પગલે બંનેને સસ્પેન્ડ કરવાની કાર્યવાહી કરવામાં આવી હતી.

જયપુરમાં ભાજપ ધારાસભ્ય પક્ષની બેઠક ચાલી રહી છે. જેમાં પૂર્વ મુખ્યમંત્રી વસુંધરા રાજે પણ હાજર છે. કોંગ્રેસના રાજકીય સંકટ પછી વસુંધરા પહેલી વખત જયપુર આવ્યા છે. આ પહેલા 2 વખત ભાજપ ધારાસભ્ય પક્ષની બેઠક બોલાવાઈ હતી, પણ વસુંધરાએ હાજરી નહોતી આપી. આજની બેઠકમાં 14 ઓગસ્ટે શરૂ થઈ રહેલા વિધાનસભા સત્ર અંગે રણનીતિ બનાવાઈ રહી છે.


તો આ તરફ મુખ્યમંત્રી અશોક ગેહલોતે સતત બીજા દિવસે કહ્યું કે, પાર્ટીમાં ગત મહિને જે પણ ગેરસમજણ થઈ, એમા આપણે દેશ, રાજ્ય અને લોકતંત્રના હિતમાં ભૂલવા અને માફ કરવાની જરૂર છે. આ વિચાર સાથે આપણે આગળ વધવુ પડશે.

સચિન પાયલટ કોંગ્રેસમાં ફરી પરત ફર્યાના 3 દિવસ પછી આજે મુખ્યમંત્રી અશોક ગેહલોત અને પૂર્વ નાયબ મુખ્યમંત્રી પાયલટ રૂબરૂ મળશે. જયપુરમાં આજે કોંગ્રેસના ધારસભ્ય પક્ષની બેઠક વિધાનસભા અથવા મુખ્યમંત્રીના ઘરે થાય તેવી શકયતા છે. બેઠકમાં બંને ગ્રુપના ધારાસભ્યો હાજર રહેશે. બેઠક પછી બંને ગ્રુપમાં મળવાનું ચાલશે. જોકે ગેહલોત અને પાયલટની મુલાકાત કઈ રીતે રીતે થાય છે તે મહત્વનું છે.

આ પણ વાંચો:-  બાબરી વિધ્વંસ કેસ: તમામ આરોપીઓ નિર્દોષ જાહેર

14 ઓગસ્ટથી વિધાનસભા સત્ર

ગેહલોત ગ્રુપના ધારાસભ્યો બુધવારે જેસલમેરથી જયપુર પરત આવ્યા. તેમને ફરીથી તે જ હોટલ ફેયરમોન્ટમાં રોકવામાં આવ્યા, જ્યાંથી તેઓ 31 જુલાઈએ જેસલમેર ગયા હતા. ગેહલોતે આ સમગ્ર ઘટનાક્રમ અંગે કહ્યું કે ફરગેટ અને ફરગિવ, ભૂલો, માફ કરો અને આગળ વધો. તે જ રાજ્ય અને લોકશાહીના હિતમાં છે. 14 ઓગસ્ટથી વિધાનસભા સત્ર શરૂ થશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -