Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Saumil Patel, who exposed Unjha APMC cess scam, was arrested by the police

ઊંઝા APMC સેસ કૌભાંડના મામલામાં આજે એક નવો ટ્વિસ્ટ સામે આવી રહ્યો છે. ઊંઝા APMC સેસ કૌભાંડમાં આક્ષેપ કરનારા સૌમિલ પટેલની હાલ પોલીસે અટકાયત કરી છે. જિલ્લા રજીસ્ટ્રાર સમક્ષ તપાસમાં હાજર થવા મુદ્દે એક કલાકની પુછપરછ બાદ પોલીસે સૌમિલ પટેલની અટકાયત કરી છે.

- Advertisement -

તમને જણાવીએ કે સૌમિલ પટેલે ઊંઝા APMC સેસ કૌભાંડમાં સત્તાધીશો સામે અનેક મોટા આક્ષેપ કર્યા છે. આજે જ્યારે સૌમિલ પટેલ જિલ્લા રજિસ્ટ્રારને મળવા પહોંચ્યા હતા, ત્યારે તેમની પુછપરછ બાદ પોલીસ દ્વારા અટકાયત કરવામાં આવી છે. જિલ્લા રજિસ્ટ્રારે સૌમિલને પુરાવા સાથે હાજર રહેવા નોટિસ આપી હતી. પરંતુ તેઓ પુરાવા રજૂ કરી શક્યા નહોતા.

જિલ્લા રજીસ્ટ્રાર સમક્ષ તપાસમાં હાજર થવા મુદ્દે સૌમિલ પટેલે જણાવ્યુ હતું કે, મેં જાહેર કરેલું કૌભાંડ ચેરમેન દિનેશ પટેલ અને તેમન મળતીયાઓ દ્વારા આચરવામાં આવ્યું જ છે. મેં તે અંગેના વિડીઓ ફૂટેજ સહિતના પુરાવાઓ માધ્યમોમાં આપ્યા છે અને રજિસ્ટ્રારે મને ગુરૂવારે તપાસમાં બોલાવ્યો છે. જેથી હું તમામ વિડીઓ ફૂટેજ અને દસ્તાવેજી પુરાવાઓ સાથે રજિસ્ટ્રાર સમક્ષ હાજર થઈ તમામ પુરાવાઓ આપીશ અને તપાસમાં પૂર્ણ સહયોગ આપીશ.

અત્રે ઉલ્લેખનીય છે કે, ઊંઝા એપીએમસીના સેસ કેશ કૌભાંડનો પર્દાફાશ કરનાર એપીએમસીના જ ક્લાર્કે અગાઉ ચેરમેન દિનેશ પટેલ, સેક્રેટરી વિષ્ણુ પટેલ અને ધારાસભ્ય આશા પટેલ ઉપર કૌભાંડના આક્ષેપ લગાવ્યા હતા. હવે તેમણે એક નવો ઘટસ્ફોટ કર્યો છે કે દર પંદર દિવસે એપીએમસીમાં સેસ ઉઘરાણીનો પાંચ દિવસનો રાઉન્ડ આવતો હતો અને આ સેસ કલેક્શનના અંતે ચેરમેન તેઓના મોબાઈલ નંબરથી મારી સાથે વાત કરતા હતા અને કેટલું કલેક્શન આવ્યું તે જાણીને તે રકમ કનુભાઈને આપી દેવાની સૂચના આપતા હતા.

આ પણ વાંચો:-  નવા નક્શાનો વિરોધ કરનારા સાંસદ સરિતા ગિરીના ઘર પર હુમલો

જેથી આ કૌભાંડમાં સામેલ ચેરમેનના સચોટ પુરાવા જોઈતા હોય તો મારા, ચેરમેન દિનેશ પટેલ અને સેક્રેટરી વિષ્ણુ પટેલના 15 માસના કોલના સીડીઆર કઢાવવા જોઈએ. તેની તપાસ કરવામાં આવે તો કેટલી સેસની રકમ ઉઘરાવાઈ, કેટલી રકમ બારોબાર ચરેમેનના માણસ કનૈયાલાલ ઉર્ફે કનુભાઈ પટેલને અપાઈ તેના પુરાવાઓ મળી જશે.

જો કોલ ડીટેઇલ તપાસવામાં આવે તો ચેરમેન, સેક્રેટરી સહિતના કૌભાંડીઓ માટે છટકવાના તમામ રસ્તા બંધ થઈ જશે તેમ સૌમિલ પટેલે જણાવ્યું છે. સૌમિલ પટેલ આવતીકાલે જિલ્લા રજિસ્ટ્રારને કૌભાંડના પુરાવા આપશે.

સૌમિલ પટેલે જણાવ્યું હતું કે વિડીઓ ફૂટેજ સાથે મે આ કૌભાંડજાહેર કર્યું છે છતાં વધુ પુરાવા જોઈતા હોય તો સરકાર સ્વતંત્ર તપાસ એજન્સી જોડે તપાસ કરાવે. છેલ્લા 15 મહિનાના ચેરમેન દિનેશ પટેલ, સેક્રેટરી વિષ્ણુ પટેલ, ચેરમેનના માણસ કનૈયાલાલ ઉર્ફે કનુભાઈ પટેલ અને મારા પોતાના પણ તમામ કોલ રેકોર્ડીંગ મંગાવી તપાસ કરે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -