<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

Saurashtra’s daughters seek a gun license after Hathrasakand incident

હાથરસ બાદ સૌરાષ્ટ્રની દીકરીઓએ કલેક્ટર પાસે ગનના લાયસન્સ માંગ્યા હોવાની વાત સામે આવી છે. સૌરાષ્ટ્રભરની 100 જેટલી દીકરીઓએ ગન માટે કલેક્ટર કચેરીમાં અરજી કરી છે. રાજકોટ, ગીર સોમનાથ, જૂનાગઢ, જામનગરની યુવતીઓએ ગનની અરજી કરી છે.

- Advertisement -

સંરક્ષણ માટે ગનનું લાયસન્સ આપવા કલેક્ટરને આવેદન આપવામાં આવ્યું છે. યુવતીઓએ કલેક્ટર કચેરીએ જણાવ્યું હતું કે એક ફોન કરવાથી ટીમ મહિલાઓની મદદે આવશે તેવા સરકારના વાયદા પોકળ ઠર્યા છે. અમારે જ અમારી રક્ષા કરવી પડશે. અમારે જ આરોપીઓને હવે સજા આપવી પડશે,તેવી રાજકોટ કલેકટર સમક્ષ 100 જેટલી યુવતીઓએ રજૂઆત કરી છે.

હાલમાં મહિલાઓ પર થઈ રહેલા અત્યાચાર સામે પોલીસ અને કાનુન વ્યવસ્થા પાંગળી પુરવાર થઈ રહી છે ત્યારે રાજકોટ કલેકટર સમક્ષ 100 જેટલી યુવતીઓએ રેપિસ્ટો સામે સ્વરક્ષણ માટે બંદુકના લાયસન્સ આપવા રજૂઆત કરી છે. મહિલાઓની રક્ષા માટે બનાવવામાં આવેલ રોમિયો સ્કવોડ માત્ર નામની હોય તેમ તેનાથી ગેંન્ગ રેપ અટકતા નથી તેવું રજૂઆતમાં જણાવેલ છે..

સમગ્ર ભારતમાં મહિલાઓ પર દિન-દહાડે બળાત્કારના ગુનાઓ બની રહ્યા છે અને જે તે સમયે સરકાર દ્વારા એક ફોન કરવાથી ટીમ મહિલાઓની મદદે આવી જશે તેવા વાયદાઓ કરવામાં આવ્યા હતા તે પોકળ સાબિત થઈ રહ્યા છે ત્યારે અમારે જ અમારી રક્ષા કરવી પડશે અને સજા પણ અમારે જ આપવી પડશે તેવી રજૂઆત કલેકકટરને કરવામાં આવી હતી.

રજૂઆતમાં વધુમાં જણાવ્યું હતું કે મહિલાઓના રક્ષણ માટે બનાવવામાં આવેલ કાનુન પણ જાણે કાગળો પર હોય તેવું લાગી રહ્યું છે અને આરોપીઓ સામે કોઈ કાર્યવાહી થતી નથી. રોમિયો સ્કવોર્ડની માફક 181 મહિલાઓ સામેના અત્યાચાર માટેની એક ફોન કરીને પહોંચી જતી આ ટીમનું કાર્ય પણ શુન્ય છે. તેનાથી કોઈ મહિલાને ન્યાય મળતો નથી તેમ રજૂઆતમાં જણાવાયું છે. આ રીતે મહિલાઓ સાથે અત્યાચાર થતા જ રહેશે તો મહિલાઓને નાછુટકે બંદૂક હાથમાં લેવા સિવાય છુટકો નથી તેથી બંદૂકના લાયસન્સ આપવા માટે માંગણી કરવામાં આવી છે.

આ પણ વાંચો:-  સર્વોચ્ચ સપાટીએ પહોંચ્યા બાદ નર્મદા ડેમના 23 દરવાજા ખોલીને 1.10 લાખ ક્યૂસેક પાણી છોડાયુ

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -