Gujarati News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ગુજરાત સમાચાર | દિવ્ય ભાસ્કર - Divya Bhaskar

Several leaders were detained before the resistance rally, including Hardik Patel

હાથરસની પીડિતાને ન્યાય અપાવવા માટે અમદાવાદના કોચરબ આશ્રમથી સાબરમતી આશ્રમ સુધી આજે પ્રતિકાર રેલીનું આયોજન કરવામાં આવ્યું છે. ત્યારે એ પહેલા જ કોંગ્રેસના નેતાઓની અટકાયત શરૂ કરાઈ છે. કાર્યકારી અધ્યક્ષ હાર્દિક પટેલની તેમના નિવાસસ્થાનેથી અટકાયત કરાઈ છે. તો બીજી તરફ, કોંગ્રેસના નેતા શૈલેષ પરમારની પણતેમના ઘરથી અટકાયત કરાઈ છે. ઈમરાન ખેડાવાલાને તેમના ઘરમાં નજરકેદ કરાયા છે. તો જિગ્નેશ મેવાણીને એનેક્સી ખાતે નજરકેદ કરાયા છે. કોંગ્રેસની પ્રતિકાર રેલી શરૂ થઈ ગઈ છે. આ રેલીને પોલીસ દ્વારા મંજૂરી આપવામાં આવી નથી, તેથી અસંખ્ય કાર્યકર્તાઓની અટકાયત કરાઈ છે. 

- Advertisement -

કોંગ્રેસ પ્રમુખ અમિત ચાવડા, ધારાસભ્ય નૌશાદ સોલંકીની અટકાયત, અનિલ નારગડે, તરુણ વાઘેલા, શહેર કોંગ્રેસ પ્રમુખ શશીકાંત પટેલ, એએમસીના વિપક્ષના નેતા દિનેશ શર્મા સહિત અસંખ્ય નેતાઓની અટકાયત કરાઈ છે. તો અન્ય કોંગ્રેસના નેતાઓ જે રેલીમાં પહોંચ્યા ન હતા, તેઓને તેમના ઘરે જ નજરકેદ કરાયા છે. મોટી સંખ્યામાં કોંગ્રેસના કાર્યકર્તાઓ પ્રતિકાર રેલી માટે એકઠા થયા છે. તેથી પોલીસ દ્વારા મોટાપાયે અટકાયત કરાઈ છે. રેલી કોઈ પણ સંજોગોમાં ન નીકળી દેવાની સરકારની સીધી સૂચના હોવાથી કાર્યકર્તાઓની અટકાયત કરાઈ છે.  

મોટી સંખ્યામાં કોગ્રેસના કાર્યકર્તાઓ બેનર લઈને કોંગ્રેસ કાર્યાલયમાંથી બહાર નીકળ્યા હતા. કાર્યકર્તાઓ દ્વારા સૂત્રોચ્ચાર કરાયા હતા. પરંતુ જેમ જેમ કાર્યકર્તાઓ આગળ વધતા ગયા તેમ તેમ પોલીસ દ્વારા કાર્યકર્તાઓની અટકાયત કરાઈ હતી. પોલીસે રેલી નીકળે તે પહેલા જ વિખેરી દીધી હતી. પ્રતિકાર રેલીને મંજૂરી આપવામાં આવી નથી, છતાં કોંગ્રેસ દ્વારા રેલી કાઢવામાં આવી હતી. તેથી પોલીસ દ્વારા અટકાયતી પગલા લેવાયા હતા. જે પણ નેતાઓએ રેલીની આગેવાની કરી છે તેમની અટકાયત કરાઈ છે. કોવિડને કારણે કોઈ પણ વ્યક્તિને ટોળાશાહીમાં એકઠા થવાની મંજૂરી અપાતી નથી તેથી અટકાયત કરાઈ હતી. 

આ પણ વાંચો:-  ગુજરાતનું ‘ગોવા’ ગણાતા પ્રદેશથી કોરોના પણ ભયભીત! તંત્ર અને લોકોની તકેદારીએ કરી કમાલ

અટકાયત કરાયા બાદ નૌશાદ સોલંકીએ કહ્યું કે, સરકારનો અમારી રેલીને અટકાવવનો પ્રયાસ નિંદનીય છે. અમને ગાંધીજીની પ્રતિમાને નંદન પણ ન કરવા દીધા. ગુજરાત પોલીસ ઉત્તર પ્રદેશના રાહે જઈ રહી છે. આજનો દિવસ કાળો દિવસ છે. આ હવે ગાંધીનુ ગુજરાત રહ્યું નથી, મુખ્યમંત્રી રાજીનામુ આપી દે. 

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.