Gujarati News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ન્યુઝ ફોર ગુજરાતી | ગુજરાત સમાચાર - News4 Gujarati

Agriculture Minister R.C. A big announcement for fruit farmers will be able to avail this benefit by applying from October 1

આજે ગુજરાત વિધાનસભાના ચોમાસું સત્રનું ત્રીજું સત્ર શરૂ થયા પહેલા રાજ્ય સરકારે ખેડૂતોને એક જાહેરાતના ખુશખબર આપ્યા છે. ખેડૂતો માટે પોતાના ખેતરની આસપાસ તાર ફેન્સિંગની સહાય મુદ્દે મહત્વપૂર્ણ જાહેરાત કરાઈ છે. કૃષિમંત્રી આર સી ફળદુએ ખેડૂતો માટે જાહેરાત કરતા જણાવ્યું હતું કે, તાર ફેન્સિંગ સહાયમાં હવે ખેડૂતો માટે 5 હેક્ટરની જગ્યા ક્લસ્ટર માન્ય ગણાશે.

- Advertisement -

કૃષિમંત્રી ફળદુએ જણાવ્યું હતું કે, ચાલું વર્ષે સૌરાષ્ટ્ર, કચ્છમાં વધારે વરસાદ પડ્યો છે. અતિવૃષ્ટિથી ખેડૂતોને મોટાપાયે નુકસાન થયું છે તે મુદ્દે પણ જાહેરાત કરવામાં આવી છે. ફળદુએ જણાવ્યું કે, વધુ વરસાદથી જ્યાં પાકને વધુ નુકસાન થયું છે તેવા 20 જિલ્લાના 123 તાલુકામાં સહાય ચૂકવાશે. રાજ્ય સરકારે ખેડૂતો માટે રૂપિયા 3700 કરોડનું પેકેજ જાહેર કર્યુ છે. નાના ખેડૂતને રૂ.5000ની ઓછામાં ઓછી સહાય મળે તેવી જોગવાઈ પણ સરકાર કરી રહી છે.

ફળદુએ કોંગ્રેસ પર આક્ષેપ લગાવતા જણાવ્યું હતું કે, કોંગ્રેસ ખેડૂતોને ઉલ્લુ બનાવી રહી છે. સરકારે જાહેર કરેલી જાહેરાતનું ખોટું અર્થઘટન કરીને ખેડૂતોને ભ્રમિત કરવામાં આવી રહી છે. પરંતુ અમે અમારી જાહેરાત પછી પણ જે વિસ્તારો છૂટી ગયા હશે ત્યાં પણ સરવે કરાશે. સરકારની સહાય મેળવવા માટે ખેડૂતોએ 1 ઑક્ટોબરથી અરજી કરવાની રહેશે. જ્યારે ટેકાના ભાવે જણસીઓ ખરીદી કરાશે તેવું પણ ફળદુએ જણાવ્યું છે.

ફળદૂએ ઉમેર્યું હતું કે, આગામી સમયમાં રાજ્યના ખેડૂતોએ કોઈ ચિંતા કરવાની જરૂર નથી. પ્રતિહેક્ટર SDRFના ધોરણો પ્રમાણે 6800 મળવા પાત્ર હોય છે. રાજ્ય બજેટમાંથી 3200 ઉમરોને કરીને પ્રતિહેક્ટર 10 હજાર મળશે. વધુમાં વધુ બે હેક્ટરની મર્યાદામાં 20 હજાર સુધીની સહાય મળશે. ટેકાના ભાવે શરૂ કરાશે પાકની ખરીદી કરાશે. કેટલાક વિસ્તારમાં કોંગ્રેસ ખોટો પ્રચાર કરી રહ્યુ છે.

આ પણ વાંચો:-  સરકારે ખોટા તાયફા અને પ્રચાર બંધ કરી કોરોના પર ધ્યાન આપવું જોઈએ: હાર્દિક પટેલ

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -