<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ગુજરાત સમાચાર | દિવ્ય ભાસ્કર - Divya Bhaskar

Strange ‘accusation’ leveled at Israeli PM Benjamin Netanyahu

ઈઝરાયેલના પ્રધાનમંત્રી બેન્જામિન નેતન્યાહૂ(Israeli Prime Minister Benjamin Netanyahu) નો અમેરિકા પ્રવાસ વિવાદમાં સપડાયો છે. તેમના પર પોતાની સાથે ગંદા કપડાં (bags full of dirty laundry) ની બેગો લઈ જવાનો આરોપ લાગ્યો છે. તેમના પર એવો પણ આરોપ લાગ્યો છે કે તેમણે બધા ગંદા કપડાં વ્હાઈટ હાઉસ(White House) માં ધોવડાવ્યાં. 

- Advertisement -

વોશિંગ્ટન પોસ્ટના રિપોર્ટમાં કહેવાયું છે કે ઐતિહાસિક સમજૂતિ માટે અમેરિકા આવ્યા ત્યારે નેતન્યાહૂ અનેક બેગ લઈને આવ્યા હતાં. જેમાં તેમના ગંદા કપડાં હતાં. ઈઝરાયેલી પ્રધાનમંત્રીના કપડાંને વ્હાઈટ હાઉસમાં મફત ધોવામાં આવ્યાં. અખબારે એક અધિકારીના હવાલે કહ્યું છે કે નેતન્યાહૂ પહેલા પણ આવું કરી ચૂક્યા છે. તેઓ અમેરિકા પ્રવાસ વખતે પોતાની સાથે ગંદા કપડાં લઈને આવે છે અને આ ગંદા કપડાં વ્હાઈટ હાઉસના સ્ટાફ પાસે ધોવડાવે છે. 

જો કે ઈઝરાયેલે આ આરોપોને પાયાવિહોણા ગણાવ્યા છે. અમેરિકામાં ઈઝરાયેલના દૂતાવાસ તરફથી કહેવાયું છે કે આરબ દેશોના ઈઝરાયેલ સાથે થયેલા શાંતિ કરાર તરફથી ધ્યાન ભટકાડવા માટે આમ થઈ રહ્યું છે. દૂતાવાસ દ્વારા બહાર પાડવામાં આવેલા નિવેદનમાં કહેવાયું છે કે ‘પ્રધાનમંત્રીના આ પ્રવાસ પર કોઈ ડ્રાય ક્લિનિંગ કરાવાયું નથી. માત્ર સાર્વજનિક બેઠક માટે પ્રધાનમંત્રીની બે શર્ટ ધોવડાવવામાં આવી હતી. આ ઉપરાંત પીએમ નેતન્યાહૂનો સૂટ અને તેમના પત્નીનો ડ્રેસ પ્રેસ કરાવવામાં આવ્યો.’

દૂતાવાસ તરફથી કહેવાયું છે કે પ્રધાનમંત્રી નેતન્યાહૂએ વોશિંગ્ટન આવતી વખતે 12 કલાકની ફ્લાઈટમાં જે બે પાઈજામા પહેર્યા હતાં તે ધોવડાવવામાં આવ્યાં હતાં. હાલનો વિવાદ ફક્ત ઈઝરાયેલ, બહેરીન અને સાઉદી અરેબિયા વચ્ચે થયેલા શાંતિ કરાર તરફથી ધ્યાન ભટકાડવાની કોશિશ છે. નોંધનીય છે કે આ કરાર માટે અમેરિકી રાષ્ટ્રપતિ ડોનાલ્ડ ટ્રમ્પના આમંત્રણ પર બેન્જામિન નેતન્યાહૂની સાથે યુએઈ અને બહેરીનના નેતાઓ પણ અમેરિકા પહોંચ્યા હતાં. 

આ પણ વાંચો:-  દમણમાં કોરોનાનો કારમો વિસ્ફોટ, એક સાથે 13 કેસથી તંત્ર થયું દોડતું...

એક અધિકારીએ વોશિંગ્ટન પોસ્ટને જણાવ્યું કે નેતન્યાહૂ એકમાત્ર એવા નેતા છે જે ગંદા કપડાંની બેગો અમેરિકનો માટે લાવ્યા હતાં. તેમણે પહેલા પણ આમ કર્યુ હતું, જેનાથી સ્પષ્ટ થાય છે કે તેઓ આવું જાણી જોઈને કરે છે. 

ઈઝરાયેલના પ્રધાનમંત્રી બેન્જામિન નેતન્યાહૂ પોતના કપડાને લઈને ખુબ સજાગ રહે છે. તેમને જરાય ગમતું નથી કે તેમના લોન્ડ્રી ખર્ચા અંગે લોકોને જાણ થાય. 2016માં નેતન્યાહૂએ પોતાના કપડાં ધોવાના બિલને સાર્વજનિક કરવા મુદ્દે પોતાના કાર્યાલય અને ઈઝરાયેલના અટોર્ની જનરલ પર કેસ ઠોકી દીધો હતો. ન્યાયાધીશે નેતન્યાહૂના પક્ષમાં ચુકાદો આપ્યો અને તેમના લોન્ડ્રી ખર્ચની જાણકારી જાહેર થઈ શકી નહીં. 

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.